𐍂𐌿𐌼𐍉𐌽𐌹𐍃𐌺 𐍂𐌴𐌹𐌺𐌹

𐍂𐌿𐌼𐍉𐌽𐌹𐍃𐌺 𐍂𐌴𐌹𐌺𐌹

𐍂𐌿𐌼𐍉𐌽𐌹𐍃𐌺 𐍂𐌴𐌹𐌺𐌹 (𐌻𐌰𐍄𐌹𐌽𐌹𐍃𐌺𐌰: imperium romanum) 𐍅𐌰𐍃 𐌸𐌰𐍄𐌰 𐍂𐌴𐌹𐌺𐌹 𐌸𐌰𐍄𐌴𐌹 𐍅𐌰𐍂𐌸 𐌰𐍆𐌰𐍂 𐌰𐌽𐌳𐌾𐌰 𐍂𐌿𐌼𐍉𐌽𐌹𐍃𐌺𐌰𐌹𐌶𐍉𐍃 𐍂𐌰𐌹𐍃𐍀𐌿𐌱𐌻𐌴𐌹𐌺𐍉𐍃 (𐌸𐌹𐌿𐌳𐌰𐍅𐌰𐌹𐌷𐍄𐌰𐌹𐍃). 𐌹𐍄𐌰 𐍅𐌰𐍃 𐌰𐌹𐌽𐌰𐍄𐌰 𐌸𐌹𐌶𐌴 𐌼𐌰𐌷𐍄𐌴𐌹𐌲𐌰𐌽𐌴 𐍂𐌴𐌹𐌺𐌾𐌴 𐌰𐌻𐌻𐌰𐌹𐌶𐍉𐍃 𐌼𐌰𐌽𐌰𐍃𐌴𐌳𐌰𐌹𐍃 𐌾𐌰𐌷 𐌰𐌹𐌷𐍄𐌰 𐌼𐌹𐌺𐌹𐌻𐌰 𐌳𐌰𐌹𐌻 𐌼𐌴𐌳𐌹𐍄𐌰𐌹𐍂𐌰𐌽𐌹𐍃𐌺𐌹𐍃 𐌻𐌰𐌽𐌳𐌹𐍃, 𐌰𐌹𐍅𐍂𐍉𐍀𐍉𐍃 𐌾𐌰𐌷 𐌰𐍆𐍂𐌹𐌺𐍉𐍃. 𐍃𐌴𐌹𐌽𐌰 𐌷𐌰𐌿𐌱𐌹𐌳𐌰𐌱𐌰𐌿𐍂𐌲𐍃 𐍂𐌿𐌼𐌰 𐍅𐌰𐍃 𐍃𐍉 𐌼𐌹𐌺𐌹𐌻𐌹𐍃𐍄𐍉 𐌱𐌰𐌿𐍂𐌲𐍃 𐌸𐌹𐌶𐍉𐍃 𐍆𐌰𐌹𐍂𐍈𐌰𐌿𐍃 𐍃𐍅𐌴 100 BC - 400 AD. 𐍆𐍂𐌰𐌿𐌾𐌹𐌽𐌰𐍃𐍃𐌿𐍃 𐍂𐌴𐌹𐌺𐌾𐌹𐍃 𐌻𐌹𐌱𐌰𐌹𐌳𐌰 𐌼𐌹𐌽𐍃 1500 𐌾𐌴𐍂𐌰. 𐍃𐌰 𐌼𐌰𐌷𐍄𐌴𐌹𐌲𐍃𐍄𐌰 𐌼𐌰𐌽𐌽𐌰 𐍂𐌿𐌼𐍉𐌽𐌹𐍃𐌺𐌹𐍃 𐍂𐌴𐌹𐌺𐌾𐌹𐍃 𐌾𐌿𐌻𐌴𐌹𐍃 𐌺𐌰𐌹𐍃𐌰𐍂 𐍅𐌰𐍃.

𐍃𐍀𐌹𐌻𐌻

𐍂𐌿𐌼𐌰 𐌰𐌽𐌰𐍃𐍄𐍉𐌳𐌹𐌳𐌰 𐌹𐌽𐍃𐍅𐌹𐌽𐌸𐌾𐌰𐌽 𐌱𐌹𐌸𐌴 𐌲𐌰𐍃𐌿𐌻𐌾𐌹𐌳𐌰 𐍅𐌰𐍂𐌸 𐍂𐌿𐌼𐍉𐌽𐍃𐌹𐌺𐌰 𐍂𐌰𐌹𐍃𐍀𐌿𐌱𐌻𐌴𐌹𐌺𐌰. 𐌰𐍆𐌰𐍂 𐍂𐌿𐌼𐍉𐌽𐌹𐍃𐌺𐌰 𐍃𐍀𐌹𐌻𐌻𐌰 𐍄𐍅𐌰𐌹 𐌼𐌰𐌲𐌾𐌿𐍃 𐌷𐌰𐌹𐍄𐌰𐌽𐌳𐌰 𐍂𐍉𐌼𐌿𐌻𐌿𐍃 𐌾𐌰𐌷 𐍂𐌴𐌼𐌿𐍃 𐌲𐌰𐍃𐌿𐌻𐌹𐌳𐌴𐌳𐌿𐌽 𐌱𐌰𐌿𐍂𐌲 𐍂𐌿𐌼𐌰.

𐍂𐌰𐌶𐌳𐍉𐍃

𐍃𐍉 𐌷𐌰𐌿𐌱𐌹𐌳𐌰𐍂𐌰𐌶𐌳𐌰 𐍅𐌰𐍃 𐌻𐌰𐍄𐌹𐌽𐌹𐍃𐌺𐌰 𐍂𐌰𐌶𐌳𐌰, 𐍃𐌴𐌹 𐍃𐍉 𐍂𐌰𐌶𐌳𐌰 𐍅𐌹𐍄𐍉𐌳𐌹𐍃 𐌾𐌰𐌷 𐌳𐍂𐌰𐌿𐌷𐍄𐌹𐌽𐌰𐍃𐍃𐌰𐌿𐍃 𐍅𐌰𐍃. 𐍃𐌿𐌼𐌰𐌹 𐍂𐌿𐌼𐍉𐌽𐌾𐌿𐍃, 𐍃𐍅𐌴 𐌺𐌰𐌹𐍃𐌰𐍂𐍉𐍃 𐌾𐌰𐌷 𐌺𐌹𐌽𐌳𐌹𐌽𐍉𐍃, 𐌻𐌰𐌹𐍃𐌹𐌳𐌴𐌳𐌿𐌽 𐍃𐌹𐌺 𐌾𐌰𐌷 𐌺𐍂𐌴𐌹𐌺𐌰𐍂𐌰𐌶𐌳𐌰.

𐌺𐌿𐌽𐌾𐌰𐌷𐌰𐌹𐌳𐌿𐍃

𐌼𐌰𐌽𐌰𐌲𐍉𐍃 𐌸𐌹𐌿𐌳𐍉𐍃 𐌼𐌹𐍃𐍃𐌰𐌻𐌴𐌹𐌺𐌰𐌹𐌶𐌴 𐌺𐌿𐌽𐌾𐌰𐌷𐌰𐌹𐌳𐌹𐍅𐌴 𐌱𐌰𐌿𐌰𐌹𐌳𐌴𐌳𐌿𐌽 𐌹𐌽 𐍂𐌿𐌼𐍉𐌽𐌹𐍃𐌺𐌰 𐍂𐌴𐌹𐌺𐌾𐌰.

𐌵𐌹𐌽𐍉𐌽𐍃

𐍆𐍂𐌹𐌾𐌰𐌱𐌰𐌿𐍂𐌴𐌹𐍃 𐌵𐌹𐌽𐍉𐌽𐍃 𐍅𐌴𐍃𐌿𐌽 𐌱𐌰𐌿𐍂𐌲𐌾𐌰𐌽𐍃, 𐌹𐌸 𐌽𐌹 𐌼𐌰𐌷𐍄𐌴𐌳𐌿𐌽 𐍆𐍂𐌰𐌿𐌾𐌹𐌽𐍉𐌽 𐌽𐌹𐌷 𐌳𐍂𐌰𐌿𐌷𐍄𐌹𐌽𐍉𐌽. 𐍂𐌿𐌼𐍉𐌽𐌹𐍃𐌺𐌰 𐌵𐌹𐌽𐍉𐌽 𐌲𐌰𐍆𐌰𐌹𐍃𐍄𐌹𐌳𐌰 𐌹𐌶𐍉𐍃 𐌲𐌰𐍂𐌳𐌰𐌽𐌰𐌼𐍉. 𐌱𐌰𐍂𐌽𐌰 𐌿𐍆𐍄𐌰 𐌰𐌽𐌳𐌽𐌴𐌼𐌿𐌽 𐌰𐍄𐍄𐌹𐌽𐍃 𐌽𐌰𐌼𐍉 𐌰𐌹𐌸𐌸𐌰𐌿 𐌰𐌹𐌽𐍆𐌰𐌻𐌸𐌰𐌱𐌰 𐌰𐌹𐌸𐌴𐌹𐌽𐍃 𐌽𐌰𐌼𐍉. 𐍂𐌿𐌼𐍉𐌽𐌹𐍃𐌺𐌰 𐌵𐌹𐌽𐍉𐌽 𐍆𐍂𐌰𐌿𐌾𐌹𐌽𐍉𐌳𐌰 𐍅𐌰𐍃 𐍆𐍂𐌰𐌼 𐌰𐍄𐍄𐌹𐌽, 𐌿𐌽𐍄𐌴 𐌹𐍃 𐌲𐌰𐌳𐌰𐌿𐌸𐌽𐍉𐌳𐌰. 𐍅𐌰𐍂𐌸 𐍃𐌹 𐌸𐌰𐌽 𐍆𐍂𐌹𐌾𐌰. 𐌵𐌹𐌽𐍉𐌽𐍃 𐌼𐌰𐌷𐍄𐌴𐌳𐌿𐌽 𐌰𐌹𐌲𐌰𐌽 𐌻𐌰𐌽𐌳, 𐍅𐌴𐍃𐌿𐌽 𐌰𐌿𐌺 𐌱𐌰𐌿𐍂𐌲𐌾𐌰𐌽𐍃.

𐍃𐌺𐌰𐌻𐌺𐍉𐍃

𐍂𐌿𐌼𐍉𐌽𐌹𐍃𐌺𐍃 𐍃𐌺𐌰𐌻𐌺𐍃 𐌿𐍃𐍃𐌹𐌲𐌲𐍅𐌹𐌸 𐍆𐍂𐌰𐌿𐌾𐌹𐌽

𐍃𐍅𐌴 35% 𐌸𐌹𐌿𐌳𐍉 𐌹𐌽 𐍂𐌿𐌼𐍉𐌽𐌹𐍃𐌺𐌰 𐍂𐌴𐌹𐌺𐌾𐌰 𐍅𐌴𐍃𐌿𐌽 𐍃𐌺𐌰𐌻𐌺𐍉𐍃. 𐌹𐌽 𐌱𐌰𐌿𐍂𐌲 𐌼𐌰𐌷𐍄𐌴𐌳𐌿𐌽 𐍅𐌹𐍃𐌰𐌽 𐌻𐌰𐌹𐍃𐌰𐍂𐌾𐍉𐍃 𐌰𐌹𐌸𐌸𐌰𐌿 𐌻𐌴𐌺𐌾𐍉𐍃. 𐍃𐌺𐌰𐌻𐌺𐍉𐍃 𐌵𐌴𐌼𐌿𐌽 𐍂𐌰𐌹𐌷𐍄𐌹𐍃 𐌿𐍃 𐌰𐌹𐍂𐍅𐍉𐍀𐌰𐌹 𐌾𐌰𐌷 𐌰𐍆𐍂𐌹𐌺𐌰𐌹. 𐍂𐌿𐌼𐍉𐌽𐌾𐌿𐍃 𐌼𐌰𐌷𐍄𐌴𐌳𐌿𐌽 𐌾𐌰𐌷 𐍃𐌺𐌰𐌻𐌺𐍉𐍃 𐍅𐌹𐍃𐌰𐌽.

𐌲𐌰𐌻𐌰𐌿𐌱𐌴𐌹𐌽𐍃

𐌲𐌰𐌻𐌰𐌿𐌱𐌴𐌹𐌽𐌰𐌹𐍃 𐍂𐍉𐌼𐌰𐌽𐌾𐌿𐍃 𐍅𐌰𐍃 𐍂𐌰𐌹𐌷𐍄𐌹𐍃 "do ut des" 𐌰𐌹𐌸𐌸𐌰𐌿 "𐌲𐌹𐌱𐌰 𐌴𐌹 𐌲𐌹𐌱𐌰𐌹𐍃". 𐌹𐌽𐍅𐌹𐍄𐌿𐌽 𐌼𐌰𐌽𐌰𐌲𐌰𐌽𐍃 𐌲𐌿𐌳𐌰𐌽𐍃, 𐌲𐌰𐌻𐌰𐌿𐌱𐌹𐌳𐌴𐌳𐌿𐌽 𐌰𐌿𐌺 𐌴𐌹 𐌽𐌰𐌿𐌳𐌹𐌸𐌰𐌿𐍂𐍆𐍄𐍃 𐍅𐌰𐍃 𐌱𐌻𐍉𐍄𐌰𐌽 𐌳𐌿 𐌲𐌰𐍆𐌰𐍃𐍄𐌾𐌰𐌽 "pax deorum" 𐌰𐌹𐌸𐌸𐌰𐌿 "𐌲𐌰𐍅𐌰𐌹𐍂𐌸𐌹 𐌲𐌿𐌳𐌴". 𐍈𐌰𐍂𐌾𐌰𐍄𐍉𐌷 𐍂𐌰𐌶𐌽 𐌰𐌹𐌷𐍄𐌰 𐌷𐌿𐌽𐍃𐌻𐌰𐍃𐍄𐌰𐌸. 𐍃𐍅𐌰 𐍂𐍉𐌼𐌿𐌽𐌾𐌿𐍃 𐌽𐌹𐌿𐌾𐌰 𐌻𐌰𐌽𐌳𐌰 𐍆𐍂𐌰𐌿𐌾𐌹𐌽𐍉𐌳𐌴𐌳𐌿𐌽, 𐌰𐌽𐌳𐌽𐌴𐌼𐌿𐌽 𐌾𐌰𐌷 𐌸𐌰𐌽𐍃 𐌲𐌿𐌳𐌰𐌽𐍃 𐌸𐌹𐌶𐌴 𐌻𐌰𐌽𐌳𐌴, 𐌾𐌰𐌽𐌽𐌹 𐌸𐌰𐌽𐍃 𐌿𐍃𐍅𐌰𐌿𐍂𐌸𐌿𐌽.