𐌰𐌽𐌰𐌸𐍃
𐌰𐌽𐌰𐌸𐍃 𐍃𐌹𐌽𐌳 𐍆𐌿𐌲𐌻𐍉𐍃 𐌹𐌽 𐍆𐌰𐌳𐍂𐌴𐌹𐌽𐌰 Anatidae. 𐌰𐌽𐌰𐌸𐍃 𐌽𐌴𐍈 𐍃𐍅𐌰𐌽𐌰𐌼 𐌾𐌰𐌷 𐌲𐌰𐌽𐍃𐌿𐌼 𐌲𐌰𐌻𐌴𐌹𐌺𐍉𐍃 𐍃𐌹𐌽𐌳, 𐌸𐍉𐌶𐌴𐌹 𐌹𐌽 𐌸𐌰𐌼𐌼𐌰 𐍃𐌰𐌼𐌹𐌽 𐍆𐌰𐌳𐍂𐌴𐌹𐌽𐌰 𐍃𐌹𐌽𐌳. 𐌰𐌽𐌰𐌸𐍃 𐌽𐌹 𐍃𐌹𐌽𐌳 𐌰𐌹𐌽𐌰𐌺𐌿𐌽𐌹𐍃𐌺𐍃 𐌺𐍂𐌿𐍀𐍀𐍃. 𐌰𐌸𐌸𐌰𐌽 𐌼𐌹𐍃𐍃𐌰𐌻𐌴𐌹𐌺𐌹𐌸𐌰 𐌼𐌰𐌹𐍃𐍄𐌰 𐌼𐌹𐌸 𐌰𐌽𐌰𐌸𐌿𐌼 𐌾𐌰𐌷 𐍃𐍅𐌰𐌽𐌰𐌼 𐌾𐌰𐌷 𐌲𐌰𐌽𐍃𐌿𐌼 𐌹𐍃𐍄 𐌸𐌰𐍄𐌴𐌹 𐌰𐌽𐌰𐌸𐌿𐌼 𐌷𐌰𐌻𐍃𐍉𐍃 𐌼𐌰𐌿𐍂𐌲𐌹𐌶𐌰𐌽𐍃 𐌾𐌰𐌷 𐌼𐌹𐌽𐌽𐌹𐌶𐌰𐌽𐍃 𐍃𐌹𐌽𐌳.
𐌰𐌻𐌾𐌰𐌹 𐍆𐌿𐌲𐌻𐍉𐍃 𐍃𐍅𐌹𐌼𐌼𐌰𐌽𐌳𐌰𐌽𐍃 𐌾𐌰𐌷 𐌳𐌰𐌿𐍀𐌽𐌰𐌽𐌳𐌰𐌽𐍃 𐍃𐍅𐌴 𐌳𐌰𐌿𐍀𐌽𐌰𐌽𐌳𐍃 𐌾𐌰𐌷 𐌻𐍉𐌼𐍉𐍃 𐌽𐌹 𐍃𐌹𐌽𐌳 𐌰𐌽𐌰𐌸𐍃. 𐍆𐍂𐌰𐍃𐍄𐌹𐌻𐌰𐌰𐌽𐌰𐌸𐍃 𐌷𐌰𐌹𐍄𐌰𐌳𐌰 𐌰𐌽𐌰𐌸𐌴𐌹𐌽, 𐌾𐌰𐌷 𐌲𐌿𐌼𐌰𐌺𐌿𐌽𐌳𐌰 𐌰𐌽𐌰𐌸𐍃 𐌷𐌰𐌹𐍄𐌰𐌳𐌰 𐌰𐌽𐌰𐌸𐌰𐍂𐌴𐌹𐌺𐍃. 𐌼𐌰𐌽𐌰𐌲𐌹𐍃𐍄𐍉𐍃 𐌰𐌽𐌰𐌸𐍃 𐍃𐌹𐌽𐌳 𐍅𐌰𐍄𐌰𐍆𐌿𐌲𐌻𐍉𐍃. 𐌰𐌸𐌸𐌰𐌽 𐌾𐌰𐌷 𐌹𐌽 𐍃𐌰𐌻𐍄𐌰𐍅𐌰𐍄𐌹𐌽 𐌾𐌰𐌷 𐌹𐌽 𐍆𐍂𐌹𐍃𐌺𐌰𐍅𐌰𐍄𐌹𐌽 𐌱𐌹𐌲𐌹𐍄𐌰𐌽𐌳𐌰.
𐌰𐌽𐌰𐌸𐍃 𐌰𐌳𐌳𐌾𐌰 𐌰𐌹𐌽𐌰𐌼𐌼𐌰 𐍃𐌹𐌽𐌸𐌰 𐌹𐌽 𐌾𐌴𐍂𐌰 𐌻𐌰𐌲𐌾𐌰𐌽𐌳 𐌾𐌰𐌷 𐌰𐌻𐌰𐌹̈𐍄𐌰𐌽𐌳𐍃 𐍃𐌹𐌽𐌳, 𐌼𐌰𐍄𐌾𐌰𐌽𐌳𐌰𐌽𐍃 𐍅𐌰𐍄𐌰𐌰𐌿𐍂𐍄𐌹𐌽𐍃 𐌾𐌰𐌷 𐌳𐌹𐌿𐌶𐌹𐌻𐍉𐌽𐌰. 𐌼𐌰𐌽𐌰𐌲𐍉𐍃 𐌰𐌽𐌰𐌸𐍃 𐌰𐌽𐌰 𐌿𐍆𐌰𐍂𐍃𐌹𐌿𐌽𐌰𐌹 𐍅𐌰𐍄𐌹𐌽𐍃 𐌰𐌹𐌸𐌸𐌰𐌿 𐌰𐌽𐌰 𐌻𐌰𐌽𐌳𐌰, 𐌸𐌰𐌿 𐍃𐍅𐌰 𐌳𐌹𐌿𐍀 𐍃𐍅𐌴 𐌲𐌰𐌲𐌲𐌰𐌽 𐌼𐌰𐌲𐌿𐌽. 𐌰𐌽𐌳 𐌰𐌲𐌾𐌰 𐌽𐌰𐌱𐌾𐌹𐍃 𐌹𐍃𐍄 𐌲𐌰𐍄𐌹𐌼𐍂𐌴𐌹𐌽 𐌺𐌰𐌼𐌱𐌰𐌷𐌰 𐌷𐌰𐌹𐍄𐌰𐌽𐌰 𐌺𐌰𐌼𐌱.
𐌼𐌰𐌽𐌰𐌲𐍉𐍃 𐌰𐌽𐌰𐌸𐍃 𐍅𐌰𐌽𐌳𐌻𐍉𐌽𐌳. 𐌸𐌰𐍄𐌰 𐌳𐌿𐌸𐌹𐌿𐌳𐌴𐌹𐌸 𐌸𐌰𐍄𐌴𐌹 𐌰𐍃𐌰𐌽𐌹𐌼𐌴𐌽𐍉𐌸𐍃 𐌹𐌽 𐍃𐍄𐌰𐌳𐌰 𐌰𐌻𐌾𐌰𐌼𐌼𐌰 𐌸𐌰𐌿 𐌹𐌽 𐍅𐌹𐌽𐍄𐍂𐌿𐌼𐌴𐌽𐍉𐌸𐌿𐌼 𐍆𐍂𐌰𐌱𐍂𐌹𐌲𐌲𐌰𐌽𐌳. 𐌰𐌽𐌰𐌸𐍃 𐌳𐌹𐍃𐍃𐌺𐌰𐌹𐌳𐌴𐌹𐌽 𐍆𐌰𐌹𐍂𐍈𐌿𐌱𐌰𐌿𐍂𐌲𐌹𐍃𐌺𐌰 𐌱𐌰𐌹𐍂𐌷𐍄𐌾𐌰𐌽𐌳, 𐌰𐌸𐌸𐌰𐌽 𐌰𐌽𐌳 𐌰𐌻𐌻𐌰𐍄𐌰 𐌰𐌻𐌾𐌰 𐌰𐌽𐌳𐌰𐌱𐌰𐌹𐍂𐌰𐌻𐌰𐌽𐌳𐌰 𐌱𐌹𐌲𐌹𐍄𐌰𐌽𐌳𐌰.
𐌰𐌽𐌰𐌸𐍃 𐍈𐌴𐌹𐌻𐍉𐌼 𐍃𐍅𐌴 𐌲𐌰𐍂𐌳𐌰𐌳𐌹𐌿𐌶𐌰 𐌲𐌰𐌷𐌰𐌻𐌳𐌰𐌽𐌳𐌰, 𐌲𐌰𐌷𐌷𐌰𐌻𐌳𐌰𐌽𐌳𐌰 𐌿𐍆𐍄𐌰 𐍆𐍂𐌰𐌼 𐌺𐍂𐌿𐍀𐍀𐌰𐌼 𐌼𐌰𐌽𐌽𐌴 𐌹𐌽 𐌻𐌰𐌲𐌿𐌼 𐌸𐌹𐌿𐌳𐌹𐍃𐌺𐌰𐌹𐌼 𐌹𐌽 𐍃𐌺𐌰𐌿𐌽𐌴𐌹𐌽𐍃 𐌹𐌶𐌴 𐌾𐌰𐌷 𐍅𐌹𐍃𐍄𐌰𐌹𐍃 𐌲𐌰𐍃𐍄𐌹𐌻𐌻𐌾𐌰𐌽𐌳𐌴𐌹𐌽𐍃 𐌹𐌶𐌴. 𐌰𐌸𐌸𐌰𐌽 𐌼𐌰𐌽𐍃 𐌿𐍆𐍄𐌰 𐌰𐌽𐌰𐌸𐍃 𐌹𐌽 𐌻𐌰𐌲𐌿𐌼 𐌷𐌻𐌰𐌹𐍆 𐍆𐍉𐌳𐌾𐌰𐌽𐌳, 𐌼𐌿𐌽𐌰𐌽𐌳𐍃 𐌸𐌰𐍄𐌴𐌹 𐌸𐌰𐌹𐌼 𐌰𐌽𐌰𐌸𐌿𐌼 𐍈𐌴𐌹𐌻𐍉𐌼 𐌲𐌰𐌻𐌴𐌹𐌺𐌰𐌹𐌽𐌰 𐌼𐌰𐍄𐌾𐌰𐌽 𐍈𐌰. 𐌹𐌸 𐌷𐌻𐌰𐌹𐍆𐍃 𐌽𐌹𐍃𐍄 𐌰𐌽𐌰𐌸𐌿𐌼 𐍃𐍅𐌹𐌽𐌸𐍃 𐌾𐌰𐌷 𐌹𐌾𐍉𐍃 𐌲𐌰𐌳𐌰𐌿𐌸𐌾𐌰𐌽 𐌼𐌰𐌲.
𐌿𐍃𐌼𐌹𐍄𐌰𐌸𐍃[𐌹𐌽𐌼𐌰𐌹𐌳𐌴𐌹]
𐍆𐍉𐌳𐌴𐌹𐌽𐍃[𐌹𐌽𐌼𐌰𐌹𐌳𐌴𐌹]
𐌰𐌽𐌰𐌸𐍃 𐌼𐌰𐌽𐌰𐌲𐍉𐍃 𐌺𐌹𐌽𐌸𐌹𐌽𐍃 𐌼𐌰𐍄𐌴 𐍃𐍅𐌴 𐌲𐍂𐌰𐍃𐌰, 𐍅𐌰𐍄𐌰𐌰𐌿𐍂𐍄𐌹𐌽𐍃, 𐍆𐌹𐍃𐌺𐌰𐌽𐍃, 𐌹𐌽𐌼𐌰𐌹𐍄𐌰, 𐍅𐌰𐌿𐍂𐌼𐌰𐌽𐍃 𐌾𐌰𐌷 𐌻𐌹𐌽𐍅𐌰𐌳𐌹𐌿𐌶𐌰 𐌼𐌰𐍄𐌾𐌰𐌽𐌳.
𐍂𐍉𐌺𐌴𐌹𐌽𐍃[𐌹𐌽𐌼𐌰𐌹𐌳𐌴𐌹]
𐌰𐌽𐌰𐌸𐍃 𐌰𐌻𐌰𐌲𐌰𐌼𐌰𐌹𐌽𐌹𐌱𐌰 𐌸𐌰𐍄𐌰𐌹𐌽𐌴𐌹 𐌰𐌹𐌽 𐌲𐌰𐌼𐌰𐌽 𐌹𐌽 𐌰𐌹𐌽𐌰𐌼𐌼𐌰 𐌷𐌰𐌱𐌰𐌽𐌳, 𐌹𐌸 𐌲𐌰𐌼𐌰𐌽𐌹𐌽𐌰𐍃𐍃𐌿𐍃 𐌸𐍂𐍉𐌸𐌹𐌻𐌴𐌹𐌺𐍉 𐌸𐌰𐍄𐌰𐌹𐌽𐌴𐌹 𐌰𐌹𐌽 𐌾𐌴𐍂 𐍅𐌹𐍃𐌹𐌸. 𐌺𐌹𐌽𐌸𐌴𐌹𐍃 𐌼𐌰𐌹𐌶𐌴𐌹𐌽𐍃 𐌾𐌰𐌷 𐌺𐌹𐌽𐌸𐌴𐌹𐍃 𐌵𐌰𐌹𐍂𐍂𐌿𐍃𐌴𐍄𐌹𐌶𐌴𐌹𐌽𐍃 𐌸𐍂𐍉𐌸𐌹𐌻𐌴𐌹𐌺𐍉 𐌲𐌰𐌾𐌿𐌺𐌰𐌱𐌰𐌽𐌳𐌾𐍉𐍃 𐌷𐌰𐌱𐌰𐌽𐌳 𐌸𐍉𐌶𐌴𐌹 𐌼𐌰𐌽𐌰𐌲𐌰 𐌾𐌴𐍂𐌰 𐍅𐌹𐍃𐌰𐌽𐌳.