𐌰𐌿𐌸𐌹𐌳𐌰

𐌰𐌿𐌸𐌹𐌳𐌰 𐌹𐍃𐍄 𐌻𐌰𐌽𐌳 𐌸𐌰𐍄𐌴𐌹 𐍆𐌰𐌿𐍂 𐌳𐌰𐌹𐌻 𐌲𐌰𐌷𐌿𐌻𐌹𐌸 𐌹𐍃𐍄 𐌼𐌹𐌸 𐌼𐌰𐌻𐌼𐌹𐌽, 𐌷𐌰𐌱𐌰𐌽𐌳𐍉 𐌻𐌴𐌹𐍄𐌹𐌻 𐌰𐌺𐍂𐌰𐌽𐌹𐍃 𐌾𐌰𐌷 𐌼𐌰𐍄𐌹𐍃 𐌰𐌹𐌸𐌸𐌰𐌿 𐌽𐌹𐌷 𐌰𐌺𐍂𐌰𐌽 𐌽𐌹𐌷 𐌼𐌰𐍄 𐌰𐌻𐌻𐌹𐍃, 𐌾𐌰𐌷 𐌼𐌰𐌷𐍄𐍃 𐌹𐍃𐍄 𐌸𐌰𐍄𐌴𐌹 𐌸𐌰𐍄𐌰𐌹𐌽𐌴𐌹 𐌷𐌰𐌱𐌰𐌹𐌸 𐌻𐌹𐌱𐌰𐌹𐌽 𐌿𐍃𐍃𐌹𐌽𐌳𐌰. 𐍃𐍅𐌰 𐌷𐌰𐌹𐍄𐌰𐌽𐍉𐍃, 𐌺𐌰𐌻𐌳𐍉𐍃 𐌰𐌿𐌸𐌹𐌳𐍉𐍃, 𐌹𐌽 𐌼𐌹𐌺𐌹𐌻𐌹𐍃 𐌺𐌰𐌻𐌳𐌹𐍃 𐌾𐌰𐌷 𐌿𐍆𐍄𐌰 𐌲𐌰𐌷𐌿𐌻𐌹𐌳𐍉𐍃 𐌼𐌹𐌸 𐍃𐌽𐌰𐌹𐍅 𐌾𐌰𐌷 𐌴𐌹𐍃𐌰. 𐌼𐌹𐍃𐍃𐌰𐌻𐌴𐌹𐌺𐍉𐍃 𐍃𐌹𐌽𐌳 𐌸𐌰𐌿 𐌰𐌿𐌸𐌹𐌳𐍉𐍃 𐍅𐌰𐍂𐌼𐌰𐌹𐌶𐌴 𐌻𐌰𐌽𐌳𐌴, 𐌺𐌰𐌻𐌳𐍉𐍃 𐌰𐌿𐌸𐌹𐌳𐍉𐍃 𐍃𐌹𐌽𐌳 1/6 𐌳𐌰𐌹𐌻𐍃 𐌿𐍆𐌰𐍂𐌻𐌰𐌽𐌳𐌹𐍃 𐍆𐌰𐌹𐍂𐍈𐌰𐌿𐍃. 𐌷𐌿𐌲𐌹𐌸 𐌹𐍃𐍄 𐌸𐌰𐍄𐌴𐌹 𐍅𐌰𐍂𐌼𐍉𐍃 𐌰𐌿𐌸𐌹𐌳𐍉𐍃 1/5 𐌰𐌹𐍂𐌸𐍉𐍃 𐌻𐌰𐌽𐌳𐌹𐍃 𐍃𐌹𐌽𐌳.

𐌲𐌰𐍅𐌹 𐌷𐌰𐌱𐌰𐌽𐌳𐍉 𐍈𐌰𐍂𐌾𐌰𐌼𐌼𐌴𐌷 𐌾𐌴𐍂𐌰 25 𐌺𐌰𐌹𐌽𐍄𐌹𐌼𐌴𐍄𐍂𐌿𐌽𐍃 𐌰𐌹𐌸𐌸𐌰𐌿 𐌼𐌹𐌽𐌽𐌹𐌶𐌰𐌽 𐍂𐌹𐌲𐌽𐌰𐌳𐍂𐌿𐍃 𐍃𐌰𐌹𐍈𐌰𐌳𐌰 𐍃𐍅𐌴 𐌰𐌿𐌸𐌹𐌳𐌰. 𐍃𐌿𐌼𐍉𐍃 𐌰𐌿𐌸𐌹𐌳𐍉𐍃 𐌽𐌹 𐌷𐌰𐌱𐌰𐌽𐌳 𐍂𐌹𐌲𐌽 𐌹𐌽 𐌼𐌴𐌻𐌰𐌼 𐍃𐌿𐌼𐌰𐌹𐌶𐌴 𐌾𐌴𐍂𐌴.

𐍀𐌻𐌰𐌽𐍄𐍉𐍃 𐌰𐌿𐌸𐌹𐌳𐍉𐍃 𐌷𐌰𐌱𐌰𐌽𐌳 𐌻𐌰𐌿𐌱𐌰𐌽𐍃 𐌹𐌽𐌼𐌰𐌹𐌳𐌹𐌳𐌰𐌽𐍃 𐌳𐌿 𐌼𐌹𐌽𐌶𐌽𐌰𐌽 𐍆𐍂𐌰𐌻𐌿𐍃𐍄 𐍃𐌴𐌹𐌽𐌰𐌹𐌶𐍉 𐍅𐌰𐍄𐌹𐌽𐍃, 𐌾𐌰𐌷 𐍀𐌻𐌰𐌽𐍄𐍉𐍃 𐍃𐌹𐌽𐌳 𐌱𐍂𐌰𐌹𐌳𐌹𐌶𐌴𐌹𐌽𐍃 𐌸𐌰𐌿 𐍀𐌻𐌰𐌽𐍄𐍉𐍃 𐌹𐌽 𐌲𐌰𐌿𐌾𐌰𐌼 𐌼𐌹𐌸 𐌼𐌰𐌽𐌰𐌲𐌹𐌶𐌹𐌽 𐍅𐌰𐍄𐌹𐌽.

𐌰𐌹𐍅𐍂𐍉𐍀𐌰 𐌹𐍃𐍄 𐍃𐍉 𐌰𐌹𐌽𐌰𐌷𐍉 𐌰𐌹𐍂𐌸𐌰𐌳𐌰𐌹𐌻𐍃 𐌹𐌽𐌿𐌷 𐌰𐌿𐌸𐌹𐌳𐍉𐍃. 𐍃𐍉 𐍃𐌰𐌷𐌰𐍂𐌰 𐌹𐍃𐍄 𐍃𐍉 𐌼𐌰𐌹𐍃𐍄𐍉 𐌰𐌿𐌸𐌹𐌳𐌰 𐍆𐌰𐌹𐍂𐍈𐌰𐌿𐍃.