đđżđŒđđœđčđđș đđŽđčđșđč

đđżđŒđđœđčđđș đđŽđčđșđč (đ»đ°đđčđœđčđđșđ°: imperium romanum) đ đ°đ đžđ°đđ° đđŽđčđșđč đžđ°đđŽđč đ đ°đđž đ°đđ°đ đ°đœđłđŸđ° đđżđŒđđœđčđđșđ°đčđ¶đđ đđ°đčđđđżđ±đ»đŽđčđșđđ (đžđčđżđłđ°đ đ°đčđ·đđ°đčđ). đčđđ° đ đ°đ đ°đčđœđ°đđ° đžđčđ¶đŽ đŒđ°đ·đđŽđčđČđ°đœđŽ đđŽđčđșđŸđŽ đ°đ»đ»đ°đčđ¶đđ đŒđ°đœđ°đđŽđłđ°đčđ đŸđ°đ· đ°đčđ·đđ° đŒđčđșđčđ»đ° đłđ°đčđ» đŒđŽđłđčđđ°đčđđ°đœđčđđșđčđ đ»đ°đœđłđčđ, đ°đčđ đđđđđ đŸđ°đ· đ°đđđčđșđđ. đđŽđčđœđ° đ·đ°đżđ±đčđłđ°đ±đ°đżđđČđ đđżđŒđ° đ đ°đ đđ đŒđčđșđčđ»đčđđđ đ±đ°đżđđČđ đžđčđ¶đđ đđ°đčđđđ°đżđ đđ đŽ 100 BC - 400 AD. đđđ°đżđŸđčđœđ°đđđżđ đđŽđčđșđŸđčđ đ»đčđ±đ°đčđłđ° đŒđčđœđ 1500 đŸđŽđđ°. đđ° đŒđ°đ·đđŽđčđČđđđ° đŒđ°đœđœđ° đđżđŒđđœđčđđșđčđ đđŽđčđșđŸđčđ đŸđżđ»đŽđčđ đșđ°đčđđ°đ đ đ°đ.
đđđčđ»đ»[đčđœđŒđ°đčđłđŽđč]
đđżđŒđ° đ°đœđ°đđđđłđčđłđ° đčđœđđ đčđœđžđŸđ°đœ đ±đčđžđŽ đČđ°đđżđ»đŸđčđłđ° đ đ°đđž đđżđŒđđœđđčđșđ° đđ°đčđđđżđ±đ»đŽđčđșđ°. đ°đđ°đ đđżđŒđđœđčđđșđ° đđđčđ»đ»đ° đđ đ°đč đŒđ°đČđŸđżđ đ·đ°đčđđ°đœđłđ° đđđŒđżđ»đżđ đŸđ°đ· đđŽđŒđżđ đČđ°đđżđ»đčđłđŽđłđżđœ đ±đ°đżđđČ đđżđŒđ°.
đđ°đ¶đłđđ[đčđœđŒđ°đčđłđŽđč]
đđ đ·đ°đżđ±đčđłđ°đđ°đ¶đłđ° đ đ°đ đ»đ°đđčđœđčđđșđ° đđ°đ¶đłđ°, đđŽđč đđ đđ°đ¶đłđ° đ đčđđđłđčđ đŸđ°đ· đłđđ°đżđ·đđčđœđ°đđđ°đżđ đ đ°đ. đđżđŒđ°đč đđżđŒđđœđŸđżđ, đđ đŽ đșđ°đčđđ°đđđ đŸđ°đ· đșđčđœđłđčđœđđ, đ»đ°đčđđčđłđŽđłđżđœ đđčđș đŸđ°đ· đșđđŽđčđșđ°đđ°đ¶đłđ°.
đșđżđœđŸđ°đ·đ°đčđłđżđ[đčđœđŒđ°đčđłđŽđč]
đŒđ°đœđ°đČđđ đžđčđżđłđđ đŒđčđđđ°đ»đŽđčđșđ°đčđ¶đŽ đșđżđœđŸđ°đ·đ°đčđłđčđ đŽ đ±đ°đżđ°đčđłđŽđłđżđœ đčđœ đđżđŒđđœđčđđșđ° đđŽđčđșđŸđ°.
đ”đčđœđđœđ[đčđœđŒđ°đčđłđŽđč]
đđđčđŸđ°đ±đ°đżđđŽđčđ đ”đčđœđđœđ đ đŽđđżđœ đ±đ°đżđđČđŸđ°đœđ, đčđž đœđč đŒđ°đ·đđŽđłđżđœ đđđ°đżđŸđčđœđđœ đœđčđ· đłđđ°đżđ·đđčđœđđœ. đđżđŒđđœđčđđșđ° đ”đčđœđđœ đČđ°đđ°đčđđđčđłđ° đčđ¶đđ đČđ°đđłđ°đœđ°đŒđ. đ±đ°đđœđ° đżđđđ° đ°đœđłđœđŽđŒđżđœ đ°đđđčđœđ đœđ°đŒđ đ°đčđžđžđ°đż đ°đčđœđđ°đ»đžđ°đ±đ° đ°đčđžđŽđčđœđ đœđ°đŒđ. đđżđŒđđœđčđđșđ° đ”đčđœđđœ đđđ°đżđŸđčđœđđłđ° đ đ°đ đđđ°đŒ đ°đđđčđœ, đżđœđđŽ đčđ đČđ°đłđ°đżđžđœđđłđ°. đ đ°đđž đđč đžđ°đœ đđđčđŸđ°. đ”đčđœđđœđ đŒđ°đ·đđŽđłđżđœ đ°đčđČđ°đœ đ»đ°đœđł, đ đŽđđżđœ đ°đżđș đ±đ°đżđđČđŸđ°đœđ.
đđșđ°đ»đșđđ[đčđœđŒđ°đčđłđŽđč]

đđ đŽ 35% đžđčđżđłđ đčđœ đđżđŒđđœđčđđșđ° đđŽđčđșđŸđ° đ đŽđđżđœ đđșđ°đ»đșđđ. đčđœ đ±đ°đżđđČ đŒđ°đ·đđŽđłđżđœ đ đčđđ°đœ đ»đ°đčđđ°đđŸđđ đ°đčđžđžđ°đż đ»đŽđșđŸđđ. đđșđ°đ»đșđđ đ”đŽđŒđżđœ đđ°đčđ·đđčđ đżđ đ°đčđđ đđđ°đč đŸđ°đ· đ°đđđčđșđ°đč. đđżđŒđđœđŸđżđ đŒđ°đ·đđŽđłđżđœ đŸđ°đ· đđșđ°đ»đșđđ đ đčđđ°đœ.
đČđ°đ»đ°đżđ±đŽđčđœđ[đčđœđŒđ°đčđłđŽđč]
đČđ°đ»đ°đżđ±đŽđčđœđ°đčđ đđđŒđ°đœđŸđżđ đ đ°đ đđ°đčđ·đđčđ "do ut des" đ°đčđžđžđ°đż "đČđčđ±đ° đŽđč đČđčđ±đ°đčđ". đčđœđ đčđđżđœ đŒđ°đœđ°đČđ°đœđ đČđżđłđ°đœđ, đČđ°đ»đ°đżđ±đčđłđŽđłđżđœ đ°đżđș đŽđč đœđ°đżđłđčđžđ°đżđđđđ đ đ°đ đ±đ»đđđ°đœ đłđż đČđ°đđ°đđđŸđ°đœ "pax deorum" đ°đčđžđžđ°đż "đČđ°đ đ°đčđđžđč đČđżđłđŽ". đđ°đđŸđ°đđđ· đđ°đ¶đœ đ°đčđ·đđ° đ·đżđœđđ»đ°đđđ°đž. đđ đ° đđđŒđżđœđŸđżđ đœđčđżđŸđ° đ»đ°đœđłđ° đđđ°đżđŸđčđœđđłđŽđłđżđœ, đ°đœđłđœđŽđŒđżđœ đŸđ°đ· đžđ°đœđ đČđżđłđ°đœđ đžđčđ¶đŽ đ»đ°đœđłđŽ, đŸđ°đœđœđč đžđ°đœđ đżđđ đ°đżđđžđżđœ.