𐌰𐌹𐌻𐌴𐌹𐌰𐌹𐌶𐌰𐌹𐍂 𐌱𐌰𐌹𐌽 𐌴𐌹𐌰𐌹𐌷𐌿𐌳𐌰

𐍆𐍂𐌰𐌼 Wikipedia
Jump to navigation Jump to search
𐌴𐌻𐌴𐌹𐌰𐌹𐌶𐌰𐌹𐍂 𐌱𐌰𐌹𐌽 𐌴𐌹𐌰𐌹𐌷𐌿𐌳𐌰 𐌰𐍂𐌱𐌰𐌹𐌳𐌾𐌰𐌽𐌳𐍃

𐌴𐌹𐌻𐌴𐌹𐌰𐌹𐌶𐌰𐌹𐍂 𐌱𐌰𐌹𐌽 𐌴𐌹𐌰𐌹𐌷𐌿𐌳𐌰, 𐌲𐌰𐌱𐌰𐌿𐍂𐌰𐌽𐍃 𐍃𐍅𐌰 𐌰𐌹𐌻𐌴𐌹𐌰𐌹𐌶𐌰𐌹𐍂 𐌾𐌹𐍄𐌶𐌷𐌰𐌺 𐍀𐌰𐌹𐍂𐌻𐌼𐌰𐌽 (𐌷𐌰𐌹𐌱𐍂𐌰𐌹𐍅𐌹𐍃𐌺𐌰𐌹 𐍂𐌰𐌶𐌳𐌰𐌹:אֱלִיעֶזֶר בֶּן־יְהוּדָה) (𐌻𐌿𐌶𐌺𐌴𐌹, 𐌻𐌹𐍄𐌿𐌰𐌽𐌾𐌰 (𐌽𐌿 𐍈𐌴𐌹𐍄𐌰𐍂𐌿𐍃𐌰𐌻𐌰𐌽𐌳), •𐌶• 𐌾𐌰𐌽𐌿𐌰𐍂𐌴𐌹𐍃 •𐌰𐌷𐌽𐌷ʹ• - 𐌹𐌰𐌹𐍂𐌿𐍃𐌰𐌿𐌻𐍅𐌼𐌰, •𐌹𐌵• 𐌳𐌰𐌹𐌺𐌰𐌹𐌼𐌱𐌰𐌹𐍂 •𐌰𐍊𐌺𐌱ʹ•) 𐍅𐌰𐍃 𐌹𐌿𐌳𐌰𐌹𐍅𐌹𐍃𐌺𐍃 𐌷𐌰𐌹𐌱𐍂𐌰𐌹𐍅𐌹𐍃𐌺𐌿𐍃. 𐍃𐌰𐌹𐍈𐌰𐌳𐌰 𐍃𐍅𐌰 𐌲𐌰𐍃𐌿𐌻𐌾𐌰 𐌰𐌽𐌳𐍅𐌰𐌹𐍂𐌸𐌰𐌹𐌶𐍉𐍃 𐌷𐌰𐌹𐌱𐍂𐌰𐌹𐍅𐌹𐍃𐌺𐌰𐌹𐌶𐍉𐍃 𐍂𐌰𐌶𐌳𐍉𐍃.

𐌱𐌰𐌹𐌽 𐌴𐌹𐌰𐌹𐌷𐌿𐌳𐌰 𐌲𐌰𐌱𐌰𐌿𐍂𐌰𐌽𐍃 𐌹𐍃𐍄 𐍃𐍅𐌰 𐍃𐌿𐌽𐌿𐍃 𐌴𐌹𐌰𐌹𐌷𐌿𐌳𐌰 𐌻𐌰𐌾𐌱𐍃 𐌾𐌰𐌷 𐍆𐌰𐌹𐌾𐌲𐌰 𐍀𐌰𐌹𐍂𐌻𐌼𐌰𐌽𐍃. 𐌻𐌰𐌹𐍃𐌹𐌳𐌰 𐌸𐍉 𐌷𐌰𐌹𐌱𐍂𐌰𐌹𐍅𐌹𐍃𐌺𐌰 𐍂𐌰𐌶𐌳𐌰 𐌹𐌽 𐍃𐌴𐌹𐌽𐌰𐌹𐌶𐍉𐍃 𐌹𐌿𐌳𐌰𐌹𐍅𐌹𐍃𐌺𐌰𐌹𐌶𐍉𐍃 𐌲𐌰𐌻𐌰𐌿𐌱𐌴𐌹𐌽𐌰𐌹𐍃 𐍄𐌰𐌻𐌶𐌴𐌹𐌽𐌰𐌹𐍃. 𐌹𐌽 1881 𐌹𐍃 𐍆𐍉𐍂 𐌹𐌽 𐍀𐌰𐌻𐌰𐌹𐍃𐍄𐌹𐌽𐌰, 𐍃𐌴𐌹 𐌸𐌰𐌽 𐌽𐌰𐌿𐌷 𐍄𐍅𐍂𐌺𐌹𐍃𐌺𐌰 𐍅𐌰𐍃.

𐌹𐍃 𐌷𐌰𐌱𐌰𐌹𐌳𐌰 𐌼𐌿𐌽, 𐌸𐌰𐍄𐌴𐌹 𐍃𐍉 𐌷𐌰𐌹𐌱𐍂𐌰𐌹𐍅𐌹𐍃𐌺𐌰 𐍂𐌰𐌶𐌳𐌰 𐌰𐍆𐍄𐍂𐌰 𐌻𐌹𐌱𐌰𐌽𐌳𐌴𐌹 𐍂𐌰𐌶𐌳𐌰 𐍃𐌺𐌿𐌻𐌳𐌰 𐍅𐌰𐌹𐍂𐌸𐌰𐌽 𐌾𐌰𐌷 𐍂𐍉𐌳𐌹𐌳𐌰 𐍃𐍅𐌰 𐍆𐌹𐌻𐌿 𐍃𐍅𐌴 𐌼𐌰𐌷𐍄𐍃 𐍅𐌰𐍃 𐌸𐌰𐍄𐌰𐌹𐌽𐌴𐌹 𐌹𐌽 𐌸𐌹𐌶𐌰𐌹 𐌷𐌰𐌹𐌱𐍂𐌰𐌹𐍅𐌹𐍃𐌺𐍉𐌽 𐍂𐌰𐌶𐌳𐌰𐌹 𐌼𐌹𐌸 𐌼𐌰𐌽𐌽𐌰𐌼 𐌸𐌰𐌹𐌴𐌹 𐌸𐍉 𐍂𐌰𐌶𐌳𐌰 𐌺𐌿𐌽𐌸𐌿𐌽. 𐌹𐍃 𐍅𐌹𐌻𐌳𐌰 𐌸𐌰𐍄𐌰 𐍃𐍅𐌰 𐌲𐌰𐌹𐍂𐌽𐌾𐌰𐌱𐌰, 𐌸𐌰𐍄𐌴𐌹 𐌹𐍃 𐌾𐌰𐌷 𐌹𐍃 𐌵𐌴𐌽𐍃 𐌳𐌰𐌹𐌱𐌰𐌿𐍂𐌰 𐌸𐌰𐍄𐌰𐌹𐌽𐌴𐌹 𐌹𐌽 𐌸𐌹𐌶𐌰𐌹 𐌷𐌰𐌹𐌱𐍂𐌰𐌹𐍅𐌹𐍃𐌺𐍉𐌽 𐍂𐌰𐌶𐌳𐌰𐌹 𐍂𐍉𐌳𐌹𐌳𐌴𐌳𐌿𐌽 𐌼𐌹𐌸 𐌹𐌶𐌴 𐍃𐌿𐌽𐌰𐌿 𐌴𐌹𐍄𐍄𐌰𐌼𐌰𐍂 𐌱𐌰𐌹𐌽-𐌰𐌱𐌴𐌹. 𐍃𐍅𐌰 𐌹𐍃 𐍅𐌰𐍃 𐌰𐍆𐌰𐍂 𐌼𐌰𐌽𐌰𐌲𐌰𐌹𐌼 𐌾𐌴𐍂𐌰𐌷𐌿𐌽𐌳𐌰𐌼 𐍃𐌰 𐍆𐍂𐌿𐌼𐌹𐍃𐍄𐌰 𐌰𐌹𐌸𐌹𐍂𐌰𐌶𐌳𐌰𐍂𐍉𐌳𐌾𐌰𐌽𐌳𐍃 '𐌸𐌹𐌶𐍉𐍃 𐌰𐌽𐌳𐍅𐌰𐌹𐍂𐌸𐍉𐌽𐍃' 𐌷𐌰𐌹𐌱𐍂𐌰𐌹𐍅𐌹𐍃𐌺𐌰𐌹𐌶𐍉𐌽𐍃 𐍂𐌰𐌶𐌳𐍉𐍃. 𐍆𐍂𐌰𐌼𐌹𐍃 𐌱𐌰𐌹𐌽 𐌴𐌹𐌰𐌹𐌷𐌿𐌳𐌰 𐌲𐌰𐌻𐌰𐌿𐌱𐌹𐌳𐌰 𐌸𐌰𐍄𐌴𐌹 𐍄𐌰𐌻𐌶𐌴𐌹𐌽𐍃 𐌹𐌽 𐌸𐌹𐌶𐌰𐌹 𐌷𐌰𐌹𐌱𐍂𐌰𐌹𐍅𐌹𐍃𐌺𐌰𐌹 𐍂𐌰𐌶𐌳𐌰𐌹 𐌰𐌽𐌰 𐍃𐌺𐍉𐌻𐌰𐌼 𐍅𐌿𐌻𐌸𐍂𐌰𐌹𐍃 𐍅𐌰𐍃, 𐌾𐌰𐌷 𐌸𐌰𐍄𐌰 𐌹𐌽𐍅𐌰𐌲𐌹𐌳𐌰.

𐌰𐌹𐌽𐌰 𐌰𐌲𐌻𐍉𐌽𐍉 𐌲𐌰𐌵𐌹𐌿𐌴𐌹𐌽𐌰𐌹𐍃 𐌸𐌹𐌶𐍉𐍃 𐌷𐌰𐌹𐌱𐍂𐌰𐌹𐍅𐌹𐍃𐌺𐍉𐌽𐍃 𐍂𐌰𐌶𐌳𐍉𐍃, 𐍅𐌰𐍃 𐌸𐌰𐍄𐌴𐌹 𐍆𐌹𐌻𐌿 𐍅𐌰𐌹𐌷𐍄𐌴 - 𐌳𐌿 𐍆𐍂𐌹𐍃𐌰𐌷𐍄𐌰𐌹 𐌴𐌻𐌰𐌹𐌺𐍄𐍂𐌹𐌺𐌹𐍃𐌺𐍉𐍃 𐍅𐌰𐌹𐌷𐍄𐍃 𐌾𐌰𐌷 𐌻𐌿𐍆𐍄𐌿𐍃𐌺𐌹𐍀 - 𐍅𐌰𐌿𐍂𐌳 𐌽𐌹 𐌷𐌰𐌱𐌰𐌹𐌳𐌴𐌳𐌿𐌽 𐌹𐌽 𐌸𐌹𐌶𐌰𐌹 𐌷𐌰𐌹𐌱𐍂𐌰𐌹𐍅𐌹𐍃𐌺𐍉𐌽 𐍂𐌰𐌶𐌳𐌰𐌹. 𐌱𐌰𐌹𐌽-𐌴𐌹𐌰𐌹𐌷𐌿𐌳𐌰 𐌼𐌴𐍂𐌹𐌳𐌰 𐌹𐌽 𐌸𐌹𐍃 𐌿𐍆𐍄𐌰 𐍅𐌰𐌿𐍂𐌳𐌰𐍅𐌹𐌺𐍉𐌽𐍃 𐌼𐌹𐌸 𐌷𐌰𐌹𐌱𐍂𐌰𐌹𐍅𐌹𐍃𐌺𐌰𐌹𐌼 𐌽𐌹𐌿𐌾𐌰𐍅𐌰𐌿𐍂𐌳𐌰𐌼 𐌾𐌰𐌷 𐍅𐌰𐌿𐍂𐌳𐌰𐌱𐍉𐌺𐍉𐍃 𐌸𐌹𐌶𐍉𐍃 𐌷𐌰𐌹𐌱𐍂𐌰𐌹𐍅𐌹𐍃𐌺𐍉𐌽𐍃 𐍂𐌰𐌶𐌳𐍉𐍃 𐌲𐌰𐌼𐌴𐌻𐌹𐌳𐌰.

𐌹𐍃 𐌽𐌰𐌿𐌷 𐌻𐌹𐌱𐌰𐌹𐌳𐌰 𐌸𐌰𐌽 𐌱𐍂𐌹𐍄𐍉𐍃 •𐌺𐌸• 𐌽𐌰𐌿𐌱𐌰𐌹𐌼𐌱𐌰𐌹𐍂 •𐌰𐍊𐌺𐌱ʹ•, 𐌸𐌰𐌹𐌴𐌹 𐌸𐌰𐌽 𐌽𐌰𐌿𐌷 𐍂𐌴𐌹𐌺𐌹𐌽𐍉𐌳𐌴𐌳𐌿𐌽 𐍀𐌰𐌻𐌰𐌹𐍃𐍄𐌹𐌽𐌰𐌹, 𐌲𐌰𐍄𐌰𐍅𐌹𐌳𐌴𐌳𐌿𐌽 𐌸𐍉 𐌷𐌰𐌹𐌱𐍂𐌰𐌹𐍅𐌹𐍃𐌺𐍉𐌽 𐍂𐌰𐌶𐌳𐌰 𐌳𐌿 𐌰𐌽𐌳𐌱𐌰𐌷𐍄𐌰𐌹 𐍂𐌰𐌶𐌳𐌰𐌹 𐌹𐌿𐌳𐌰𐌹𐌴 𐌹𐌽 𐌸𐌰𐌼𐌼𐌰 𐌲𐌰𐌿𐌾𐌰.

𐍃𐌿𐌼𐍉𐍃 𐍃𐌰𐌱𐌱𐌰𐍄𐍉𐌽𐍃 𐌰𐍆𐌰𐍂 𐌸𐌰𐍄𐌰 𐍅𐌰𐍂𐌸 𐌰𐌹𐌻𐌴𐌹𐌰𐌹𐌶𐌰𐌹𐍂 𐌱𐌰𐌹𐌽 𐌴𐌹𐌰𐌹𐌷𐌿𐌳𐌰 𐌼𐌹𐌸 •𐌾𐌳• 𐍅𐌹𐌽𐍄𐍂𐌿𐌼 𐌲𐌰𐍃𐍅𐌰𐌻𐍄 𐌿𐌽𐍄𐌴 𐌷𐌰𐌱𐌰𐌹𐌳𐌰 𐍄𐌿𐌱𐌰𐌹𐍂𐌺𐌰𐌿𐌻𐍉𐍃𐌹𐍃.

𐌿𐍄𐌰𐌲𐌰𐍅𐌹𐍃𐍃𐌴𐌹𐍃[𐌹𐌽𐌼𐌰𐌹𐌳𐌴𐌹]

Jewish Virtual Library - 𐌻𐌹𐌱𐌰𐌹𐌽𐌹𐌼𐌴𐌻𐌴𐌹𐌽𐍃 (𐌰𐌲𐌲𐌹𐌻𐌹𐍃𐌺𐌰𐌹 𐍂𐌰𐌶𐌳𐌰𐌹)