𐌾𐌿𐌻𐌴𐌹𐍃 𐌺𐌰𐌹𐍃𐌰𐍂

𐍆𐍂𐌰𐌼 Wikipedia
Jump to navigation Jump to search

𐌰𐌹𐍂𐌶𐌴𐌹𐌽𐍃
𐍃𐌰 𐌻𐌰𐌿𐍆𐍃 𐌷𐌰𐌱𐌰𐌹𐌸 𐌰𐌹𐍂𐌶𐌴𐌹𐌽𐍃, 𐌲𐌰𐌷𐌹𐌻𐍀 𐌰𐍄𐌲𐌰𐍂𐌰𐌹𐌷𐍄𐌾𐌰𐌽.

𐌲𐌰𐌾𐌿𐍃 𐌾𐌿𐌻𐌴𐌹𐍃 𐌺𐌰𐌹𐍃𐌰𐍂 (𐌲𐍉𐌸𐌴𐌹𐌽𐍃 𐌻𐌰𐍄𐌹𐌽𐌹𐍃𐌺𐍃: GAIVS•IVLIVS•CAESAR) (𐌷𐌰𐍅𐌹𐌼𐌴𐌽𐍉𐌸𐍃 𐌹𐌲ʹ, 𐍂𐌱ʹ/𐍂ʹ 𐍆.𐍇. (𐍆𐍃𐌱: 𐍇𐌽𐌱ʹ/𐍇𐌽𐌳ʹ)-𐌰𐌿𐍃𐍄𐍂𐌰𐌼𐌴𐌽𐍉𐌸𐍃 𐌹𐌴ʹ, 𐌼𐌳ʹ 𐍆.𐍇. (𐍆𐍃𐌱: 𐍈𐌹ʹ) 𐍅𐌰𐍃 𐍂𐌿𐌼𐍉𐌽𐍃 𐍂𐌴𐌺𐌹-𐌼𐌰𐌽𐌽𐌰, 𐌺𐍉𐌽𐍃𐌿𐌻, 𐌾𐌰𐌷 𐌰𐌽𐌰-𐌼𐌰𐌷𐍄𐌾𐌰. 𐌹𐍃 𐌲𐌰-𐌳𐌰𐌹𐌻𐌹𐌸 𐍅𐌰𐌿𐍂𐍀𐌰𐌽𐍉𐌽𐌰 𐌸𐌰𐍄𐌰 𐍄𐌹𐌿𐌷𐌰𐌽𐍃 𐌰𐌽𐌳𐌾𐌰 𐍂𐌿𐌼𐍉𐌽𐍃 𐌸𐌹𐌿𐌳𐌰𐍅𐌰𐌹𐌷𐍄𐍃 𐌾𐌰𐌷 𐌿𐍂-𐍂𐌹𐍃𐍄𐍃 𐍂𐌿𐌼𐍉𐌽𐍃 𐍂𐌴𐌹𐌺𐌾𐌹𐍃. 𐌹𐌽 𐌾ʹ 𐍆.𐍇., 𐌺𐌰𐌹𐍃𐌰𐍂, 𐌺𐍂𐌰𐍃𐍃𐌿𐍃 𐌾𐌰𐌷 𐍀𐍉𐌼𐍀𐌴𐌹𐍃 𐍃𐌺𐌰𐍀𐌾𐌰𐌽𐌳 Triumviratus Primus ("𐍆𐍂𐌿𐌼𐌰-𐌷𐌰𐌽𐍃𐌰𐌸𐍂𐌹𐌳𐌾𐌹𐌽𐍃") 𐍆𐌰𐌿𐍂 𐌺𐌹𐌽𐌳𐌴𐌹𐌽𐍃 𐌰𐌹𐌶𐌰𐍃𐍉𐌺𐌴𐌹𐌽𐍃 𐌱𐌹 Populares ("𐌸𐌹𐌿𐌳𐌹𐍃𐌺𐌰𐌽𐍃") 𐌳𐌴𐌸𐍉𐍃 𐌸𐌰𐍄𐌰 𐌰𐌽𐌳-𐍅𐌴𐌹𐌷𐌿𐌽 𐌱𐌹 Optimates ("𐌱𐌰𐍄𐌹𐍃𐍄𐌰𐌽𐍃") 𐌹𐌽𐌽𐌰 𐍂𐌿𐌼𐍉𐌽𐍃 𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸𐍃, 𐌷𐌹𐌽𐌳𐌰𐍂 𐌹𐌾𐌰 𐍅𐌰𐍃 𐌺𐌰𐍄𐍉𐌽 𐌾𐌿𐌷𐌹𐌶𐌰𐌽 𐌾𐌰𐌷 𐌺𐌹𐌺𐌴𐍂𐍉𐌽. 𐌹𐍃 𐌱𐌻𐌰𐌿𐌸𐍃 𐌲𐌰𐌻𐌻𐌾𐌹𐌽𐍃 𐍅𐌰𐍃 𐌿𐍃-𐍆𐌿𐌻𐌻𐌾𐌰𐌽𐌳 𐌹𐌽 𐌽𐌰ʹ 𐍆.𐍇., 𐌱𐌹 𐌹𐌶𐌴 𐌹𐍃 𐌰𐌽𐌰-𐍆𐌹𐌻𐌷𐌰𐌽𐌳 𐍆𐍂𐌿𐌼𐌰𐌽 𐌳𐌹𐍃-𐍃𐍄𐌰 𐌱𐍂𐌹𐍄𐌰-𐌻𐌰𐌽𐌳𐌹𐍃 𐌰𐍆𐌰𐍂 𐍄𐌹𐌼𐍂𐌾𐌰𐌽𐌳 𐌱𐍂𐌿𐌲𐌾𐌰 𐌿𐍆𐌰𐍂 𐍂𐌴𐌹𐌽. 𐍈𐌰𐌽 𐌲𐌰𐌻𐌻𐌹𐍃𐌺 𐍅𐌹𐌲𐌰𐌽𐌰 𐌰𐌽𐌳𐌹𐌸𐍃, 𐌹𐌽 𐌼𐌸ʹ 𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸𐍃 𐍆𐍂𐌰-𐌵𐌹𐌸𐌰𐌹𐌳𐌴𐌳𐌿𐌽 𐌹𐌽𐌰 𐌰𐍆-𐌲𐌹𐌱𐌰𐌽 𐌹𐍃 𐌷𐌰𐍂𐌾𐌹𐍃 𐌾𐌰𐌷 𐌵𐌿𐌼𐍃 𐌰𐍆𐍄𐍂𐌰 𐍂𐌿𐌼𐌰𐌹. 𐌺𐌰𐌹𐍃𐌰𐍂 𐌿𐌽-𐍅𐌴𐍂𐌹𐌸 𐌾𐌰𐌷 𐌰𐌽𐌳-𐍃𐌰𐍈𐍄 𐌹𐍃 𐌰𐌹𐌶𐌰𐍃𐍉𐌺𐌴𐌹𐌽𐍃 𐌼𐌹𐌸 𐌵𐌹𐍃𐍃 "alea iacta est" - "𐍅𐌰𐌿𐍂𐍀𐌹𐌻 𐌹𐍃𐍄 𐍅𐌰𐌹𐍂𐍀𐌹𐌸", 𐌾𐌰𐌷 𐍆𐍉𐍂 𐌹𐍄𐌰𐌻𐌰𐌹. 𐌲𐌰𐌲𐌲𐌰𐌽𐍃 𐍂𐌿𐌼𐍉𐌽𐍃 𐌰𐌹𐍂𐌸𐌰 𐌽𐌹-𐍅𐌹𐍄𐍉𐌸𐌳𐌴𐌹𐌲𐌰𐌱𐌰, 𐌰𐌽𐌰-𐍃𐍄𐍉𐌳𐌴𐌾𐌰𐌽𐌳𐍃 𐌰𐍆𐍄𐌿𐌼𐌹𐍃𐍄 𐍂𐌴𐌹𐌺𐌹-𐍅𐌹𐌲𐌰𐌽 𐍂𐌿𐌼𐍉𐌽𐍃 𐌸𐌹𐌿𐌳𐌰𐍅𐌰𐌹𐌷𐍄𐍃. 𐌹𐌽 𐌼𐌳ʹ 𐍆.𐍇., 𐌰𐌽𐌰 𐌴𐌹𐌳𐌿𐍃 𐌰𐌿𐍃𐍄𐍂𐌰𐌼𐌴𐌽𐍉𐌸 (Martiī Īdus), 𐌹𐍃 𐍅𐌰𐍃 𐌼𐌰𐌿𐍂𐌸𐍂𐌹𐌸𐍃 𐌱𐌹 𐌸𐌹𐌿𐌳𐌰𐍅𐌰𐌹𐍄𐍃𐍄𐌰𐌸. 𐌹𐍃 𐌲𐌰-𐌻𐌰𐌿𐌱𐌴𐌹𐌽𐍃 𐍅𐌰𐍃 𐍂𐌿𐌼𐍉𐌽𐍃 𐌷𐌰𐌹𐌸𐌽𐌴𐌹𐌽𐍃. 𐌹𐍃 𐍅𐌰𐍃 𐌼𐌹𐌺𐌹𐌻𐌰-𐌰𐌿𐌰𐌷𐌰𐌹𐌼𐍃 𐌰𐌿𐌺𐍄𐌰𐍅𐌴𐌹𐌽𐍃.

𐌾𐌿𐌻𐌴𐌹𐍃 𐌺𐌰𐌹𐍃𐌰𐍂

𐌻𐌹𐌱𐌰𐌹𐌽𐍃 𐌾𐌰𐌷 𐍂𐌿𐌽𐍃-𐌲𐌰𐍄𐍅𐍉[𐌹𐌽𐌼𐌰𐌹𐌳𐌴𐌹]

𐌾𐌿𐌻𐌴𐌹𐍃 𐌺𐌰𐌹𐍃𐌰𐍂 𐌲𐌰-𐌱𐌰𐌿𐍂𐌰𐌽𐍃 𐌰𐌿𐍂𐌴𐌻𐌾𐌰 𐌺𐌰𐌿𐍄𐍄𐌰 (Aurelia Cotta) 𐌾𐌰𐌷 𐌲𐌰𐌾𐌿𐍃 𐌾𐌿𐌻𐌴𐌹𐍃 𐌺𐌰𐌹𐍃𐌰𐍂 𐌲ʹ (Gaius Julius Caesar III). 𐌹𐍃 𐍃𐍅𐌹𐍃𐍄𐍂𐌾𐌿𐍃 𐍅𐌴𐍃𐌿𐌽 𐌲𐌰𐌾𐌰 𐌺𐌰𐌹𐍃𐌰𐍂𐌹𐍃 𐌼𐌹𐌽𐌰𐌿𐍂 (Gaia Caesaris Minor) 𐌾𐌰𐌷 𐌲𐌰𐌾𐌰 𐌺𐌰𐌹𐍃𐌰𐍂𐌹𐍃 𐌼𐌰𐌾𐌰𐌿𐍂 (Gaia Caesaris Major). 𐌹𐍃 𐍅𐌰𐍃 𐌰𐌹𐌽𐌰-𐌱𐌰𐌿𐍂. 𐌹𐍃 𐍆𐌰𐌳𐍂𐌴𐌹𐌽𐍃 𐌹𐌽-𐍃𐌰𐌷𐍄𐌿𐌽 𐍅𐌹𐍃𐌰𐌽 𐍆𐌰𐌳𐍂𐌴𐌹𐌽𐌰 𐌰𐌹𐌽𐌰𐌹𐌰𐌹𐍃 𐌾𐌰𐌷 𐌲𐌿𐌳𐌹𐌽𐌾𐍉 𐌻𐌿𐌱𐍉𐌽𐍃 𐍅𐌴𐌽𐌰𐌿𐍃. 𐍃𐌴𐌹𐌽𐍃 𐍆𐌰𐌳𐌰𐍂 𐌳𐌹𐍅𐌰𐌽𐍃 𐍈𐌰𐌽 𐌹𐍃 𐍅𐌰𐍃 𐌹𐌵ʹ. 𐌹𐍃 𐌰𐌿𐌰𐌷𐌰𐌹𐌼𐍃 𐍅𐌰𐍃 𐌲𐌰𐌾𐌿𐍃 𐌼𐌰𐍂𐌾𐌿𐍃, 𐌺𐍉𐌽𐍃𐌿𐌻 𐌰𐍄 𐍃𐍄𐌹𐌺𐍃 𐌼𐌴𐌻𐌹𐍃 𐌾𐌰𐌷 𐍆𐌹𐌾𐌰𐌽𐌳𐍃 𐍅𐌰𐍃 𐌻𐌿𐌺𐌹𐌿𐍃 𐌺𐌰𐌿𐍂𐌽𐌴𐌻𐌾𐌿𐍃 𐍃𐌿𐌻𐌻𐌰. 𐌺𐌰𐌹𐍃𐌰𐍂 𐍅𐌰𐍃 𐌽𐌰𐌼𐌽𐌾𐌰𐌽𐌳 𐍆𐌻𐌰𐌼𐌴𐌽 𐌳𐌹𐌰𐌻𐌹𐍃 (𐌷𐌰𐌿𐌷𐍃-𐌲𐌿𐌾𐌰) 𐌹𐍉𐍅𐌰𐌹 𐌹𐌽 𐍀𐌴ʹ 𐍆.𐍇. 𐌹𐍃 𐌻𐌹𐌿𐌲𐌰𐌹𐌸𐍃 𐌺𐌰𐌿𐍂𐌽𐌴𐌻𐌾𐌰 𐌺𐌹𐌽𐌽𐌹𐌻𐌻𐌰 (Cornelia Cinnilla) 𐍃𐍀𐍂𐌰𐌿𐍄𐍉 𐌰𐍆𐌰𐍂. 𐌹𐌽 𐌿𐌴ʹ 𐍆.𐍇., 𐌺𐌰𐌹𐍃𐌰𐍂 𐍅𐌰𐍃 𐍆𐍂𐌰-𐌷𐌹𐌽𐌰𐌸 𐌱𐌹 𐌺𐌹𐌻𐌹𐌺𐌹𐍃𐌺𐍃 𐍃𐌰𐌹𐍅𐍃-𐌸𐌹𐌿𐍆𐍉𐍃 𐌾𐌰𐌷 𐌷𐌰𐌻𐍉𐌸 𐍆𐍂𐌰-𐌷𐌿𐌽𐌸𐌰𐌽𐍃. 𐌹𐍃 𐌷𐌰𐌱𐌰𐌹𐌳𐌰 𐍆𐍂𐌰𐌸𐌹 𐍅𐌿𐌻𐌸𐍂𐌹𐌳𐍉𐌼𐌹𐍃, 𐌱𐌹-𐌷𐌻𐌰𐌷𐌹𐌳𐌰 𐌹𐌾𐌰, "Scis quis sum?" "𐍆𐌹𐌽𐌸𐌹𐍃 𐍈𐌰𐍃-𐌿𐌷 𐌹𐌺 𐌹𐌼?" 𐌵𐌰𐌸 𐌹𐍃. 𐍈𐌰𐌽 𐍃𐌰𐌹𐍅𐍃-𐌸𐌹𐌿𐍆𐌰𐌽𐍃 𐌰𐌽𐌰-𐌱𐌰𐌿𐌸 𐍄𐌹𐌲𐌾𐌿𐍃 𐍃𐌹𐌻𐌿𐌱𐍂 𐍃𐌺𐌰𐍄𐍄𐍉𐍃, 𐌺𐌰𐌹𐍃𐌰𐍂 𐌵𐌰𐌸 𐌲𐌹𐌱𐌰𐌹 𐍆𐌹𐌼𐍆 𐍄𐌹𐌲𐌾𐌿𐍃. 𐍈𐌰𐌽 𐌳𐌿𐌻𐌲 𐍅𐌰𐍃 𐌲𐌰𐌻𐌸, 𐌰𐍆𐌰𐍂𐌹𐌳𐌳𐌾𐌰 𐍃𐌰𐌹𐍅𐍃-𐌸𐌹𐌿𐍆𐌰𐌽𐍃 𐌼𐌹𐌸 𐍆𐌻𐌿𐍄𐌰𐌽, 𐌾𐌰𐌷 𐍆𐍂𐌰-𐌷𐌹𐌽𐌰𐌸 𐌹𐌾𐌰 𐌹𐍃 𐍃𐌻𐌹𐍄𐌹𐌳𐌰 𐌹𐌶𐌴 𐌷𐌰𐌻𐍉𐍃 𐌾𐌰𐌷 𐌱𐌰𐌿𐌸 𐌹𐌾𐌰 𐍅𐌹𐍃𐌰𐌽 𐌷𐌰𐌷𐌰𐌽𐍃, 𐌲𐌰-𐌷𐌰𐌹𐍄 𐍄𐌰𐍅𐌹𐌳𐌰 𐍃𐌰𐌹𐍅𐍃-𐌸𐌹𐌿𐍆𐍉𐍃 𐌽𐌰𐌼 𐍃𐍅𐌰 𐍃𐌰𐌻𐌳𐍂𐌰. 𐌹𐍃 𐌰𐍆𐍄𐍂𐌰 𐌲𐌰-𐌻𐌰𐌹𐌸 𐌷𐌰𐍂𐌾𐌹𐍃 𐌳𐌴𐌸𐍃 𐌼𐌹𐌸 𐌱𐌰𐌽𐌳𐌾𐍉𐍃 Auxilia ("𐌷𐌹𐌻𐍀𐌰") 𐌹𐌽 𐌰𐍃𐌹𐌰 𐍃𐍄𐌰𐌿𐍄𐌰𐌽 𐌳𐌹𐍃-𐍃𐌹𐍄𐌰 𐍆𐍂𐌰𐌼 𐌰𐌿𐍃𐍄𐌰.

𐌰𐌽𐌰 𐌹𐍃 𐌵𐌰𐌼-𐌰𐍆𐍄𐍂𐌰 𐍂𐌿𐌼𐌰𐌹, 𐌹𐍃 𐍅𐌰𐍃 𐌲𐌰-𐍅𐌰𐌻𐌹𐌸𐍃 𐌷𐌰𐍂𐌾𐌹𐍃 𐍄𐍂𐌹𐌱𐌿𐌽𐍃. 𐌹𐍃 𐍅𐌰𐍃 𐌲𐌰-𐍅𐌰𐌻𐌹𐌸𐍃 𐌲𐌰𐌹𐍃𐍄𐍉𐍂 𐍆𐌰𐌿𐍂 𐌾𐌴ʹ 𐍆.𐍇. 𐌹𐌳𐌳𐌾𐌰 𐍆𐌿𐌻𐌻𐌰-𐍆𐌰𐌷𐌾𐌰𐌽 𐌹𐍃 𐌲𐌰𐌹𐍃𐍄𐍉𐍂𐌰𐍃𐌺𐌹𐍀𐍃 𐌹𐌽 𐌷𐌴𐌹𐍃𐍀𐌰𐌽𐌾𐌰. 𐌿𐌽𐌳 𐌸𐌰𐍄𐌴 𐌸𐌰𐍂, 𐌲𐌰-𐌼𐍉𐍄𐌴𐌹𐌸 𐌲𐌰-𐌳𐌹𐌲𐌹𐍃 𐌰𐌻𐌰𐌹𐌺𐍃𐌰𐌽𐌳𐍂𐌰𐌿𐍃 𐌼𐌹𐌺𐌹𐌻𐌰𐌽, 𐍈𐌰𐌽 𐌰𐍄 𐌹𐍃 𐌰𐌻𐌳𐍃, 𐌰𐌻𐌰𐌹𐌺𐍃𐌰𐌽𐌳𐍂𐌿𐍃 𐌱𐌻𐌰𐌿𐌸𐌹𐌳𐌰 𐌼𐌰𐌽𐌰𐌲𐌹𐍃𐍄𐍃 𐌼𐌴𐍂𐌹𐍃 𐌼𐌹𐌳𐌾𐌿𐌽-𐌲𐌰𐍂𐌳𐍃. 𐌺𐌰𐌹𐍃𐌰𐍂 𐌲𐌰𐌹𐌲𐍂𐍉𐍄 𐌸𐌰𐍄𐌰 𐌹𐍃 𐌻𐌰𐌹𐍃𐍄𐍉𐌳𐌰 𐌻𐌴𐌹𐍄𐌹𐌻𐍃 𐌽𐌹-𐍅𐌰𐌹𐌷𐍄𐍃. 𐌰𐌽𐌰 𐌹𐍃 𐌵𐌰𐌼-𐌰𐍆𐍄𐍂𐌰 𐌹𐌽 𐌾𐌶ʹ, 𐌻𐌹𐌿𐌲𐌹𐌸 𐍀𐍉𐌼𐍀𐌴𐌹𐌰. 𐌹𐌽 𐌾𐌲ʹ, 𐌹𐍃 𐌲𐌰-𐍅𐌰𐌻𐌹𐌳𐌰 𐍃𐍅𐌰 𐍆𐍂𐌿𐌼𐌹𐍃𐍄𐍃-𐌲𐌿𐌳𐌾𐌰 (Pontifex Maximus) 𐍈𐌰𐍂 𐌱𐌹-𐌱𐌿𐌲𐌹𐌳𐌰 𐌾𐌰𐌷 𐌲𐌰-𐌾𐌹𐌿𐌺𐌹𐌸𐍃. 𐌰𐍆𐌰𐍂 𐍆𐌿𐌻𐌻𐌰-𐍆𐌰𐌷𐌾𐌰𐌽𐌳𐍃 𐍃𐍅𐌴 𐍀𐍂𐌰𐌹𐍄𐍉𐍂 𐌹𐌽 𐌾𐌱ʹ, 𐍂𐌰𐌹𐌳𐌹𐌳𐌰 𐍅𐌰𐌻𐌳𐌰𐌽 𐌷𐌴𐌹𐍃𐍀𐌰𐌽𐌾𐌰. 𐌱𐌻𐌰𐌿𐌸𐌹𐌳𐌰 𐍄𐍅𐌰 𐌽𐌴𐍈-𐌱𐌹 𐌺𐌿𐌽𐌾𐌰 𐌾𐌰𐌷 𐌲𐌰-𐍄𐌴𐌹𐌷 imperator (𐌺𐌰𐌹𐍃𐌰𐍂) 𐌱𐌹 𐌹𐍃 𐌳𐍂𐌰𐌿𐌷𐍄𐍉𐍃. 𐍃𐍅𐌴 imperator 𐌺𐌰𐌹𐍃𐌰𐍂 𐌵𐌰𐌼-𐌰𐍆𐍄𐍂𐌰 𐍂𐌿𐌼𐌰𐌹 𐌾𐌰𐌷 𐍅𐌰𐍃 𐌲𐌹𐌱𐌰𐌽𐍃 laurus (𐌷𐍂𐍉𐌸). 𐌹𐍃 𐍅𐌹𐌻𐌹𐌳𐌰 𐍅𐌹𐍃𐌰𐌽 𐌺𐍉𐌽𐍃𐌿𐌻, 𐌰𐌸𐌸𐌰𐌽 𐌷𐌰𐌱𐌰𐌹𐌳𐌴𐌳𐌹 𐌳𐌹𐍃-𐍅𐌹𐍃𐌰𐌽 𐌹𐍃 𐌷𐌰𐍂𐌾𐌹𐍃 𐌾𐌰𐌷 𐌹𐌽𐌽-𐌲𐌰𐌲𐌲𐌰𐌹 𐍂𐌿𐌼𐌰 𐍃𐌿𐌽𐌳𐍂𐍉-𐌱𐌰𐌿𐍂𐌲𐌾𐌰. 𐍆𐍂𐌰𐌹𐌷𐌽𐌹𐌸 𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸 𐍅𐌹𐍃𐌰𐌽 𐌱𐌹-𐌽𐌰𐌷 𐍃𐍄𐌰𐌽𐌳𐌰𐌽 in absentia, 𐌰𐌸𐌸𐌰𐌽 𐌺𐌰𐍄𐍉𐌽 𐌻𐌰𐌿𐌲𐌽𐌹𐌸𐍃 𐌹𐍄𐌰. 𐌹𐍃 𐍅𐌰𐌻𐌴𐌹𐌸 𐌺𐍉𐌽𐍃𐌿𐌻𐍃𐌺𐌹𐍀𐍃.

𐍅𐌹𐌲𐌰𐌽 𐌹𐌽 𐌲𐌰𐌻𐌻𐌾𐌰[𐌹𐌽𐌼𐌰𐌹𐌳𐌴𐌹]

𐌽𐌷ʹ-𐌽ʹ 𐍆.𐍇.

𐌺𐌰𐌹𐍃𐌰𐍂 𐍅𐌰𐍃 𐌽𐌰𐌿𐌷-𐌸𐌰𐌽𐌿𐌸 𐌹𐌽 𐌳𐌿𐌻𐌲𐍃. 𐌰𐌸𐌸𐌰𐌽 𐌸𐌰𐍂 𐍅𐌰𐍃 𐍃𐌺𐌰𐍄𐍄𐍃 𐍅𐌹𐍃𐌰𐌽 𐍃𐌺𐌰𐍀𐌹𐌸𐍃 𐍃𐍅𐌰 𐍂𐌰𐌲𐌹𐌽𐌴𐌹𐍃, 𐌺𐌰𐌹𐍃𐌰𐍂 𐌷𐌰𐌱𐌰𐌹𐌳𐌰 𐍆𐌹𐌳𐍅𐍉𐍂 𐌻𐌰𐌹𐌲𐌰𐌹𐍉𐌽𐌰 𐌿𐌽𐌳𐌰𐍂 𐌹𐌽𐌰. 𐍃𐌰𐌼𐌰 𐌳𐌰𐌹𐌻𐌰 𐌲𐌰𐌻𐌻𐌾𐌹𐌽𐍃 𐍅𐌴𐍃𐌿𐌽 𐌺𐌿𐌽𐌸𐍃 𐍅𐌹𐍃𐌰𐌽 𐌿𐌽-𐌸𐍅𐌰𐍃𐍄𐍃. 𐍃𐌰𐌼𐌰 𐍂𐌿𐌼𐍉𐍃 𐌲𐌰𐌻𐌻𐌹𐍃𐌺𐍃 𐍄𐍂𐌰𐌿𐍃𐍄𐍉𐌽𐌰 𐌷𐌰𐌱𐌰𐌹𐌳𐌰 𐍅𐌹𐍃𐌰𐌽𐍃 𐌱𐌻𐌰𐌿𐌸𐌹𐌸𐍃 𐌱𐌹 𐌹𐌾𐌰 𐍆𐌹𐌾𐍉𐌽𐌳𐍃 𐌹𐌽 𐌱𐌰𐌳𐍅𐌹𐍃 𐌼𐌰𐌲𐌴𐍄𐍉𐌱𐍂𐌹𐌲𐌰, 𐌼𐌹𐌸 𐌷𐌹𐌻𐍀𐌰 𐌸𐌹𐌿𐌳𐌹𐍃𐌺𐌹𐍃 𐌺𐌿𐌽𐌾𐌰. 𐌺𐌰𐌹𐍃𐌰𐍂 𐌱𐍂𐌿𐌺𐌹𐌸𐍃 𐍃𐌰𐌷 𐍃𐍅𐌴 𐍅𐌹𐌲𐍃 𐍃𐍄𐌹𐌲𐌲𐌰𐌽 𐌹𐍃 𐌱𐌻𐌰𐌿𐌸𐍃 𐌸𐌰𐌽𐌰-𐌼𐌰𐌹𐍃 𐌹𐌽 𐌲𐌰𐌻𐌻𐌾𐌰. 𐌱𐌰𐌳𐍅𐌹𐍃 𐌼𐌰𐌲𐌴𐍄𐍉𐌱𐍂𐌹𐌲𐌰 𐍅𐌰𐍃 𐌰𐍆𐍄𐌿𐌼𐌹𐍃𐍄𐍃 𐌱𐌰𐌳𐍅𐌰 𐌰𐌽𐌰 𐌼𐌹𐌳𐌿𐌼𐌰𐌹 Haedui (𐌷𐌰𐌹𐌳𐌰𐌽𐍃) 𐍅𐌹𐌸𐍂𐌰 Suebi (𐍃𐍅𐌴𐌱𐌰𐌽𐍃), Sequani (𐍃𐌴𐌵𐌰𐌽𐌰𐌽𐍃), 𐌾𐌰𐌷 Arverni (𐌰𐍂𐌱𐌰𐌹𐍂𐌽𐌰𐌽𐍃). 𐍂𐌿𐌼𐍉𐌽𐌴𐌹𐍃 𐍆𐌰𐌿𐍂𐌷𐍄𐌹𐌳𐌰 𐌸𐍉 𐌺𐌿𐌽𐌾𐌰 𐌼𐌰𐌽𐍅𐌹𐌳𐌴𐌳𐌴𐌹𐌽𐌰 𐌲𐌰-𐌲𐌰𐌲𐌲𐌰𐌽 𐍃𐌿𐌽𐌸𐍃, 𐌽𐌴𐍈𐌹𐌶𐌰 𐌹𐍄𐌰𐌻𐌾𐌰𐌹. 𐌺𐌰𐌹𐍃𐌰𐍂 𐌸𐌰𐌽-𐌿𐌷 𐌱𐌻𐌰𐌿𐌸𐌾𐌰𐌽𐌳𐍃 𐌸𐍉 𐌺𐌿𐌽𐌾𐌰.

𐌽𐌰𐌿𐍂𐌸𐌰-𐌰𐌿𐍃𐍄 𐌺𐌿𐌽𐌾𐌰 𐌳𐌿-𐌲𐌹𐌽𐌽𐍉𐌳𐌴𐌳𐌿𐌽 𐌰𐍂𐌼𐌰𐌽 𐌹𐌾𐌰 𐍃𐌹𐌻𐌱𐍉𐌽𐌰, 𐌰𐌸𐌸𐌰𐌽 𐌺𐌰𐌹𐍃𐌰𐍂 𐌱𐌻𐌰𐌿𐌸𐌹𐌳𐌰 𐌹𐌾𐌰 𐌳𐌰𐌹𐌻𐌰-𐌼𐌴𐌻. 𐌿𐌽𐌳-𐌸𐌰𐍄𐌴 𐌰𐌹𐌽 𐌹𐍃 𐌻𐌰𐌹𐌲𐌰𐌹𐍉𐌽𐌰 𐌹𐌳𐌳𐌾𐌰 𐌱𐌻𐌰𐌿𐌸 𐌹𐌽 𐌺𐌿𐌽𐌾𐌰 𐌹𐌽 𐍆𐌰𐌹𐍂𐍂𐌰 𐌽𐌰𐌿𐍂𐌸. 𐌹𐌽 𐌽𐌵ʹ, 𐍂𐌿𐌼𐌰 𐍅𐌰𐍃 𐌹𐌽 𐌰𐌲𐌻𐌹𐌸𐌰 𐌾𐌰𐌷 𐍂𐌰𐌲𐌹𐌽𐌹 𐌺𐌰𐌹𐍃𐌰𐍂𐌹𐍃 𐍅𐌰𐍃 𐌵𐌿𐌼𐍃 𐌰𐌽𐌳𐌴𐌹𐍃. 𐌹𐍄𐌰 𐍅𐌰𐍃 𐌰𐌽𐌰-𐌽𐌹𐍅𐌹𐌳𐌰 𐍆𐌰𐌿𐍂 𐌰𐌻𐌾𐌹𐍃 𐍆𐌹𐌼𐍆 𐌾𐌴𐍂𐌰. 𐌹𐌽 𐍃𐌿𐌼𐌰𐍂 𐌽𐌴ʹ, 𐌺𐌰𐌹𐍃𐌰𐍂 𐍆𐌰𐌹𐍂𐌹𐌽𐍉𐌳𐌰 𐌱𐍂𐌹𐍄𐌹𐍃𐌺 𐌷𐌹𐌻𐍀𐌰𐌽𐌳𐍃 𐍆𐌹𐌾𐍉𐌽𐌳𐍃, Veneti (𐍅𐌴𐌽𐌴𐍄𐌰𐌽𐍃) 𐌱𐍂𐌹𐍄𐍄𐌰𐌽𐌾𐍉𐍃. 𐌺𐌰𐌹𐍃𐌰𐍂 𐌹𐌳𐌳𐌾𐌰 𐌱𐍂𐌹𐍄𐌰-𐌻𐌰𐌽𐌳𐌹𐍃 𐌰𐌸𐌸𐌰𐌽 𐌷𐌰𐌱𐌰𐌹𐌳𐌰 𐌲𐌰𐌻𐌻𐌾𐌹𐌽𐍃 𐍆𐌰𐌿𐍂 𐍅𐌹𐌽𐍄𐍂𐌿𐍃. 𐌹𐍃 𐌰𐍆𐍄𐍂𐌰 𐌲𐌰-𐌻𐌰𐌹𐌸 𐌰𐍆𐌰𐍂-𐌾𐌴𐍂 𐌱𐌰𐍄𐌹𐌶𐌰 𐌼𐌰𐌽𐍅𐌿𐍃 𐌾𐌰𐌷 𐌼𐌹𐌸 𐌼𐌹𐌺𐌹𐌻𐌹𐌶𐌰 𐌷𐌰𐍂𐌾𐌹𐍃. 𐌿𐌽-𐌻𐌴𐌸𐍃 𐌷𐌰𐍂𐌱𐌹𐍃𐍄𐍃 𐍆𐌰𐌹𐍂𐌹𐌽𐌹𐌸 𐌿𐍃-𐍅𐌰𐌻𐍄𐌴𐌹𐌽𐍃 𐌹𐌽 𐌲𐌰𐌻𐌻𐌾𐌰, 𐍃𐌺𐌰𐍀𐌹𐌳𐌰 𐌺𐌰𐌹𐍃𐌰𐍂 𐌱𐌹-𐌻𐌴𐌹𐌸𐌹𐌸 𐌾𐌰𐌷 𐌽𐌹-𐌰𐌹𐍅 𐌵𐌰𐌼-𐌰𐍆𐍄𐍂𐌰 𐌱𐍂𐌹𐍄𐌰-𐌻𐌰𐌽𐌳𐌹𐍃.

𐍅𐌰𐌹𐍂𐌺𐌹𐌲𐌲𐌴𐍄𐌰𐌿𐍂𐌴𐌹𐌺𐍃 𐌰𐍄-𐍅𐌰𐌹𐍂𐍀𐌹𐌸 𐌹𐍃 𐍅𐌴𐍀𐌽𐌰 𐌰𐍄 𐍆𐍉𐍄𐌿𐌼 𐌾𐌿𐌻𐌴𐌹𐍃 𐌺𐌰𐌹𐍃𐌰𐍂𐌹𐍃

𐌿𐌽𐌳 𐌸𐌰𐍄𐌴 𐌺𐌰𐌹𐍃𐌰𐍂 𐍅𐌰𐍃 𐌹𐌽 𐌱𐍂𐌹𐍄𐌰-𐌻𐌰𐌽𐌳, 𐌾𐌿𐌻𐌾𐌰, 𐌵𐌴𐌽𐌰𐌹𐍃 𐍀𐍉𐌼𐍀𐌴𐌹𐍃, 𐌳𐌰𐌿 𐌹𐌽 𐌱𐌰𐍂𐌽-𐌱𐌰𐌿𐍂𐌸𐍃 𐌹𐌽 𐌽𐌳ʹ. 𐌺𐍂𐌰𐍃𐍃𐌿𐍃 𐍅𐌰𐍃 𐌰𐍆-𐍃𐌻𐌰𐌷 𐌹𐌽 𐌱𐌰𐌳𐍅𐌹𐍃 𐌺𐌰𐍂𐍂𐌰𐌹 𐌹𐌽 𐌽𐌲ʹ, 𐌾𐌰𐌷 𐍀𐍉𐌼𐍀𐌴𐌹𐍃 𐌿𐌽-𐍅𐌴𐍂𐌹𐌳𐌰 𐌻𐌹𐌿𐌲𐌰𐌽 𐌼𐌹𐌺𐌹𐌻𐌰-𐌽𐌹𐍆𐍄𐍃 𐌺𐌰𐌹𐍃𐌰𐍂𐌹𐍃. 𐍀𐍉𐌼𐍀𐌴𐌹𐍃 𐌰𐌹𐍂𐌶𐌴𐌹𐍃 𐌲𐌰-𐌻𐌰𐌿𐌱𐌴𐌹𐌽𐍃 𐌹𐌽 𐌺𐌰𐌹𐍃𐌰𐍂, triumviratus 𐌳𐌹𐍃-𐍅𐌰𐍃. 𐌹𐌽 𐌽𐌱ʹ, Vercingetorix (𐍅𐌰𐌹𐍂𐌺𐌹𐌲𐌲𐌴𐍄𐌰𐌿𐍂𐌴𐌹𐌺𐍃) 𐍄𐌹𐌿𐌷𐌰𐌽𐍃 𐌼𐌹𐌺𐌹𐌻𐌹𐌶𐌰 𐌿𐍃-𐍅𐌰𐌻𐍄𐌴𐌹𐌽𐍃 𐌹𐌽 𐌲𐌰𐌻𐌻𐌾𐌰, 𐌲𐌰-𐍅𐌹𐌳𐌰𐌽𐍃 𐌲𐌰𐌻𐌻𐌹𐍃𐌺𐍃 𐌺𐌿𐌽𐌾𐌰 𐌾𐌰𐌷 𐌱𐌻𐌰𐌿𐌸𐌾𐌰𐌽𐌳𐍃 𐌺𐌰𐌹𐍃𐌰𐍂 𐌼𐌰𐌽𐌰𐌲𐍃 𐌼𐌴𐌻𐌰 𐌿𐍆𐌰𐍂. 𐌰𐌸𐌸𐌰𐌽 𐌺𐌰𐌹𐍃𐌰𐍂 𐌱𐌹 𐍃𐍀𐌴𐌳𐌹𐍃𐍄𐌹𐌽 𐌲𐌰-𐌾𐌹𐌿𐌺𐌹𐌸𐍃 𐌹𐌽 𐌱𐌰𐌳𐍅𐌹𐍃 𐌰𐌻𐌴𐍃𐌹𐌰. 𐌲𐌰𐌻𐌻𐌾𐌰 𐍅𐌰𐍃 𐌽𐌿 𐌿𐌽𐌳𐌰𐍂 𐍂𐌿𐌼𐍉𐌽𐍃 𐍅𐌰𐌻𐌳𐌿𐍆𐌽𐌹. 𐌱𐌹 𐍀𐌻𐌿𐍄𐌰𐍂𐌺𐌿𐍃, 𐌹𐌽-𐍃𐌰𐌷𐍄𐌹𐌸 𐌷𐌰𐍂𐌾𐌹𐍃 𐍅𐌴𐌹𐌷𐌰𐌽𐍃 𐍃𐍅𐌰 𐌼𐌰𐌽𐌰𐌲𐍃 𐍃𐍅𐌴 𐌸𐍂𐌹𐌳𐌾𐌰 𐌼𐌹𐌻𐌾𐍉 𐌼𐌰𐌽𐌽𐌰𐌽𐍃 𐌼𐌹𐌸𐌸𐌰𐌽𐌴 𐍅𐌹𐌲𐌰𐌽, 𐌰𐌹𐌽𐌰 𐌼𐌹𐌻𐌾𐍉 𐌳𐌹𐍅𐌰𐌽𐍃, 𐌰𐌻𐌾𐌹𐍃 𐌼𐌹𐌻𐌾𐍉 𐍅𐌰𐍃 𐌲𐌰-𐌸𐌹𐍅𐌰𐌽𐍃. 𐍂𐌿𐌼𐍉𐌽𐌴𐌹𐍃 𐌿𐍆-𐌷𐌽𐌰𐌹𐍅𐌾𐌰𐌽𐌳𐍃 𐍄ʹ 𐌺𐌿𐌽𐌾𐌰 𐌾𐌰𐌷 𐍆𐍂𐌰-𐌵𐌹𐍃𐍄𐌾𐌰𐌽𐌳𐍃 𐍉ʹ 𐌱𐌰𐌿𐍂𐌲𐌾𐌰𐌽𐍃. 𐍃𐌰𐌷 𐍂𐌰𐌸𐌾𐍉 𐌽𐌹-𐍅𐌴𐍃𐌹 𐌲𐌻𐌰𐌲𐌲𐍅𐌿𐍃. 𐌰𐍆𐌰𐍂 𐍅𐌹𐌲𐌰𐌽, 𐌲𐌰-𐌼𐌴𐌻𐌳𐌹𐌰 Commentarii De Bello Gallico (𐍂𐌰𐌸𐌾𐍉𐌽𐍃 𐌰𐌽𐌰 𐌲𐌰𐌻𐌻𐌹𐍃𐌺𐍃 𐍅𐌹𐌲𐌰𐌽).

𐍂𐌴𐌹𐌺𐌴𐌹𐌽𐍃-𐍅𐌹𐌲𐌰𐌽[𐌹𐌽𐌼𐌰𐌹𐌳𐌴𐌹]

𐌽ʹ-𐌼𐌴ʹ 𐍆.𐍇.

𐌹𐌽 𐌽ʹ, 𐍀𐍉𐌼𐍀𐌴𐌹𐍃 𐌱𐌹𐌿𐌳𐌹𐌳𐌰 𐌺𐌰𐌹𐍃𐌰𐍂 𐌳𐌹𐍃-𐍅𐌹𐍃𐌰𐌽 𐌹𐍃 𐌷𐌰𐍂𐌾𐌹𐍃 𐌾𐌰𐌷 𐌵𐌰𐌼 𐌰𐍆𐍄𐍂𐌰 𐍂𐌿𐌼𐌰𐌹 𐌳𐌿𐌸𐌸𐌴 𐌹𐍃 𐍂𐌿𐌽𐍃 𐍃𐍅𐌰 𐍂𐌰𐌲𐌹𐌽𐌴𐌹𐍃 𐍅𐌰𐍃 𐌰𐌽𐌳𐌹𐌸𐍃. 𐌺𐌰𐌹𐍃𐌰𐍂 𐌸𐌰𐌲𐌺𐌹𐌳𐌰 𐌸𐌰𐍄𐌰 𐌹𐍃 𐍅𐌴𐍃𐌹 𐍅𐍂𐌹𐌺𐌰𐌽𐍃 𐌹𐌸 𐌹𐌽𐌽-𐌲𐌰𐌲𐌲𐌹𐌳𐌰 𐍂𐌿𐌼𐌰 𐌹𐌽𐌿𐌷 𐌷𐌰𐍂𐌾𐌹𐍃. 𐍀𐍉𐌼𐍀𐌴𐌹𐍃 𐍆𐌰𐌹𐍂𐌹𐌽𐍉𐌽𐍃 𐌼𐌹𐌸 𐌰𐍄-𐌻𐌴𐍅𐌴𐌹𐌽𐍃. 𐌰𐌽𐌰 𐌰𐍆𐍄𐌿𐌼𐌰 𐌾𐌹𐌿𐌻𐌴𐌹𐍃 𐌹ʹ, 𐌼𐌸ʹ, 𐌺𐌰𐌹𐍃𐌰𐍂 𐌹𐌳𐌳𐌾𐌰 𐍂𐌿𐌱𐌹𐌺𐍉𐌽 𐌰𐍈𐌰, 𐌼𐌹𐌸 𐌸𐌰𐍄𐌰𐌹𐌽𐌴 𐌻𐌰𐌹𐌲𐌰𐌹𐍉𐌽 𐌾𐌰𐌷 𐌰𐌽𐌰-𐍃𐍄𐍉𐌳𐌾𐌰𐌽𐌳𐍃 𐍂𐌴𐌹𐌺𐌴𐌹𐌽𐍃-𐍅𐌹𐌲𐌰𐌽. 𐌰𐌽𐌰 𐌲𐌰𐌲𐌲𐌰𐌽𐍃 𐍂𐌿𐌱𐌹𐌺𐍉𐌽, 𐌺𐌰𐌹𐍃𐌰𐍂 𐌸𐌰𐍄𐌰-𐌵𐌰𐌸 𐌹𐍃 𐍅𐌰𐌻𐌹𐍃𐌰 𐌺𐍂𐌴𐌺 𐌺𐌰𐌿𐌼𐌰𐌿𐌳𐌾𐌰 𐌱𐍉𐌺𐌰𐍂𐌴𐌹𐍃 𐌼𐌴𐌽𐌰𐌽𐌳𐌴𐍂, Ἀνερρίφθω κύβος "𐍅𐌰𐌿𐍂𐍀𐌹𐌻 𐌹𐍃𐍄 𐍅𐌰𐌹𐍂𐍀𐌹𐌸." 𐌵𐌹𐍃𐍃 𐍆𐍂𐌿𐌼𐌰 𐌰𐍄-𐌰𐌿𐌲𐌴𐌹𐌸 𐌹𐌽 "{{Ἀρρηφόρος}}" (𐌰𐍂𐍂𐌴𐍆𐍉𐍂𐍉𐍃) (𐌰𐌹𐌸𐌸𐌰𐌿 𐍃𐍅𐌹𐌲𐌻-𐌼𐌰𐍅𐌹) 𐍃𐍅𐌴 𐌸𐌰𐍄𐌰-𐌵𐌰𐌸 𐌹𐌽 𐌳𐌴𐌹𐍀𐌽𐍉𐍃𐍉𐍆𐌹𐍃𐍄𐌰𐌴, 𐌱𐍉𐌺𐍉𐍃 13. 𐍀𐌻𐌿𐍄𐌰𐍂𐌺𐌿𐍃 𐍃𐍀𐌹𐌻𐌻𐌹𐌸 𐌸𐌰𐍄𐌰 𐌸𐍉 𐍅𐌰𐌿𐍂𐌳𐌰 𐍅𐌰𐍃 𐌵𐌹𐌸𐌰𐌽𐍃 𐌹𐌽 𐌺𐍂𐌴𐌺𐌹𐍃𐌺𐌰:

"Ἑλληνιστὶ πρὸς τοὺς παρόντας ἐκβοήσας, 'Ἀνερρίφθω κύβος', [anerriphtho kybos] διεβίβαζε τὸν στρατόν."

"𐌹𐍃 𐌲𐌰-𐌱𐌰𐌹𐍂𐌷𐍄𐌹𐌳𐌰 𐌼𐌹𐌸 𐌷𐌻𐌿𐌸𐍃 𐍃𐍄𐌹𐌱𐌽𐌰 𐌹𐌼 𐍈𐌰 𐍅𐌰𐍃 𐌰𐍄-𐍃𐌰𐍄𐌹𐌳𐌰 '𐌻𐌴𐍄 𐍅𐌰𐌹𐍂𐍀𐌹𐌻 𐍅𐌰𐌹𐍂𐍀𐌹𐌸', 𐌾𐌰𐌷 𐍄𐌹𐌿𐌷 𐌹𐍃 𐌷𐌰𐍂𐌾𐌹𐍃 𐌸𐌰𐌹𐍂𐌷."

𐍀𐍉𐌼𐍀𐌴𐌹𐍃 𐌾𐌰𐌷 𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸 𐌿𐌽𐌸𐌰-𐌸𐌻𐌹𐌿𐌷 𐍃𐌿𐌽𐌸𐌰, 𐌷𐌰𐌱𐌰𐌽𐍃 𐌻𐌴𐌹𐍄𐌹𐌻𐍃 𐍄𐍂𐌰𐌿𐌰𐌹𐌽𐍃 𐌹𐌽 𐌹𐍃 𐌽𐌹𐌿𐌾𐌹𐍃 𐌳𐍂𐌰𐌿𐌷𐍄𐍉𐍃. 𐍀𐍉𐌼𐍀𐌴𐌹𐍃 𐌽𐌹-𐍅𐌹𐌻𐌴𐌹𐌸 𐍅𐌴𐌹𐌷𐌰𐌽, 𐌾𐌰𐌱𐌰 𐌺𐌰𐌹𐍃𐌰𐍂 𐌷𐌰𐌱𐌹𐌳𐌰 𐌸𐌰𐍄𐌰𐌹𐌽𐌴 𐌹𐍃 𐌸𐍂𐌴𐌹𐍃-𐍄𐌰𐌹𐌷𐌿𐌽𐌳𐌰 𐌻𐌰𐌹𐌲𐌰𐌹𐍉𐌽 𐌼𐌹𐌸 𐌹𐌽𐌰. 𐌺𐌰𐌹𐍃𐌰𐍂 𐌰𐍆𐌰𐍂𐌲𐌰𐌲𐌲𐌰𐌽𐍃 𐍀𐍉𐌼𐌴𐌹𐍃, 𐍃𐌰-𐌴 𐌿𐌽𐌸𐌰-𐌸𐌻𐌹𐌿𐌷 𐍆𐌰𐌿𐍂 𐌺𐌰𐌹𐍃𐌰𐍂 𐌼𐌰𐌷𐍄𐌴𐌹𐌲𐍃 𐍅𐌰𐍃 𐍆𐍂𐌰-𐌷𐌹𐌽𐌸𐌰𐌽 𐌹𐌽𐌰. 𐌰𐍆𐌰𐍂𐌲𐌰𐌲𐌲𐌹𐌳𐌰 𐌾𐌰𐌷 𐌱𐌻𐌰𐌿𐌸𐌰𐌽𐍃 𐍀𐍉𐌼𐍀𐌴𐌹𐍃 𐌹𐌽 𐌺𐍂𐌴𐌺𐌰-𐌻𐌰𐌽𐌳 𐌹𐌽 𐍅𐌹𐌿𐌳𐌰𐌼𐌴𐌽𐍉𐌸𐍃 𐌹𐌽 𐌼𐌷ʹ, 𐌰𐍄 Dyrrhachium (𐌳𐌹𐍂𐍂𐌰𐌺𐌹𐍉𐌽), 𐌺𐌰𐌹𐍃𐌰𐍂 𐍃𐍀𐌴𐌳𐌹𐌶𐌰 𐌸𐌰𐍄𐌰 𐌾𐌴𐍂, 𐌱𐌻𐌰𐌿𐌸𐌹𐌳𐌰 𐌰𐍆𐍄𐍂𐌰 𐌰𐍄 𐍆𐌰𐍂𐍃𐌰𐌻𐌿𐍃. 𐌺𐌰𐌹𐍃𐌰𐍂 𐌰𐍆𐌰𐍂𐌲𐌰𐌲𐌲𐌰𐌽𐍃 𐍀𐍉𐌼𐍀𐌴𐌹𐍃 𐌰𐌹𐌲𐍅𐍀𐍄𐌰𐌿𐍃, 𐍈𐌰𐍂 𐍀𐍉𐌼𐍀𐌴𐌹𐍃 𐌰𐍆-𐍃𐌻𐌰𐌷 𐌰𐍄 𐌷𐌰𐌽𐌳𐌾𐌿𐍃 𐍀𐍄𐍉𐌻𐍉𐌼𐌴𐌹𐍉𐍃 𐌹𐌲ʹ. 𐌺𐌰𐌹𐍃𐌰𐍂 𐍅𐌰𐍃 𐌼𐍉𐌳𐌰𐌲𐍃 𐌱𐌹 𐍃𐌰𐌷, 𐌵𐌹𐌸𐌰𐌽𐍃 𐌷𐌻𐌿𐌸𐌰𐌱𐌰, "Romae Consul fuit!" "𐌹𐍃 𐍅𐌰𐍃 𐌺𐍉𐌽𐍃𐌿𐌻 𐍂𐌿𐌼𐍉𐍃!" 𐌲𐌰-𐌽𐌹𐌼𐌰𐌽𐌳𐍃 𐍃𐌰𐌷 𐌼𐌹𐌸 𐍄𐌰𐌲𐍂𐌰. 𐌹𐍃 𐌸𐌰𐌽-𐌿𐌷 𐌷𐌰𐌱𐌰𐌹𐌳𐌰 𐌱𐌰𐌽𐌰𐌽𐍃 𐍀𐍉𐌼𐌴𐌹𐍉𐍃 𐌰𐍆-𐍃𐌻𐌰𐌷𐌰𐌽𐍃.

𐌺𐌻𐌴𐍉𐍀𐌰𐍄𐍂𐌰 𐌾𐌰𐌷 𐌾𐌿𐌻𐌴𐌹𐍃 𐌺𐌰𐌹𐍃𐌰𐍂

𐌺𐌰𐌹𐍃𐌰𐍂 𐌸𐌰𐌽-𐌿𐌷 𐍅𐌰𐌹𐍂𐌸𐌹𐌳𐌰 𐌱𐌻𐌰𐌽𐌳𐌰𐌽𐍃 𐌼𐌹𐌸 𐌰𐌹𐌲𐍅𐍀𐍄𐌴𐌹𐌽𐍃 𐍂𐌴𐌹𐌺𐌴𐌹𐌽𐍃-𐍅𐌹𐌲𐌰𐌽 𐌰𐌽𐌰 𐌼𐌹𐌳𐌿𐌼𐌰𐌹 𐌱𐌰𐍂𐌽 𐍆𐌰𐍂𐌰𐍉 𐌾𐌰𐌷 𐌹𐍃 𐍃𐍅𐌹𐍃𐍄𐌰𐍂/𐌵𐌴𐌽𐍃/𐌼𐌹𐌸-𐍆𐌰𐌿𐍂𐌰-𐌼𐌰𐌸𐌻𐌴𐌹𐍃 𐌺𐌻𐌴𐍉𐍀𐌰𐍄𐍂𐌰. 𐌺𐌰𐌹𐍃𐌰𐍂 𐌱𐌻𐌰𐌿𐌸𐌹𐌳𐌰 𐌾𐌿𐌲𐌲𐍃 𐍆𐌰𐍂𐌰𐍉𐌽𐍃 𐌳𐍂𐌰𐌿𐌷𐍄𐍉𐍃 𐌰𐍄 𐌱𐌰𐌳𐍅𐌰 𐌽𐌴𐌹𐌻𐌰𐌿𐍃 𐌹𐌽 𐌻𐌰𐌲𐌲𐌰𐍄𐌴𐌹𐌽𐍃 𐌼𐌶ʹ, 𐌾𐌰𐌷 𐍃𐌺𐌰𐍀𐌹𐌳𐌰 𐌺𐌻𐌴𐍉𐍀𐌰𐍄𐍂𐌰 𐍆𐌰𐍂𐌰𐍉. 𐍀𐍄𐍉𐌻𐍉𐌼𐌴𐌹𐍃 XIV 𐍅𐌰𐍃 𐌰𐌿𐌺 𐍃𐌺𐌰𐍀𐌾𐌰𐌽𐌳𐍃 𐌽𐌹𐌿𐌾𐌹𐍃 𐌼𐌹𐌸-𐍆𐌰𐌿𐍂𐌰-𐌼𐌰𐌸𐌻𐌴𐌹𐍃. 𐌺𐌰𐌹𐍃𐌰𐍂 𐌱𐌹𐌻𐌹𐌱𐌰𐌽𐍃 𐌹𐌽 𐌰𐌹𐌲𐍅𐍀𐍄𐌿𐍃 𐌸𐌰𐌽𐌳𐌴 𐌲𐍂𐌰𐍃𐌼𐌴𐌽𐍉𐌸𐍃. 𐌹𐌽 𐌼𐌷ʹ, 𐌹𐍃 𐍅𐌰𐍃 𐌰𐍆𐍄𐍂𐌰 𐌲𐌰-𐍅𐌰𐌻𐌹𐌸𐍃 Dictator, 𐌼𐌹𐌸 𐌰𐌹𐌽 𐌾𐌴𐍂 𐍂𐌿𐌽𐍃. 𐌰𐍆𐌰𐍂 𐍆𐍂𐌰-𐌵𐌹𐌼𐌰𐌽𐌳𐍃 𐍆𐍂𐌿𐌼𐌰 𐌼𐌴𐌽𐍉𐌸𐍃 𐌹𐌽 𐌼𐌶ʹ, 𐌺𐌰𐌹𐍃𐌰𐍂 𐌹𐌳𐌳𐌾𐌰 𐌼𐌹𐌳𐌾𐌹𐍃 𐌰𐌿𐍃𐍄𐌰, 𐍈𐌰𐍂 𐌰𐍆-𐍃𐌻𐌰𐌷 𐌸𐌹𐌿𐌳𐌰𐌽𐍃 𐍀𐍉𐌽𐍄𐌰𐌿𐍃. 𐌹𐍃 𐍃𐌹𐌲𐌹𐍃 𐍅𐌰𐍃 𐍃𐍀𐍂𐌰𐌿𐍄𐍉 𐌱𐌻𐌰𐌿𐌸𐌹𐌳𐌰 𐌸𐌰𐍄𐌰 𐌱𐌹-𐌻𐌰𐌹𐌺𐌹𐌳𐌰 𐍆𐌰𐌿𐍂𐌰-𐍃𐌹𐌲𐍉𐌽𐌰 𐍀𐍉𐌼𐍀𐌴𐌹𐍉𐍃. 𐌺𐌰𐌹𐍃𐌰𐍂 𐌲𐌰-𐍅𐌴𐌹𐍃𐍉𐌽𐍃 𐍆𐍂𐌰𐌼 𐌺𐌴ʹ-𐌺𐌶ʹ 𐌱𐌻𐍉𐌼𐌰𐌼𐌴𐌽𐍉𐌸𐍃 𐌼𐌶ʹ 𐌹𐌽 𐍄𐌰𐍂𐍃𐌿𐍃, 𐍈𐌰𐍂 𐌲𐌰-𐌼𐍉𐍄𐌹𐌳𐌰 𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸𐌴𐌹𐌽𐍃 𐍃𐍄𐌿𐍄𐌾𐌰, 𐌾𐌰𐌷 𐌺𐌰𐍃𐍃𐌴𐌹𐍃 𐌱𐌹 𐍃𐌰𐌷 𐍈𐌴𐌹𐌻𐌰, 𐍅𐌹𐌻𐌹𐌳𐌰 𐌹𐌽𐌰 𐌳𐌰𐌿𐌸𐍃. 𐌸𐌰𐌸𐍂𐍉, 𐌹𐌳𐌳𐌾𐌰 𐌰𐍆𐌰𐍂-𐌻𐌰𐌽𐌳𐌹𐍃 𐌿𐍃-𐌽𐌹𐌼𐌰𐌽 𐌰𐍆𐍄𐌿𐌼𐌹𐍃𐍄𐍃 𐌳𐌰𐌹𐌻𐍉𐍃 𐍀𐍉𐌼𐍀𐌴𐌹𐍉𐍃 𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸𐌴𐌹𐌽𐍃 𐍃𐍄𐌿𐍄𐌾𐌰. 𐌹𐍃 𐍃𐍀𐍂𐌰𐌿𐍄𐍉 𐌲𐌰-𐌲𐌴𐌹𐌲𐌰𐌽𐍃 𐍃𐌹𐌲𐌹𐍃 𐌿𐍆𐌰𐍂 𐌺𐌰𐍄𐍉𐌽, 𐍈𐌰𐍃 𐌱𐌹 𐌸𐌰𐌽-𐌿𐌷 𐍃𐌹𐍃 𐍃𐌹𐌻𐌱𐌹𐌽 𐌿𐍃-𐌵𐌹𐌼𐌰𐌽𐍃.

𐌰𐍆𐌰𐍂 𐍃𐌰𐌷 𐍃𐌹𐌲𐌹𐍃, 𐌹𐍃 𐍅𐌰𐍃 𐌲𐌰-𐍅𐌰𐌻𐌹𐌸𐍃 Dictator 𐍆𐌰𐌿𐍂 𐌰𐌻𐌾𐌹𐍃 𐍄𐌰𐌹𐌷𐌿𐌽 𐌾𐌴𐍂𐌰. 𐍃𐌿𐌽𐌾𐌿𐍃 𐍀𐍉𐌼𐍀𐌴𐌹𐍉𐍃 𐌿𐌽𐌸𐌰-𐌸𐌻𐌹𐌿𐌷 𐍆𐌰𐌿𐍂 𐌷𐌴𐌹𐍃𐍀𐌰𐌽𐌾𐌰. 𐌺𐌰𐌹𐍃𐌰𐍂 𐌰𐍆𐌰𐍂𐌲𐌰𐌲𐌲𐌰𐌽𐍃 𐌹𐌽𐍃 𐌾𐌰𐌷 𐌱𐌻𐌰𐌿𐌸𐌹𐌳𐌰 𐌹𐌽𐍃 𐌹𐌽 𐌱𐌰𐌳𐍅𐌰 𐌼𐌿𐌽𐌳𐍉𐍃 𐌹𐌽 𐌰𐌿𐍃𐍄𐍂𐌰𐌼𐌴𐌽𐍉𐌸𐍃 45. 𐌹𐍃 𐍅𐌰𐍃 𐌰𐍆𐍄𐍂𐌰 𐌲𐌰-𐍅𐌰𐌻𐌹𐌸𐍃 𐌹𐌼𐌼𐌰 𐌸𐍂𐌹𐌳𐌾𐌰 𐌾𐌰𐌷 𐍆𐌹𐌳𐌿𐍂𐌸𐌰 𐍂𐌿𐌽𐍉𐍃 𐍃𐍅𐌴 𐌺𐍉𐌽𐍃𐌿𐌻 𐌹𐌽 𐌼𐌵ʹ 𐌾𐌰𐌷 𐌼𐌴ʹ.

𐌺𐍉𐌽𐍃𐌿𐌻𐍃𐌺𐌹𐍀𐍃 𐌾𐌰𐌷 𐌳𐌰𐌿𐌸𐌿𐍃[𐌹𐌽𐌼𐌰𐌹𐌳𐌴𐌹]

𐌼𐌴ʹ-𐌼𐌳ʹ 𐍆.𐍇.

𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸𐍃 𐌸𐍂𐌴𐌹𐌷 𐌺𐌰𐌹𐍃𐌰𐍂

𐍈𐌰𐌽 𐌺𐌰𐌹𐍃𐌰𐍂 𐌵𐌰𐌼-𐌰𐍆𐍄𐍂𐌰 𐍂𐌿𐌼𐌹𐌽𐍃, 𐌸𐌹𐌿𐌳𐌰𐍅𐌰𐌹𐌷𐍄𐍃𐍄𐌰𐌸𐍃 𐌲𐌹𐌱𐌰𐌽𐌳 𐌹𐍃 𐍂𐌿𐌼𐍉𐌽𐍃 𐌷𐍂𐍉𐌸𐌰 𐍆𐌰𐌿𐍂 𐌹𐍃 𐍃𐌹𐌲𐌹𐍃 𐌿𐍆𐌰𐍂 𐌰𐌹𐌲𐍅𐍀𐍄𐌿𐍃, 𐌲𐌰𐌻𐌻𐌾𐌰, 𐍆𐌰𐍂𐌽𐌰𐌺𐌴𐍃 𐌱ʹ 𐍀𐍉𐌽𐍄𐌰𐌿𐍃, 𐌾𐌰𐌷 𐌾𐌿𐌱𐌰 𐌰ʹ 𐌽𐌿𐌼𐌹𐌳𐌾𐍉𐍃, 𐌼𐌰𐌹𐍃 𐌰𐌻𐌾𐌰 𐌿𐍆𐌰𐍂 𐌹𐍃 𐍂𐌿𐌼𐍉𐌽𐍃 𐍆𐌹𐌾𐍉𐌽𐌳𐍃. 𐍈𐌰𐌽 𐌰𐍂𐍃𐌹𐌽𐌰𐌿𐌰𐌹 𐌳ʹ 𐌰𐌹𐌲𐍅𐍀𐍄𐌰𐌿𐍃, 𐍂𐌿𐌽𐌰𐌽𐍃 𐌸𐌰𐌹𐍂𐌷 𐌱𐌰𐌿𐍂𐌲𐍃, 𐌸𐌹𐌿𐌳𐌰 𐌻𐌿𐌱𐌰𐌽𐌳 𐌹𐌾𐌰 𐌾𐌰𐌷 𐍅𐌰𐌲𐌹𐌵𐍃 𐌰𐍂𐌼𐌰𐌽. 𐌲𐌰𐌼𐌰𐌽𐍃 𐍅𐌰𐍃 𐍃𐍅𐌰𐌷 𐌷𐌰𐌻𐌳𐌹𐌳𐌰, ͵𐌱 𐌼𐌰𐌽𐌽𐌰𐌽𐍃, 𐍃ʹ 𐌰𐌹𐍈𐍉𐍃 𐌾𐌰𐌷 𐌺ʹ 𐌴𐌻𐌴𐍆𐌰𐌽𐍃 𐌷𐌰𐌹𐍆𐍃𐍄𐌹𐌸𐍃 𐌳𐌰𐌹𐌸𐌰𐌿. 𐌰𐌲𐌻𐌹𐌸𐌰 𐌳𐌹𐍃-𐍄𐌰𐌿𐍂𐌽𐌰𐌽𐍃 𐌾𐌰𐌷 𐌸𐌰𐍄𐌰𐌹𐌽𐌴 𐌰𐌽𐌳𐌹𐌸𐍃 𐌰𐌿𐌺 𐍄𐍅𐌰 𐌸𐌹𐌿𐌳𐌰 𐌷𐌿𐌽𐍃𐌻𐌹𐌳𐌰 𐌰𐍄 𐌰𐌺𐍂𐍃 𐌼𐌰𐍂𐌹𐍃. 𐌹𐍃 𐌰𐍆𐍄𐍂𐌰-𐌲𐌰-𐍄𐌴𐍅𐌹𐌸𐍃 𐍂𐌿𐌼𐍉𐌽𐍃 𐌳𐌰𐌲𐌰𐍄𐌰𐌻𐌰 𐍃𐌿𐍃𐍄𐌰𐌹𐌼. 𐌺𐌰𐌹𐍃𐌰𐍂 𐌿𐍃-𐍄𐌹𐌿𐌷 𐌹𐍄𐌰 𐌼𐌹𐌸 𐌰𐌹𐌲𐍅𐍀𐍄𐌴𐌹𐌽𐍃 𐌳𐌰𐌲𐌰𐍄𐌰𐌻𐌰. 𐌹𐍃𐍄 𐌹𐌱𐌽𐌰-𐌻𐌴𐌹𐌺𐍃 𐍄𐌾𐌴ʹ.𐌺𐌴ʹ 𐌳𐌰𐌲𐍉𐍃 𐌾𐌴𐍂, 𐌱𐌹 𐌰𐌿𐌺𐌹𐌳𐌰 𐌷𐌻𐌰𐌿𐍀𐌰-𐌳𐌰𐌲𐌰 𐌰𐌽𐌰 𐌰𐌽𐌳𐌴𐌹𐍃 𐌷𐍂𐍉𐌸𐌹𐌼𐌴𐌽𐍉𐌸 𐌹𐌱𐌽𐌰 𐍆𐌹𐌳𐍅𐍉𐍂 𐌾𐌴𐍂𐌰. 𐌿𐍃-𐌻𐌿𐌺𐌽𐌹𐌸 𐌰𐌽𐌰 𐌰ʹ 𐌰𐍆𐍄𐌿𐌼𐌰 𐌾𐌹𐌿𐌻𐌴𐌹𐍃 𐌼𐌴ʹ 𐍆.𐍇. 𐌹𐍃𐍄 𐌽𐌴𐍈𐌰 𐌽𐌿 𐍇𐍂𐌹𐍃𐍄𐌴𐌹𐌽𐍃 𐌳𐌰𐌲𐌰𐍄𐌰𐌻𐌰 𐌾𐌰𐌷 𐍆𐍂𐌿𐌼𐍃 𐌲𐌰-𐍃𐌰𐍄𐌴𐌹𐌽𐍃 𐌱𐌰𐌿𐍂𐌲𐍃 (Ab urbe condita) 𐌳𐌰𐌲𐌰𐍄𐌰𐌻𐌰. 𐌹𐍃 𐍃𐍄𐌹𐌿𐍂𐌹𐌳𐌰 𐍅𐌰𐌻𐌳𐌿𐍆𐌽𐌹 𐌾𐌰𐌷 𐌱𐌹𐍅𐌹𐌳𐌰 𐌰𐍆𐍄𐍂𐌰-𐌰𐌽𐌰-𐍃𐍄𐍉𐌳𐌴𐌹𐌽𐍃 𐌺𐌰𐍂𐌸𐌰𐌲𐍉𐌽𐌹𐍃 𐌾𐌰𐌷 𐌺𐌰𐌿𐍂𐌹𐌽𐌸𐌹𐍃. 𐌹𐌽 𐍆𐌰𐌽𐌹𐌼𐌴𐌽𐍉𐌸𐍃 𐌼𐌳ʹ, 𐌰𐌹𐌽𐍃 𐌼𐌴𐌽𐍉𐌸𐍃 𐍆𐌰𐌿𐍂 𐌹𐍃 𐌼𐌰𐌿𐍂𐌸𐍂, 𐌹𐍃 𐍅𐌰𐍃 𐌽𐌹𐌼𐌰𐌽𐍃 vitae dicator (𐌰𐍆-𐌼𐌰𐌷𐍄𐍃 𐍆𐌰𐌿𐍂 𐌻𐌹𐌱𐌰𐌹𐌽𐍃) 𐌾𐌰𐌷 𐌼𐌴𐌽𐍉𐌸 Quintilis 𐍅𐌰𐍃 𐌰𐍆𐍄𐍂𐌰-𐌽𐌹𐌼𐌰𐌽𐍃 Iulius (𐌷𐌰𐍅𐌹𐌼𐌴𐌽𐍉𐌸𐍃) 𐌹𐌽 𐌹𐍃 𐍃𐍅𐌴𐍂𐌹𐌸𐌰. 𐌽𐌴𐍈𐌰 𐌰𐌽𐌳𐌹 𐌹𐍃 𐌻𐌹𐌱𐌰𐌹𐌽𐍃, 𐌹𐍃 𐍃𐌺𐌰𐍀𐌾𐌰𐌽𐌳𐍃 𐍅𐌹𐌲𐌰𐌽 𐍅𐌹𐌸𐍂𐌰 𐍀𐌰𐍂𐌸𐌰-𐌻𐌰𐌽𐌳 𐍂𐌴𐌹𐌺𐌹.

𐌰𐌽𐌰 𐌴𐌹𐌳𐌿𐍃 𐌰𐌿𐍃𐍄𐍂𐌰𐌼𐌴𐌽𐍉𐌸, -𐌼𐌳ʹ, 𐌺𐌰𐌹𐍃𐌰𐍂 𐌵𐌹𐌼𐌰𐌽𐍃 𐌸𐌹𐌿𐌳𐌰𐍅𐌰𐌹𐌷𐍄𐍃. 𐍄𐌹𐌻𐌻𐌴𐌹𐍃 𐍃𐌹𐌼𐌱𐌰𐍂 𐌾𐌰𐌷 𐌰𐌻𐌾𐌹𐍃 𐌲𐌰-𐍂𐌹𐌽𐌽𐌰𐌽𐌳 𐌱𐌹 𐌺𐌰𐌹𐍃𐌰𐍂. 𐌺𐌰𐌹𐍃𐌰𐍂 𐌰𐍆-𐍃𐌺𐌹𐌿𐌱𐌹𐌳𐌰 𐌰𐌿𐌺 𐍃𐌹𐌼𐌱𐌰𐍂 𐌰𐌽𐌰-𐌷𐌰𐌱𐌹𐌳𐌰 𐌰𐌷𐌻𐍃𐌰𐌽𐍃 𐌾𐌰𐌷 𐌸𐌹𐌽𐍃𐌹𐌳𐌰 𐍀𐌰𐌹𐌳𐌰 𐌺𐌰𐌹𐍃𐌰𐍂𐌹𐍃. 𐌺𐌰𐌹𐍃𐌰𐍂 𐌰𐌿𐌷𐌹𐍉𐌸𐍃 𐍃𐌹𐌼𐌱𐌰𐍂𐌰, "Ista quidem vis est!" ("𐌳𐌿𐍈𐌴, 𐍃𐌰𐌷 𐌹𐍃𐍄 𐌷𐌰𐌹𐍆𐍃𐍄𐍃!"). 𐌸𐌰𐍄𐌰 𐍃𐌰𐌼𐍉 𐌺𐌰𐍃𐌺𐌰 𐍄𐌹𐌿𐌷 𐌹𐍃 𐌺𐌽𐌴𐌹𐍆𐍃 𐌾𐌰𐌷 𐍃𐍄𐌹𐌲𐌵𐌹𐌳𐌰 𐌰𐍄 𐌹𐍃 𐌷𐌽𐌰𐌺𐌺𐌰. 𐌹𐍃 𐌵𐌴𐌸𐌹 "Casca, carnifex te, quid facis?" "𐌺𐌰𐍃𐌺𐌰, 𐌸𐌿 𐍅𐌰𐍂𐌲𐍃, 𐍈𐌴 𐌹𐍃 𐌸𐌿 𐍄𐌰𐌿𐌾𐌰𐌽𐌳𐍃?" 𐍃𐍅𐌴 𐌱𐌹 𐍀𐌻𐌿𐍄𐌰𐍂𐌺𐌿𐍃. 𐌺𐌰𐍃𐌺𐌰, 𐌰𐌲𐌰𐌽𐌳𐍃, 𐌷𐍂𐍉𐍀𐍃 𐌹𐌽 𐌺𐍂𐌴𐌺𐌹𐍃𐌺𐍃, "𐌷𐌹𐌻𐍀, 𐌱𐍂𐍉𐌸𐌰𐍂!" ("ἀδελφέ, βοήθει!", "adelphe, boethei!"). 𐌺𐌰𐌹𐍃𐌰𐍂 𐌿𐍃-𐌳𐌰𐌿𐌳𐌹𐌳𐌰 𐌿𐌽𐌸𐌰-𐌸𐌻𐌹𐌿𐌷𐌰𐌽 𐌰𐌿𐌺 𐌲𐌰-𐌷𐌿𐌻𐌹𐌸𐍃 𐌹𐌽 𐌱𐌻𐍉𐌸, 𐍃𐌻𐌹𐌿𐍀𐌹𐌳𐌰 𐌾𐌰𐌷 𐌳𐍂𐌹𐌿𐍃𐌹𐌳𐌰, 𐌼𐌰𐌽𐌽𐌰𐌽𐍃 𐍆𐌰𐍃𐍄𐌰𐌽𐌳 𐍃𐍄𐌹𐌺𐌰𐌽𐌳𐍃 𐌹𐌽𐌰. 𐌹𐍃 𐍅𐌰𐍃 𐍃𐍄𐌹𐌺𐌰𐌽𐌳𐍃 𐌺𐌲ʹ 𐍈𐌴𐌹𐌻𐍉𐍃. 𐍃𐌰𐍄𐌹𐌳𐌰 𐌹𐍃 𐍀𐌰𐌹𐌳𐌰 𐌿𐍆𐌰𐍂 𐌹𐍃 𐌷𐌰𐌿𐌱𐌹𐌸 𐍃𐍅𐌰 𐌽𐌹-𐌰𐌹𐌽𐍃𐌷𐌿𐌽 𐍃𐌴𐍈𐌴𐌹𐌽𐌰 𐌹𐌽𐌰 𐌳𐌹𐍅. 𐌰𐍆𐍄𐌿𐌼𐌹𐍃𐍄𐍃 𐍅𐌰𐌿𐍂𐌳𐌰 𐌺𐌰𐌹𐍃𐌰𐍂𐌹𐍃 𐌷𐌰𐌱𐌰𐌹𐌳𐌴𐌳𐌴𐌹𐌽𐌰 𐌺𐍂𐌴𐌺𐌹𐍃𐌺𐍃 𐌵𐌹𐍃𐍃 "καὶ σύ, τέκνον?, 𐌺𐌰𐌹 𐍃𐌿, 𐍄𐌴𐌺𐌽𐍉𐌽?" "𐌸𐌿𐌺 𐍃𐍅𐌰𐌷, 𐌱𐌰𐍂𐌽?" 𐌷𐌰𐌱𐌰𐌹𐌳𐌴𐌳𐌹 𐌽𐌹-𐍅𐌰𐌹𐌷𐍄𐍃 𐌰𐌹𐌸𐌸𐌰𐌿 "Et tu, Brute?", 𐍆𐍂𐌰𐌼 𐍅𐌹𐌻𐌾𐌰𐌷𐌹𐌻𐌼𐍃 𐍃𐌺𐌰𐍃𐌺𐍀𐌴𐌹𐍂𐌴 "Juleis Káisar". 𐌱𐍂𐌿𐍄𐌿𐍃 𐌸𐌻𐌹𐌿𐌷𐌹𐌳𐌰 𐌲𐌰-𐍄𐌹𐌼𐍂𐌾𐍉, 𐌵𐌹𐌸𐌹𐌳𐌰 𐌸𐌹𐌿𐌳𐍉𐍃, "𐌸𐌹𐌿𐌳𐌰 𐍂𐌿𐌼𐍉𐍃, 𐍃𐌹𐌾𐌿𐌼 𐌰𐍆𐍄𐍂𐌰 𐍆𐍂𐌴𐌹𐍃!" 𐍄𐍅𐌰𐌹 𐌼𐌴𐌽𐍉𐌸𐍃 𐌰𐍆𐌰𐍂 𐌹𐍃 𐌳𐌰𐌿𐌸𐌿𐍃, 𐌴𐌹𐍃-𐍄𐌰𐌲𐌻𐌰-𐍃𐍄𐌰𐌹𐍂𐌽𐍉 𐍈𐌰𐍂𐌱𐍉𐌳𐌰 𐌰𐌽𐌰 𐌱𐌻𐍉𐌼𐌰𐌼𐌴𐌽𐍉𐌸𐍃 18, "Sidus lulium" 𐌽𐌰𐌼𐌽𐌾𐌰𐌽𐌳 𐌹𐍄𐌰 𐌰𐍆𐌰𐍂 𐌹𐌾𐌰 𐌳𐌰𐌿𐌸𐍃 𐍆𐌰𐌿𐍂-𐍃𐍄𐌰𐍃𐍃𐌴𐌹𐍃, 𐍈𐌰𐍃 𐍅𐌰𐍃 𐌽𐌿 𐌲𐌿𐌳𐌹𐌸𐍃.

𐌻𐌴𐌹𐌺𐌴𐌹𐌽𐍃 𐌷𐌹𐍅𐌹 𐌾𐌰𐌷 𐍃𐌿𐌽𐌳𐍂𐍉 𐌻𐌹𐌱𐌰𐌹𐌽𐍃[𐌹𐌽𐌼𐌰𐌹𐌳𐌴𐌹]

𐌺𐌰𐌹𐍃𐌰𐍂 𐌷𐌰𐌱𐌰𐌹𐌳𐌴𐌳𐌹 𐌴𐍀𐌹𐌻𐌴𐍀𐍃𐌾𐌰 𐌰𐌹𐌸𐌸𐌰𐌿 𐌷𐌰𐌱𐌰𐌹𐌳𐌴𐌳𐌹 𐌷𐌰𐌹𐌱𐌹𐌸-𐍃𐌰𐌹𐍂𐌰. 𐍂𐌿𐌼𐍉𐌽𐍃 𐍃𐍀𐌹𐌻𐌻-𐍃𐍄𐌰𐍃𐍃𐌴𐌹𐍃 𐍃𐌿𐌴𐍄𐍉𐌽𐌴𐌹𐍃 𐌵𐌰𐌸 𐌺𐌰𐌹𐍃𐌰𐍂 𐍃𐍅𐌴 "𐍄𐌰𐌻𐍃, 𐌹𐌱𐌽𐍃 𐍆𐌹𐌻𐌻 𐌾𐌰𐌷 𐌻𐌰𐌲𐌾𐍉𐍃, 𐌼𐌹𐌸 𐍃𐌺𐌰𐍂𐍀𐍃 𐍃𐍅𐌰𐍂𐍄𐍃 𐌰𐌿𐌲𐍉𐌽𐌰."

𐌱𐌹-𐌻𐌴𐌹𐌱𐌰𐌽𐍃[𐌹𐌽𐌼𐌰𐌹𐌳𐌴𐌹]

𐌾𐌿𐌻𐌴𐌹𐍃 𐌺𐌰𐌹𐍃𐌰𐍂 𐌹𐍃𐍄 𐌲𐌰-𐌺𐌿𐌽𐌽𐌰𐌽𐍃 𐍃𐍅𐌴 𐌼𐌰𐌽𐌰𐌲𐌹𐍃𐍄𐍃 𐌼𐌴𐍂𐍃 𐍆𐌰𐌿𐍂-𐍃𐍄𐌰𐍃𐍃𐌴𐌹𐍃 𐌹𐌽 𐍃𐍀𐌹𐌻𐌻. 𐌹𐍃 𐌸𐌰𐍄𐌰 𐌵𐌹𐌸𐌰𐌽𐍉, "𐌻𐌴𐍄 𐍅𐌰𐌿𐍂𐍀𐌹𐌻 𐍅𐌰𐌹𐍂𐍀𐌹𐌸" 𐌹𐍃𐍄 𐌽𐌰𐌿𐌷-𐌸𐌰𐌽𐌿𐌸 𐌵𐌹𐌸𐌰𐌽𐍃 𐌹𐌽 𐌹𐍄𐌰𐌻𐌾𐌰, 𐍃𐍅𐌴 "Il dado è tratto". 𐌹𐍃 𐌱𐍉𐌺𐍉𐍃 Commentarii de Bello Gallico 𐌹𐍃𐍄 𐌽𐌰𐌿𐌷-𐌸𐌰𐌽𐌿𐌸 𐍅𐌹𐍃𐌰𐌽𐍃 𐌰𐌽𐌰-𐌺𐌿𐌽𐌽𐌰𐌽𐍃 𐌷𐌹𐌽𐌰 𐌳𐌰𐌲 𐌱𐌹 𐌼𐌰𐌽𐌰𐌲𐍃 𐌸𐌹𐌿𐌳𐍉𐍃 𐌱𐌹 𐌼𐌹𐌳𐌾𐌿𐌽-𐌲𐌰𐍂𐌳𐍃.