𐌲𐌿𐍄𐌹𐍃𐌺𐌰 𐌱𐍉𐌺𐌰𐌻𐌴𐌹𐍃𐌴𐌹

𐌲𐌿𐍄𐌹𐍃𐌺𐌰 𐌱𐍉𐌺𐌰𐌻𐌴𐌹𐍃𐌴𐌹 𐌹𐍃𐍄 𐌰𐌻𐌻 𐌱𐍉𐌺𐍉 𐌾𐌰𐌷 𐌻𐌹𐌿𐌸𐌴 𐌲𐌿𐍄𐌹𐍃𐌺𐌰𐌹 𐍂𐌰𐌶𐌳𐌰𐌹. 𐌹𐌽 𐌸𐌹𐌶𐌰𐌹 𐌲𐌿𐍄𐌹𐍃𐌺𐍉𐌽 𐍂𐌰𐌶𐌳𐌰𐌹 𐌷𐌰𐌱𐌰𐌼 𐌾𐌰𐌷 𐍆𐌰𐌹𐍂𐌽𐌾𐌰 𐍅𐌰𐌿𐍂𐍃𐍄𐍅𐌰, 𐌾𐌰𐌷 𐌰𐌽𐌳𐍅𐌰𐌹𐍂𐌸𐌰 𐍅𐌰𐌿𐍂𐍃𐍄𐍅𐌰 (𐌳𐌿𐌲𐌹𐌽𐌽𐌰𐌽𐌳𐍉𐌽𐌰 𐍆𐍂𐌰𐌼 𐌽𐌹𐌿𐌽𐍄𐌰𐍄𐌰𐌹𐌷𐌿𐌽𐌳𐌹𐌽 𐌾𐌴𐍂𐌰𐌷𐌿𐌽𐌳𐌰).

𐍆𐌰𐌹𐍂𐌽𐌾𐌰 𐍅𐌰𐌿𐍂𐍃𐍄𐍅𐌰

𐍃𐍉 𐌲𐌿𐍄𐌹𐍃𐌺𐍉 𐌱𐍉𐌺𐌰𐌻𐌴𐌹𐍃𐌴𐌹 𐌰𐌽𐌰𐍃𐍄𐍉𐌳𐌴𐌹𐌸 𐌼𐌹𐌸 𐌲𐌰𐍃𐌺𐌴𐌹𐍂𐌴𐌹𐌽𐌰𐌹 𐍅𐌴𐌹𐌷𐌰𐌹𐌶𐍉 𐌱𐍉𐌺𐍉 𐍆𐍂𐌰𐌼 𐌰𐌹𐍀𐌹𐍃𐌺𐌰𐌿𐍀𐌰𐌿 𐍅𐌿𐌻𐍆𐌹𐌻𐌹𐌽. 𐌹𐌽 𐌸𐍂𐌹𐌳𐌾𐌰𐌼𐌼𐌰 𐌾𐌴𐍂𐌰𐌷𐌿𐌽𐌳𐌰 𐌹𐍃 𐌲𐌰𐍃𐌺𐌴𐌹𐍂𐌹𐌳𐌰 𐍅𐌴𐌹𐌷𐍉𐍃 𐌱𐍉𐌺𐍉𐍃 𐌹𐌽 𐌸𐌹𐌶𐌰𐌹 𐍂𐌰𐌶𐌳𐌰𐌹 𐌲𐌿𐍄𐌰𐌽𐌴 𐌿𐌽𐍄𐌴 𐌽𐌹 𐌼𐌰𐌷𐍄𐌴𐌳𐌿𐌽 𐍆𐍂𐌰𐌸𐌾𐌰𐌽 𐍂𐌰𐌶𐌳𐌰𐌹 𐍂𐌿𐌼𐍉𐌽𐌴 𐌽𐌹𐌷 𐍂𐌰𐌶𐌳𐌰𐌹 𐌺𐍂𐌴𐌺𐌴, 𐌹𐌽 𐌸𐌹𐍃 𐌲𐌰𐍃𐌺𐌴𐌹𐍂𐌴𐌹𐌽𐍃 𐌹𐌽 𐍃𐌴𐌹𐌽𐌰𐌹𐌼 𐍃𐍅𐌴𐍃𐌰𐌹 𐍂𐌰𐌶𐌳𐌰𐌹 𐌸𐌰𐌿𐍂𐍆𐍄 𐍅𐌰𐍃.

𐌰𐌻𐌻𐌰𐌹𐌶𐍉 𐌱𐍉𐌺𐍉 𐌸𐌹𐌶𐍉 𐍅𐌴𐌹𐌷𐍉𐌽𐍉 𐌱𐍉𐌺𐍉 𐍅𐌿𐌻𐍆𐌹𐌻𐌰 𐌽𐌹 𐌲𐌰𐍃𐌺𐌴𐌹𐍂𐌹𐌳𐌰 𐌱𐍉𐌺𐍉𐍃 '𐌸𐌹𐌿𐌳𐌰𐌽𐍉𐍃' 𐌿𐌽𐍄𐌴 𐍅𐌰𐍃 𐌿𐍆𐌰𐍂𐍆𐌹𐌻𐌿 𐍅𐌰𐌻𐌳𐌿𐍆𐌽𐌹 𐌹𐌽 𐌸𐌰𐌹𐌼 𐌱𐍉𐌺𐍉𐌼. 𐌷𐌹𐌼𐌼𐌰 𐌳𐌰𐌲𐌰 𐌸𐌹𐌶𐍉 𐍅𐌴𐌹𐌷𐍉𐌽𐍉 𐌱𐍉𐌺𐍉 𐌱𐌹𐌻𐌰𐌹𐍆:

𐌼𐌰𐌸𐌸𐌰𐌹𐌿𐍃
𐌹𐍉𐌷𐌰𐌽𐌽𐌴𐍃
𐌻𐌿𐌺𐌰𐍃
𐌼𐌰𐍂𐌺𐌿𐍃
𐍂𐌿𐌼𐍉𐌽𐌴𐌹𐍃
𐌺𐌰𐌿𐍂𐌹𐌽𐌸𐌴𐌹𐍃 •𐌰•
𐌺𐌰𐌿𐍂𐌹𐌽𐌸𐌴𐌹𐍃 •𐌱•
𐌰𐌹𐍆𐌰𐌹𐍃𐌴𐌹𐍃
𐌲𐌰𐌻𐌰𐍄𐌴𐌹𐍃
𐍆𐌹𐌻𐌻𐌹𐍀𐌴𐌹𐍃
𐌺𐌰𐌿𐌻𐌰𐌿𐍃𐌰𐌹𐌴𐌹𐍃
𐌸𐌰𐌹𐍃𐌰𐌻𐌰𐌿𐌽𐌴𐌹𐍃 •𐌰•
𐌸𐌰𐌹𐍃𐌰𐌻𐌰𐌿𐌽𐌴𐌹𐍃 •𐌱•
𐍄𐌹𐌼𐌰𐌿𐌸𐌰𐌹𐌿𐍃 •𐌰•
𐍄𐌹𐌼𐌰𐌿𐌸𐌰𐌹𐌿𐍃 •𐌱•
𐍄𐌹𐍄𐌿𐍃
𐍆𐌹𐌻𐌴𐌼𐌰𐌿𐌽

𐌰𐌻𐌾𐌰 𐌸𐌰𐌹𐌼 𐍅𐌴𐌹𐌷𐍉𐌼 𐌱𐍉𐌺𐍉𐌼

𐌰𐌻𐌾𐌰 𐌸𐌰𐌹𐌼 𐍅𐌴𐌹𐌷𐍉𐌼 𐌱𐍉𐌺𐍉𐌼 𐍃𐌹𐌽𐌳 𐌾𐌰𐌷 𐌰𐌽𐌸𐌰𐍂𐌰 𐍅𐌰𐌿𐍂𐍃𐍄𐍅𐌰 𐌸𐍉𐌴𐌹 𐍃𐌹𐌽𐌳 𐌸𐌹𐌶𐍉𐍃 𐌲𐌿𐍄𐌹𐍃𐌺𐍉𐌽𐍃 𐍂𐌰𐌶𐌳𐍉𐍃.

𐌳𐌰𐌹𐌻𐍃 𐍆𐌰𐌹𐍂𐌽𐌾𐌰𐌹𐌶𐍉𐍃 𐍄𐍂𐌹𐌲𐌲𐍅𐍉𐍃, 𐌽𐌰𐌹𐌷𐌰𐌹𐌼𐌹𐌰𐌷 𐌱𐌹𐌻𐌰𐌹𐍆.

𐌹𐌽 𐍃𐌰𐌹𐌷𐍃𐍄𐌹𐌽 𐌾𐌴𐍂𐌰𐌷𐌿𐌽𐌳𐌰 𐌾𐌴𐍂𐌰 •𐍆𐌽𐌰• 𐌹𐌽 𐌰𐍂𐌰𐌹𐍄𐌶𐍉 𐌲𐌰𐌼𐌴𐌻𐌹𐌳𐌰 𐍅𐌰𐍃 𐍆𐍂𐌰𐌱𐌰𐌿𐌷𐍄𐌰𐌱𐍉𐌺𐌰, 𐌾𐌰𐌷 𐍃𐌹𐌽𐌳 𐍆𐍂𐌰𐌱𐌰𐌿𐌷𐍄𐌰𐌱𐍉𐌺𐍉𐍃 𐌰𐍆 𐌽𐌰𐍀𐌻𐌹𐌼, 𐌸𐍉𐌶𐌴𐌹 𐍃𐌹𐌽𐌳 𐌱𐍉𐌺𐍉𐍃 𐌸𐌹𐌶𐍉𐍃 𐌲𐌰𐌼𐌰𐌹𐌽𐍉𐌽𐍃 𐍂𐌰𐌶𐌳𐍉𐍃 𐌽𐌹𐌷 𐌱𐍉𐌺𐍉𐍃 𐌱𐌹 𐌲𐌰𐌻𐌰𐌿𐌱𐌴𐌹𐌽. 𐌸𐍉𐍃 𐍆𐍂𐌰𐌱𐌰𐌿𐌷𐍄𐌰𐌱𐍉𐌺𐍉𐍃 𐍆𐍂𐌰𐌻𐌿𐍃𐌰𐌽𐍉𐍃 𐍃𐌹𐌽𐌳 𐌷𐌹𐌼𐌼𐌰 𐌳𐌰𐌲𐌰.

𐍃𐌰𐌹𐌷𐍃𐍄𐌹𐌽𐍃 𐌾𐌴𐍂𐌰𐌷𐌿𐌽𐌳𐌹𐍃 𐌱𐌹𐌻𐌰𐌹𐍆 𐍃𐌺𐌴𐌹𐍂𐌴𐌹𐌽𐍃, 𐍃𐌴𐌹 𐌹𐌽 𐌰𐌷𐍄𐌿𐌳𐌰𐍄𐌰𐌹𐌷𐌿𐌽𐌳𐌹𐌽 𐌾𐌴𐍂𐌰𐌷𐌿𐌽𐌳𐌰 𐍆𐍂𐌰𐌼 𐌼𐌰𐍃𐍃𐌼𐌰𐌽𐌽 𐌿𐍃𐌼𐌴𐍂𐌹𐌳𐌰 𐌹𐍃𐍄. 𐍃𐌹𐌽𐌳 𐌰𐌷𐍄𐌰𐌿 𐌼𐌰𐌹𐌼𐌱𐍂𐌰𐌽𐍉𐍃 𐌰𐌽𐌳𐌰𐌷𐌰𐍆𐍄𐌰𐌹𐍃 𐌰𐌹𐍅𐌰𐌲𐌲𐌴𐌻𐌾𐍉𐌽𐍃 𐌹𐍉𐌷𐌰𐌽𐌽𐌴𐍃. 𐌷𐌹𐌼𐌼𐌰 𐌳𐌰𐌲𐌰 𐍃𐍉 𐍃𐌺𐌴𐌹𐍂𐌴𐌹𐌽𐍃 𐌹𐍃𐍄 𐌹𐌽 𐌱𐍉𐌺𐌰𐌷𐌿𐍃𐌰 𐌱𐌰𐍄𐌹𐌺𐌰𐌽𐌹𐍃.

𐌺𐌿𐌽𐌸 𐌽𐌹𐍃𐍄 𐌾𐌰𐌱𐌰𐌹 𐍃𐌺𐌴𐌹𐍂𐌴𐌹𐌽𐍃 𐌹𐍃𐍄 𐍃𐌿𐌽𐌾𐌴𐌹𐌽𐌰 𐌲𐌿𐍄𐌹𐍃𐌺𐌰 𐍂𐌰𐌶𐌳𐌰 𐌼𐌹𐌸 𐍅𐌰𐌿𐍂𐌳𐌰𐍅𐌹𐌺𐍉𐌽 𐍃𐍅𐌰𐍃𐍅𐌴 𐌱𐌹 𐍃𐌿𐌽𐌾𐌰𐌹 𐍅𐌰𐍃 𐌸𐌰𐌿 𐍃𐌺𐌴𐌹𐍂𐌴𐌹𐌽𐍃 𐌿𐍃𐍃𐌰𐍄𐌴𐌹𐌽𐌰𐌹𐍃 𐌺𐍂𐌴𐌺𐌹𐍃𐌺𐌰𐌹𐌶𐍉𐍃.

𐌰𐍆𐌰𐍂 𐍃𐌺𐌴𐌹𐍂𐌴𐌹𐌽𐌰𐌹 𐌽𐌹 𐍅𐌴𐍃𐌿𐌽 𐌰𐌽𐌸𐌰𐍂𐍉𐍃 𐌱𐍉𐌺𐍉𐍃 𐌹𐌽 𐌸𐌹𐌶𐌰𐌹 𐌲𐌿𐍄𐌹𐍃𐌺𐍉𐌽 𐍂𐌰𐌶𐌳𐌰𐌹 𐌸𐌰𐌽𐌰𐌼𐌰𐌹𐍃. 𐌰𐌿𐍆𐍄𐍉 𐌲𐌰𐌱𐍂𐌰𐌽𐌽𐌹𐌳𐍉𐍃 𐍅𐌴𐍃𐌿𐌽, 𐌿𐌽𐍄𐌴 𐌷𐌴𐌹𐍃𐍀𐌰𐌽𐌾𐌰 𐍆𐍂𐌰𐌵𐌰𐍃𐍄 𐌱𐍉𐌺𐍉𐌼 𐌰𐍂𐌹𐌰𐌽𐌹𐍃𐌺𐌰𐌹𐌶𐍉𐍃 𐌲𐌰𐌻𐌰𐌿𐌱𐌴𐌹𐌽𐌰𐌹𐍃, 𐌸𐍉𐌶𐌴𐌹 𐌿𐍆𐍄𐌰 𐌲𐌰𐌼𐌴𐌻𐌹𐌳𐍉𐍃 𐍅𐌴𐍃𐌿𐌽 𐌹𐌽 𐌸𐌹𐌶𐌰𐌹 𐌲𐌿𐍄𐌹𐍃𐌺𐍉𐌽 𐍂𐌰𐌶𐌳𐌰𐌹.

𐌽𐌹𐌿𐌽𐌳𐌰𐍄𐌰𐌹𐌷𐌿𐌽𐌳𐍉 𐌾𐌴𐍂𐌰𐌷𐌿𐌽𐌳

𐌰𐌽𐌰𐍃𐍄𐍉𐌳𐌴𐌹𐌽𐍃 𐌽𐌹𐌿𐌾𐍉𐍃 𐌱𐍉𐌺𐍉𐍃 𐌹𐌽 𐌸𐌹𐌶𐌰𐌹 𐌲𐌿𐍄𐌹𐍃𐌺𐍉𐌽 𐍂𐌰𐌶𐌳𐌰𐌹 𐍅𐌰𐍃 𐌸𐍂𐌴𐌹𐍃𐍄𐌰𐌹𐌷𐌿𐌽 𐌾𐌴𐍂𐌰𐌷𐌿𐌽𐌳𐌰 𐌰𐍆𐌰𐍂 𐍃𐌺𐌴𐌹𐍂𐌴𐌹𐌽𐌰𐌹. 𐌷𐌰𐌽𐍃 𐍆𐌰𐌹𐍂𐌳𐌹𐌽𐌰𐌽𐌳 𐌼𐌰𐍃𐍃𐌼𐌰𐌽𐌽 𐌽𐌹 𐌸𐌰𐍄𐌰𐌹𐌽𐌴𐌹 𐍃𐌺𐌴𐌹𐍂𐌴𐌹𐌽 𐌿𐍃𐌼𐌴𐍂𐌹𐌳𐌰, 𐌰𐌺 𐌾𐌰𐌷 𐍃𐌿𐌼𐌰 𐍅𐌰𐌿𐍂𐍃𐍄𐍅𐌰 𐌹𐌽 𐌸𐌹𐌶𐌰𐌹 𐍂𐌰𐌶𐌳𐌰𐌹 𐌲𐌰𐌼𐌴𐌻𐌹𐌳𐌰.

𐌹𐌽 •𐌰𐍉𐌻𐌶´• 𐌼𐌰𐍃𐍃𐌼𐌰𐌽𐌽 𐌲𐌰𐍃𐌺𐌴𐌹𐍂𐌹𐌳𐌰 Gaudeamus, 𐌸𐌰𐍄𐌴𐌹 𐌹𐍃𐍄 𐌻𐌹𐌿𐌸 𐌷𐌰𐌿𐌷𐌰𐌹𐌶𐍉𐍃 𐍃𐌺𐍉𐌻𐍉𐍃.^[1]

𐌹𐌽 •𐌰𐍉𐌼𐌰´• 𐌼𐌰𐍃𐍃𐌼𐌰𐌽𐌽 𐌲𐌰𐌼𐌴𐌻𐌹𐌳𐌰 𐌸𐌿𐌽𐍂𐌰𐍅𐌰𐌻𐌳𐍃 𐍃𐌿𐌽𐌰𐌿, 𐌸𐌰𐍄𐌴𐌹 𐌾𐌰𐌷 𐌲𐌰𐌼𐌴𐍂𐌹𐌸 𐍅𐌰𐍃 𐌰𐍄 𐌳𐌰𐌿𐌷𐍄𐌰𐌹 𐌸𐌿𐌽𐍂𐌰𐍅𐌰𐌻𐌳𐌰𐌿 𐌹𐌽 𐌼𐍅𐌽𐌺𐌰𐌹𐌽 (Gesellschaft der Zwanglosen). 𐌷𐌹𐌼𐌼𐌰 𐌳𐌰𐌲𐌰 𐌸𐌰𐍄𐌰 𐌻𐌹𐌿𐌸 𐌻𐌹𐌲𐌹𐌸 𐌹𐌽 𐌸𐌰𐌿𐍂𐍅𐌰𐌻𐌳𐍃𐌰𐌹𐌽 𐌼𐌿𐍃𐌰𐌹𐌿𐌼.

𐍆𐍂𐌿𐌼𐌹𐍃𐍄𐌰 𐍅𐌰𐌿𐍂𐌳𐌰 𐌻𐌹𐌿𐌸𐌹𐍃 '𐌸𐌿𐌽𐍂𐌰𐍅𐌰𐌻𐌳𐍃 𐍃𐌿𐌽𐌰𐌿':

𐌻𐌹𐌿𐌸 𐌻𐌴𐌹𐍄𐌹𐌺 𐌹𐌺

𐌻𐌰𐌸𐍉 𐌲𐌰𐌷𐌰𐌿𐍃𐌾𐌰𐌽 𐌹𐌶𐍅𐌹𐍃,

𐍆𐍂𐍉𐌳𐌰𐌽𐍃 𐌾𐌰𐌷 𐍆𐍂𐌹𐌾𐌰𐌽𐍃

𐍆𐍂𐌹𐌾𐍉𐌽𐌳𐍃 𐍅𐌹𐍄𐌿𐌱𐌽𐌾𐌹𐍃.

𐌻𐌴𐌹𐍄𐌹𐌻𐍃 𐌹𐍃𐍄 𐌻𐌹𐌱𐌰𐌹𐌽𐌰𐌹𐍃,

𐌹𐌸 𐌻𐌰𐌲𐌲𐍃 𐍅𐌹𐌲𐍃 𐌺𐌿𐌽𐌸𐌾𐌹𐍃

𐌾𐌰𐌷 𐌼𐌹𐌺𐌹𐌻𐌰 𐌲𐌰𐌼𐌰𐌽𐍅𐌴𐌹𐌽𐍃

𐌼𐌿𐌽𐌹𐍃 𐍆𐌿𐌻𐌻𐌰𐍄𐍉𐌾𐌹𐍃.

𐌱𐍉𐌺𐌰𐌻𐌴𐌹𐍃𐌴𐌹 𐍄𐍅𐌰𐍄𐌹𐌲𐌿𐌳𐌹𐌽 𐌾𐌴𐍂𐌰𐌷𐌿𐌽𐌳𐌰

𐍆𐌴𐌹𐌻𐌰:Tolkien 1916.jpg

𐍄𐌰𐌿𐌻𐌺𐌴𐌹𐌽

𐌰𐌽𐌰𐍃𐍄𐍉𐌳𐌴𐌹𐌽𐍃 𐌸𐌹𐌶𐍉𐍃 𐌲𐌿𐍄𐌹𐍃𐌺𐍉𐌽𐍃 𐌱𐍉𐌺𐌰𐌻𐌴𐌹𐍃𐌴𐌹𐌽𐍃 𐌹𐌽 𐍄𐍅𐌰𐍄𐌹𐌲𐌿𐌳𐌹𐌽 𐌾𐌴𐍂𐌰𐌷𐌿𐌽𐌳𐌰 𐍅𐌰𐍃 𐌼𐌹𐌸 𐍄𐌰𐌿𐌻𐌺𐌴𐌹𐌽. 𐌹𐌽 •𐌰𐍊𐌻𐌵´• 𐌹𐍃 𐌻𐌹𐌿𐌸 𐌱𐌰𐌲𐌼𐌴 𐌱𐌻𐍉𐌼𐌰 𐌲𐌰𐌼𐌴𐍂𐌹𐌸 𐍅𐌰𐍃 𐌹𐌽 (Songs for the Philologists). 𐌾𐌰𐌷 𐍅𐌰𐍃 𐌰𐌹𐍀𐌹𐍃𐍄𐌰𐌿𐌻𐌴 𐌾𐌴𐍂𐌹𐍃 •𐌰𐍊𐌾𐌴´• 𐌱𐌹𐌲𐌹𐍄𐌰𐌽𐍃 𐌹𐌽 𐌱𐍉𐌺𐍉𐌼 𐌸𐍉𐌶𐌴𐌹 𐌱𐌰𐌿𐌷𐍄𐍉𐍃 𐍅𐌴𐍃𐌿𐌽 𐍆𐍂𐌰𐌼 𐌶𐌹𐌻𐌻𐌰𐌷 𐍃𐌴𐌹𐌰𐌹𐍂𐌹𐌽𐌲.

𐍄𐌰𐌿𐌻𐌺𐌴𐌹𐌽 𐌲𐌰𐍃𐌺𐌴𐌹𐍂𐌹𐌳𐌰 𐌹𐍃 𐍃𐍅𐌴𐍃 𐌽𐌰𐌼𐍉 𐍃𐍅𐌰 𐍂𐌿𐌲𐌹𐌽𐍅𐌰𐌻𐌳𐌿𐍃 𐌳𐍅𐌰𐌻𐌰𐌺𐍉𐌽𐌴𐌹𐍃 𐌹𐌽 𐌸𐌹𐌶𐌰𐌹 𐌲𐌿𐍄𐌹𐍃𐌺𐍉𐌽 𐍂𐌰𐌶𐌳𐌰𐌹.

𐌱𐍉𐌺𐌰𐌻𐌴𐌹𐍃𐌴𐌹 𐌹𐌽 𐍄𐍅𐌰𐍄𐌹𐌲𐌿𐌳𐌹𐌽 𐌾𐌰𐌷 𐍆𐍂𐌿𐌼𐌹𐍃𐍄𐌰𐌼𐌼𐌰 𐌾𐌴𐍂𐌰𐌷𐌿𐌽𐌳𐌰

𐌹𐌽 𐌸𐌰𐌼𐌼𐌰 𐍄𐍅𐌰𐍄𐌹𐌲𐌿𐌳𐌹𐌽 𐌾𐌰𐌷 𐍆𐍂𐌿𐌼𐌹𐍃𐍄𐌹𐌽 𐌾𐌴𐍂𐌰𐌷𐌿𐌽𐌳𐌰 𐌻𐌹𐌿𐌳𐌰𐌹𐌽𐍃 𐌲𐌿𐍄𐌹𐍃𐌺𐌰𐌹𐌶𐍉 𐌱𐍉𐌺𐍉 𐌼𐌰𐌽𐌰𐌲𐌹𐌶𐌴𐌹 𐍅𐌰𐍃.

𐌹𐌽 •𐌱𐌹𐌱´• 𐌻𐌰𐌹𐍃𐌰𐍂𐌴𐌹𐍃 𐌱𐌾𐌰𐍂𐌽𐌰𐌹 𐍃𐌹𐌼𐌰𐌹𐌻𐌺𐌾𐌰𐌹𐍂 𐌷𐌰𐌽𐍃𐌰𐌹𐌽 𐌲𐌰𐍃𐌺𐌴𐌹𐍂𐌹𐌳𐌰 Adeste Fideles 𐌹𐌽 𐌸𐌹𐌶𐌰𐌹 𐌲𐌿𐍄𐌹𐍃𐌺𐍉𐌽 𐍂𐌰𐌶𐌳𐌰𐌹 𐍆𐌰𐌿𐍂𐌰𐍅𐌰𐌿𐍂𐍀𐌰𐌹 Roots of Europe.^[2]

𐌹𐌽 𐌸𐌰𐌹𐌼 𐌰𐌽𐌰𐌲𐌰𐌽𐌰𐍄𐌾𐍉𐌼 𐌻𐌹𐌿𐌷𐍄𐍉𐌼 𐌱𐍉𐌺𐍉𐌼 Fleurs du Mal 𐌲𐌿𐍄𐌹𐍃𐌺𐌰 𐍃𐌺𐌴𐌹𐍂𐌴𐌹𐌽𐍃 𐌻𐌹𐌿𐌸𐌹𐍃 'Overvloed' 𐌲𐌰𐌼𐌴𐍂𐌹𐌸 𐍅𐌰𐍃 𐌷𐌰𐌹𐍄𐌰𐌽 '𐌿𐍆𐌰𐍂𐌰𐍃𐍃𐌿𐍃'. ^[3] 𐌱𐌹𐌸𐌴 𐌾𐌰𐌷 𐍆𐌹𐌻𐌼 𐌰𐌽𐌰 𐌹𐌿𐍄𐌿𐌱 𐌸𐌹𐍃 𐌻𐌹𐌿𐌸𐌹𐍃 𐌵𐌰𐌼.

𐌹𐍃𐍄 𐍆𐍂𐌰𐌼 𐌼𐌰𐌾𐌺𐌰𐌹𐌻 𐌰𐌹𐌱𐌰𐌹𐍂𐍃𐌰𐌿𐌽 𐌿𐍃𐌼𐌴𐍂𐌾𐌹𐌽𐍃

𐌱𐍉𐌺𐍉𐍃

[1] ttp://reader.digitale-sammlungen.de/de/fs1/object/display/bsb10800718_00002.html

[2] ttps://web.archive.org/web/20171011141627/http://rootsofeurope.ku.dk/streaming/f2012/gotisk/Gotiske_sange.pdf

[3] ttp://fleursdumal.nl/mag/bert-bevers-overvloed-translation-6

[1]

[2]

[3]