𐍂𐌰𐌶𐌳𐌰𐌻𐌴𐌹𐍃𐌴𐌹

𐌹𐌽 𐍂𐌰𐌶𐌳𐌰𐍅𐌹𐍄𐌰𐌽𐌳𐌴𐌹𐌽𐌰𐌹, ' (𐍆𐍂𐌰𐌼 «𐍂𐌰𐌶𐌳𐌰» 𐌾𐌰𐌷 «-𐌻𐌴𐌹𐍃𐌴𐌹») 𐍂𐌰𐌹𐌲𐌰 𐍆𐍂𐌰𐌼 𐌲𐌰𐍂𐌰𐌹𐌳𐌴𐌹𐌽𐌹𐌼 𐌲𐌰𐍄𐌹𐌼𐍂𐌴𐌹𐌽𐌹𐌻𐌴𐌹𐌺𐌰𐌹𐌼 𐌲𐌰𐍂𐌰𐌹𐌳𐌾𐌰𐌽𐌳𐌰𐌼 𐌼𐌹𐌸𐍃𐌰𐍄𐌴𐌹𐌽𐌰𐌹 𐌿𐍆𐌵𐌹𐌳𐌴, 𐌵𐌹𐌳𐌴 𐌾𐌰𐌷 𐍅𐌰𐌿𐍂𐌳𐌴 𐌹𐌽 𐍂𐌰𐌶𐌳𐌰𐌹 𐍅𐌹𐍃𐍄𐌹𐌺𐌿𐌽𐌳𐌰𐌹 𐌹𐍃𐍄. 𐍃𐌰 𐌱𐌹𐌲𐍂𐌹𐍀𐍃 𐌾𐌰𐌷 𐌳𐌿 𐌰𐍄𐌻𐌰𐌹𐍃𐌴𐌹𐌽𐌰𐌹 𐍃𐍅𐌰𐌻𐌴𐌹𐌺𐌰𐌹𐌶𐍉 𐌲𐌰𐍂𐌰𐌹𐌳𐌴𐌹𐌽𐍉 𐍆𐌰𐌹𐍂𐍅𐌴𐌹𐍃𐍉𐌸 𐌾𐌰𐌷 𐍃𐌰 𐌰𐌺𐍂𐍃 𐌳𐍂𐌿𐌽𐌾𐌿𐌻𐌴𐌹𐍃𐌴𐌹𐌽, 𐍃𐌺𐌰𐍀𐌰𐌻𐌴𐌹𐍃𐌴𐌹𐌽 𐌾𐌰𐌷 𐌵𐌹𐌳𐌹𐌻𐌴𐌹𐍃𐌴𐌹𐌽, 𐌿𐍆𐍄𐌰 𐍆𐍂𐌰𐌼 𐌱𐌹𐌸𐌹𐌿𐌳𐌴𐌹𐌽𐌹𐌻𐌴𐌹𐍃𐌴𐌹𐌽𐌰𐌹 𐌾𐌰𐌷 𐌱𐍉𐍄𐌰𐌻𐌴𐌹𐌺𐌹𐌸𐌰𐌻𐌴𐌹𐍃𐌴𐌹𐌽𐌰𐌹 𐌲𐌰𐌲𐌰𐍆𐌿𐌻𐌻𐌹𐌸𐍃, 𐌹𐌽𐌻𐌿𐌺𐌹𐌸.

𐌵𐌹𐌳𐌹𐌻𐌴𐌹𐍃𐌴𐌹 𐌰𐌲𐌲𐌹𐌻𐌹𐍃𐌺𐌰

𐍂𐍉𐌳𐌾𐌰𐌽𐍃 𐍆𐌻𐌰𐌿𐌰𐌽𐌳𐌰𐌽𐍃 𐍂𐌰𐌶𐌳𐌰𐌺𐌹𐌽𐌸𐌰𐌹𐍃 𐍂𐌰𐌹𐌲𐌰 𐌲𐌰𐍂𐌰𐌹𐌳𐌴𐌹𐌽𐍉 𐌲𐌰𐌹𐌽𐌽𐌿𐌼𐌹𐌳𐌰𐌹𐌶𐍉, 𐌸𐍉𐌶𐌴𐌹 𐍂𐌰𐌶𐌳𐌰𐌻𐌴𐌹𐍃𐌴𐌹𐌽 𐌹𐌶𐍉𐍃 𐌿𐍃𐍄𐌰𐌿𐌾𐌹𐌸, 𐌷𐌰𐌱𐌰𐌽𐌳. 𐌼𐌰𐌹𐌶𐌹𐌸𐌰 𐌼𐌹𐌺𐌹𐌻𐌰 𐌸𐌹𐌶𐍉 𐌹𐌽𐌻𐌹𐌿𐌷𐍄𐌴𐌹𐌽𐍉 𐌹𐌽 𐌸𐌹𐌶𐌰𐌹 𐍂𐌰𐌶𐌳𐌰𐌻𐌴𐌹𐍃𐌴𐌹𐌽𐌰𐌹 – 𐌳𐌿 𐌼𐌹𐌽𐌽𐌹𐍃𐍄𐌰𐌼𐌼𐌰 𐌹𐌽 𐌸𐌹𐌲𐌲𐌰 𐍆𐍂𐌰𐌼 𐌰𐌹𐌸𐌴𐌹𐍂𐌰𐌶𐌳𐌰𐌹 𐍈𐌹𐍃 – 𐌽𐌹𐍃𐍄 𐌲𐌰𐍃𐍄𐌰𐌹𐍃𐍄𐌰𐌻𐌳𐌰𐌽𐌰 𐍆𐍂𐌰𐌼 𐌰𐍄𐌻𐌰𐌹𐍃𐌴𐌹𐌽𐌰𐌹 𐌰𐌹𐌸𐌸𐌰𐌿 𐍅𐌴𐌹𐍃𐌴𐌹𐌽𐌰𐌹 𐌼𐌹𐌸𐍅𐌹𐍃𐍃𐌰𐌹 𐌰𐌺 𐍆𐍂𐌰𐌼 𐌷𐌰𐌿𐍃𐌾𐌰𐌽𐌳𐌹𐌽 𐍂𐍉𐌳𐌾𐌰𐌽𐍃 𐌰𐌻𐌾𐌰𐌽𐍃. 𐍆𐌹𐌻𐌿 𐌸𐌹𐌶𐍉𐍃 𐌰𐍂𐌱𐌰𐌹𐌳𐌰𐌹𐍃 𐌹𐌽 𐌱𐌰𐍂𐌽𐌹𐍃𐌺𐌾𐌰 𐌰𐌹𐍂𐌰𐌼𐌼𐌰 𐌲𐌰𐍄𐌰𐍅𐌹𐌳𐌰 𐌹𐍃𐍄; 𐍃𐌹𐌺 𐍂𐌰𐌶𐌳𐌰 𐍃𐌴𐌹𐌸𐌹𐍃 𐌹𐌽 𐌻𐌹𐌱𐌰𐌹𐌽𐌰𐌹 𐌻𐌰𐌹𐍃𐌾𐌰𐌽 𐌸𐍂𐍉𐌸𐌹𐌻𐌴𐌹𐌺𐍉 𐍅𐌴𐍃𐌴𐌹𐌽 𐍃𐌺𐌴𐌹𐍂𐌹𐌶𐌴𐌹𐌽 𐌹𐌽𐍅𐌰𐌻𐍅𐌴𐌹𐌸. 𐌽𐌿𐌽𐌿 𐍂𐌰𐌶𐌳𐌰𐌻𐌴𐌹𐍃𐌴𐌹 𐌹𐌽𐌻𐌹𐌿𐌷𐍄𐌴𐌹𐌽𐍉𐍃 𐍅𐌹𐍄𐌹𐍃𐌺𐍉𐍃, 𐌸𐍉𐌶𐌴𐌹 𐍂𐌰𐌶𐌳𐌰𐌽𐌿𐍄 𐌳𐌿 𐌲𐍂𐌿𐌽𐌳𐌰𐌿 𐌻𐌹𐌲𐌰𐌽𐌳, 𐌹𐍃𐍄.

𐌱𐌹𐌲𐍂𐌹𐍀𐍃 «𐍂𐌰𐌶𐌳𐌰𐌻𐌴𐌹𐍃𐌴𐌹» 𐌾𐌰𐌷 𐌲𐌰𐍂𐌰𐌹𐌳𐌴𐌹𐌽𐌹𐌽𐍃, 𐌸𐍉𐌶𐌴𐌹 𐍂𐌰𐌶𐌳𐌰𐍅𐌹𐍄𐌰𐌽𐌳𐌴𐌹𐌻𐌴𐌹𐌺𐍉 𐌿𐍃𐌼𐌹𐍄𐌰𐌸𐍃 𐌺𐍂𐌿𐍀𐍀𐌹𐍃 𐍂𐍉𐌳𐌾𐌰𐌽𐌴 𐌲𐌰𐍂𐌰𐌹𐌳𐌴𐌹𐌸, 𐌱𐌹𐌼𐌴𐌻𐌾𐌰𐌽 𐌼𐌰𐌲. 𐌳𐌿 𐍆𐍂𐌹𐍃𐌰𐌷𐍄𐌰𐌹, 𐌱𐌹𐌲𐍂𐌹𐍀𐍃 "𐍂𐌰𐌶𐌳𐌰𐌻𐌴𐌹𐍃𐌴𐌹 𐌲𐌿𐍄𐌹𐍃𐌺𐌰" 𐌳𐌿 𐌰𐌻𐌻𐌰𐌹 𐍂𐌰𐌶𐌳𐌰𐌻𐌴𐌹𐍃𐌴𐌹𐌽𐌰𐌹 𐌸𐌹𐌶𐍉𐍃 𐌲𐌿𐍄𐌹𐍃𐌺𐍉𐌽𐍃 𐍂𐌰𐌶𐌳𐍉𐍃 𐍆𐌰𐌹𐍂𐍅𐌴𐌹𐍃𐍉; 𐍆𐌰𐌿𐍂 𐌸𐍉𐍃 𐍂𐌰𐌶𐌳𐌰𐌻𐌴𐌹𐍃𐌹𐌽𐍃 𐌰𐌻𐌻𐌰𐌹𐌶𐌴 𐍂𐍉𐌳𐌾𐌰𐌽𐌴 𐌸𐌹𐌶𐍉𐍃 𐍂𐌰𐌶𐌳𐍉𐍃, 𐌱𐌹𐌲𐍂𐌹𐍀𐍃 𐌳𐌰𐌹𐌻 𐌼𐌹𐌺𐌹𐌻𐌰 𐌼𐌰𐌽𐌰𐌲𐍆𐌰𐌻𐌸𐌴𐌹𐌽𐍃 𐌱𐌹𐌻𐌿𐌺𐌹𐌸. 𐌳𐌿 𐌰𐌽𐌸𐌰𐍂𐌰𐌼𐌼𐌰 𐌺𐌿𐍃𐍄𐌰𐌿 𐍃𐌰 𐌸𐌰𐍄𐌰𐌹𐌽𐌴𐌹 𐌳𐌿 𐌸𐌰𐌼𐌼𐌰 𐍆𐌰𐌹𐍂𐍅𐌴𐌹𐍃𐍉, 𐌸𐌰𐍄𐌴𐌹 𐌲𐌰𐌼𐌰𐌹𐌽 𐌸𐌰𐌹𐌼 𐍂𐌰𐌶𐌳𐌰𐌻𐌴𐌹𐍃𐌴𐌹𐌼 𐌰𐌻𐌻𐌰𐌹𐌶𐌴 𐌰𐌹𐌸𐌸𐌰𐌿 𐌼𐌰𐌹𐍃𐍄𐌰𐌹𐌼 𐌲𐌿𐍄𐌹𐍃𐌺𐌰𐍂𐍉𐌳𐌾𐌰𐌼 𐌹𐍃𐍄 (𐍃𐍅𐌴 𐌿𐍆𐍅𐌰𐍂𐍀–𐌰𐌽𐌳𐌰𐍅𐌰𐍂𐍀–𐌵𐌹𐍃𐍃 𐍅𐌰𐌿𐍂𐌳𐌰𐍄𐌴𐍅𐌰 𐌹𐌽 𐌿𐍃𐍃𐌺𐌴𐌹𐍂𐌾𐌰𐌽𐌳𐌴𐌹𐌼 𐌵𐌹𐌳𐌹𐌼 𐌰𐌹𐌽𐍆𐌰𐌻𐌸𐌰𐌹𐌼). 𐍃𐌰 𐌾𐌰𐌷 𐌳𐌿 𐌲𐌰𐍂𐌰𐌹𐌳𐌴𐌹𐌽𐌹𐌼 𐌰𐌹𐌽𐌹𐍃 𐍃𐌹𐌱𐌾𐍉𐌳𐌰𐌱𐌰 𐍅𐌰𐌹𐌻𐌰𐌱𐌹𐌼𐌰𐍂𐌺𐍉𐌳𐌹𐍃 𐍃𐌺𐌰𐍀𐌹𐍃 𐌲𐌿𐍄𐌹𐍃𐌺𐌹𐍃 𐍆𐌰𐌹𐍂𐍅𐌴𐌹𐍃𐍉 (𐍃𐍅𐌴 𐌲𐌿𐍄𐌹𐍃𐌺 𐌸𐍂𐍉𐌸𐌹𐌻𐌴𐌹𐌺𐌰𐍄𐌰 𐍆𐌰𐌿𐍂 𐌲𐌰𐍅𐌹).

𐌱𐌹𐌼𐌴𐌻𐌴𐌹𐌽𐍃, 𐌰𐍄𐌻𐌴𐌹𐍃𐌴𐌹𐌽𐍃 𐌰𐌹𐌸𐌸𐌰𐌿 𐌰𐌽𐌳𐌻𐌰𐌿𐍃𐌾𐌴𐌹𐌽𐍃 𐍃𐍅𐌰𐌻𐌴𐌹𐌺𐌰𐌹𐌶𐍉 𐌲𐌰𐍂𐌰𐌹𐌳𐌴𐌹𐌽𐍉 𐌾𐌰𐌷 𐍃𐍅𐌴 𐍂𐌰𐌶𐌳𐌰𐌻𐌴𐌹𐍃𐌴𐌹 𐌳𐌿𐌲𐌰𐍆𐌰𐌹𐍂𐍅𐌴𐌹𐍃𐍉𐌳𐌰 𐌼𐌰𐌲𐌴𐌹𐌽𐌰. 𐍆𐌰𐌹𐍂𐍅𐌴𐌹𐍃𐍉𐌽𐌹𐌱𐍉𐌺𐍉𐍃 𐌱𐌹𐌼𐌴𐌻𐌾𐌰𐌽𐌳𐌴𐌹𐌽𐍃 𐍂𐌰𐌶𐌳𐌰𐌻𐌴𐌹𐍃𐌴𐌹𐌽 𐍂𐌰𐌶𐌳𐍉𐍃 «𐍆𐌰𐌹𐍂𐍅𐌴𐌹𐍃𐍉𐌽𐌹𐍂𐌰𐌶𐌳𐌰𐌻𐌴𐌹𐍃𐌴𐌹» 𐌰𐌹𐌸𐌸𐌰𐌿 𐌰𐌹𐌽𐍆𐌰𐌻𐌸𐌰𐌱𐌰 «𐍂𐌰𐌶𐌳𐌰𐌻𐌴𐌹𐍃𐌴𐌹» 𐌷𐌰𐌹𐍄𐌰𐌳𐌰. 𐍂𐌰𐌶𐌳𐌰𐌻𐌴𐌹𐍃𐌴𐌹 𐍆𐌿𐌻𐌻𐍉 𐍃𐌺𐌴𐌹𐍂𐍃, 𐍃𐍉𐌴𐌹 𐍂𐌰𐌶𐌳𐌰𐌻𐌴𐌹𐍃𐌴𐌹𐌲𐌰𐍄𐌹𐌼𐍂𐌴𐌹𐌽𐌹𐌽𐍃 𐍃𐌿𐌼𐌰𐌹𐌶𐍉𐍃 𐌺𐌹𐌽𐌸𐌰𐌹𐍃 𐍂𐌰𐌶𐌳𐍉𐍃 𐌲𐍂𐌿𐌽𐌳𐌿𐌻𐌴𐌹𐌺𐍉 𐌱𐌹𐌼𐌴𐌻𐌴𐌹𐌸, «𐌱𐌹𐌼𐌴𐌻𐌾𐌰𐌽𐌳𐌴𐌹 𐍂𐌰𐌶𐌳𐌰𐌻𐌴𐌹𐍃𐌴𐌹» 𐌷𐌰𐌹𐍄𐌰𐌳𐌰. 𐍃𐍅𐌰𐌻𐌴𐌹𐌺𐌰 𐌱𐌹𐌼𐌴𐌻𐌴𐌹𐌽𐍃 𐍂𐌰𐌶𐌳𐌰𐍅𐌴𐌹𐍄𐌰𐌽𐌳𐌴𐌹𐌻𐌴𐌹𐌺𐌰 𐌰𐌽𐌳 𐍆𐌰𐌹𐍂𐌼𐌴𐌻𐌴𐌹𐌽 𐍂𐌰𐌶𐌳𐌰𐍅𐌹𐍄𐌰𐌽𐌳𐌴𐌹𐌻𐌴𐌹𐌺𐌰 𐌰𐌽𐌳𐍃𐍄𐌰𐌽𐌳𐌹𐌸, 𐍆𐌰𐌹𐍂𐍃𐍉𐌺𐌽 𐌷𐍂𐍉𐌶𐌰𐌱𐌰 𐍃𐌿𐌼𐍉𐍃 𐍂𐌰𐌶𐌳𐌰𐌻𐌴𐌹𐍃𐌴𐌹𐌲𐌰𐍄𐌹𐌼𐍂𐌴𐌹𐌽𐌹𐌽𐍃 𐌰𐌽𐌳𐌼𐌿𐌽𐌳𐍂𐌾𐌰𐌽 𐌰𐌹𐌸𐌸𐌰𐌿 𐌿𐍆𐌸𐍂𐌿𐌺𐌾𐌰𐌽, 𐌰𐍄 𐌺𐍉𐌳𐌰𐌹𐌺𐌾𐌰𐌽𐌳𐌹𐌽 𐌾𐌰𐌷 𐍆𐍂𐌿𐌼𐌾𐌰𐌽𐌳𐌹𐌽 𐌰𐌻𐌾𐍉𐍃, 𐌰𐌽𐌳𐌹𐌶𐌿𐌷 𐌹𐌽 𐌱𐌹𐌸𐌹𐌿𐌳𐌴𐌹𐌽𐌰𐌹 𐍆𐌿𐌻𐌻𐌰𐍄𐍉𐌾𐌰𐌹 𐌰𐌹𐌸𐌸𐌰𐌿 𐌹𐌽 𐍆𐌰𐌹𐍂𐍅𐌴𐌹𐍃𐍉𐌽𐌰𐌹 𐌳𐌿 𐌺𐌹𐌽𐌸𐌰𐌹 𐌸𐍂𐍉𐌸𐌹𐌻𐌴𐌹𐌺𐌰𐌹.