𐌽𐌹𐌿𐍄𐌰𐌽𐌳𐍃:Bokareis/article/13

𐌰𐌻𐌰𐌹𐌺𐍃𐌰𐌽𐌳𐍂𐌿𐍃 •𐌳• 𐌼𐌰𐌺𐌰𐌹𐌳𐍉𐌽𐌾𐍉𐍃

𐌰𐌻𐌰𐌹𐌺𐍃𐌰𐌽𐌳𐍂𐌿𐍃 •𐌳• 𐌼𐌰𐌺𐌰𐌹𐌳𐍉𐌽𐌾𐍉𐍃 (𐍀𐌰𐌹𐌻𐌻𐌰 •𐌺𐌰• 𐌹𐌿𐌻𐌹𐌿𐍃 •𐍄𐌽𐌵• 𐍆𐌰𐌿𐍂𐌰 𐍇𐍂𐌹𐍃𐍄𐌿 - 𐌱𐌰𐌱𐌹𐌻𐌰𐌿𐌽 •𐌹𐌰• 𐌹𐌿𐌽𐌹𐌿𐍃 •𐍄𐌺𐌲• 𐍆𐌰𐌿𐍂𐌰 𐍇𐍂𐌹𐍃𐍄𐌿) 𐌾𐌰𐌷 𐌺𐌿𐌽𐌸𐍃 𐍃𐍅𐌴 𐌰𐌻𐌰𐌹𐌺𐍃𐌰𐌽𐌳𐍂𐌿𐍃 𐍃𐌰 𐌼𐌹𐌺𐌹𐌻𐌰 𐍅𐌰𐍃 𐌸𐌹𐌿𐌳𐌰𐌽𐍃 𐌼𐌰𐌺𐌰𐌹𐌳𐍉𐌽𐌾𐍉𐍃 𐌾𐌰𐌷 𐍃𐌺𐌰𐍀𐌾𐌰𐌽𐌳𐍃 𐍃𐌿𐌼𐌹𐍃 𐌼𐌹𐌺𐌹𐌻𐍃𐍄𐌰𐌹𐌶𐌴 𐍂𐌴𐌹𐌺𐌾𐌴 𐍆𐌰𐌹𐍂𐌽𐌾𐌹𐍃 𐌼𐌴𐌻𐌹𐍃, 𐍂𐌴𐌹𐌺𐌹 𐍆𐍂𐌰𐌼 𐌴𐌹𐍉𐌽𐌹𐍃𐌺𐌰𐌹 𐌼𐌰𐍂𐌴𐌹𐌽 𐌿𐌽𐌳 𐌷𐌹𐌼𐌰𐌻𐌰𐌾𐌰 𐍆𐌰𐌹𐍂𐌲𐌿𐌽𐌾𐌰. 𐌰𐌻𐌰𐌹𐌺𐍃𐌰𐌽𐌳𐍂𐌿𐍃 𐌿𐌽𐍄𐌴 𐍃𐌰𐌹𐌷𐍃𐍄𐌰𐌹𐌷𐌿𐌽 𐍅𐌹𐌽𐍄𐍂𐌿𐍃 𐍅𐌰𐍃 𐍄𐌰𐌻𐌶𐌾𐌰𐌳𐌰 𐍅𐌰𐍂𐌸 𐍆𐍂𐌰𐌼 𐌷𐌰𐌽𐌳𐌿𐌲𐌰 𐌰𐍂𐌹𐍃𐍄𐍉𐍄𐌴𐌻𐌰𐌹𐍃. 𐌹𐌽 •𐍄𐌻𐌵• 𐍆𐌰𐌿𐍂𐌰 𐍇𐍂𐌹𐍃𐍄𐌿 𐌹𐍃 𐌰𐌽𐌰𐍃𐍄𐍉𐌳𐌹𐌳𐌰 𐌸𐌹𐌿𐌳𐌰𐌽𐍉𐌽 𐌰𐍆𐌰𐍂 𐌸𐌰𐍄𐌴𐌹 𐌹𐍃 𐌰𐍄𐍄𐌰, 𐍆𐌹𐌻𐌹𐍀𐍀𐌿𐍃 •𐌱• 𐌼𐌰𐌺𐌰𐌹𐌳𐍉𐌽𐌾𐍉𐍃 𐌿𐍃𐌵𐌹𐌼𐌰𐌳𐌰 𐍅𐌰𐍂𐌸 𐍆𐍂𐌰𐌼 𐍀𐌰𐍅𐍃𐌰𐌽𐌹𐌹𐌽. 𐍆𐌹𐌻𐌹𐍀𐍀𐌿𐍃 𐌼𐌰𐌽𐌰𐌲𐌹𐍃𐍄𐌰 𐌱𐌰𐌿𐍂𐌲𐍃𐍂𐌴𐌹𐌺𐌾𐌰 𐌺𐍂𐌴𐌺𐌰𐌻𐌰𐌽𐌳𐌹𐍃 𐌿𐍆 𐍆𐍂𐌰𐌿𐌾𐌹𐌽𐌰𐍃𐍃𐌰𐌿 𐌼𐌰𐌺𐌰𐌹𐌳𐍉𐌽𐌾𐍉𐍃 𐌱𐍂𐌰𐌷𐍄𐌰.