𐌰𐌸𐌰𐌽𐌰𐍂𐌴𐌹𐌺𐍃
𐌰𐌸𐌰𐌽𐌰𐍂𐌴𐌹𐌺𐍃 (? - •𐍄𐍀𐌰•) 𐍅𐌰𐍃 𐌸𐌹𐌿𐌳𐌰𐌽𐍃 𐍄𐍂𐌹𐍅𐌹𐌲𐌲𐌴 𐍆𐍂𐌰𐌼 𐌾𐌴𐍂𐌰 •𐍄𐌾𐌴• 𐌾𐌰𐌷 𐍆𐍂𐌿𐌼𐌹𐍃𐍄𐌰 𐌸𐌹𐌿𐌳𐌰𐌽𐍃 𐍅𐌹𐍃𐌹𐌲𐌿𐍄𐌰𐌽𐌴. 𐌰𐌸𐌰𐌽𐌰𐍂𐌴𐌹𐌺𐍃 𐌱𐌰𐌻𐌸𐌹𐌲𐌲𐍃 𐍅𐌰𐍃.
𐌻𐌹𐌱𐌰𐌹𐌽𐍃
[𐌹𐌽𐌼𐌰𐌹𐌳𐌾𐌰𐌽]
𐌰𐌸𐌰𐌽𐌰𐍂𐌴𐌹𐌺𐍃 𐌰𐍄𐌰𐌿𐌲𐌹𐌳𐌰 𐍃𐌹𐌺 𐌹̈𐌽 𐍃𐍀𐌹𐌻𐌻𐌰 𐌲𐌰𐌼𐌴𐌻𐌹𐌳𐌰𐌼𐌼𐌰 𐌹̈𐌽 ·𐍄𐌾𐌸· 𐌸𐌰𐌽 𐌹̈𐌳𐌳𐌾𐌰 𐍃𐍄𐌹𐌲𐌵𐌰𐌽 𐍅𐌹𐌸𐍂𐌰 𐌱𐌰𐌻𐌰𐌹𐌽𐍃, 𐌺𐌰𐌹𐍃𐌰𐍂 𐍂𐌿𐌼𐍉𐌽𐌴 𐌾𐌰𐌷 𐌲𐌰𐌵𐌰𐌸 𐌰𐌽𐌰 𐌰𐌹𐌸𐌰 𐍆𐍂𐌹𐌸𐌰𐌿𐍃 𐌲𐌰𐌱𐌰𐌿𐍂𐌾𐍉𐌽𐌳𐌰 𐌸𐌹𐌿𐌳𐌰𐌹 𐍃𐌴𐌹𐌽𐌰𐌹. 𐌹̈𐌽 𐌸𐌹𐌿𐌳𐌹𐌽𐌰𐍃𐍃𐌰𐌿 𐌹̈𐍃, 𐌼𐌰𐌽𐌰𐌲𐌰𐌹 𐍄𐍂𐌹𐍅𐌹𐌲𐌲𐍉𐍃 𐌲𐌰𐍅𐌰𐌽𐌳𐌹𐌳𐌴𐌳𐌿𐌽 𐌳𐌿 𐍇𐍂𐌹𐍃𐍄𐌾𐌰𐌽𐌴𐌹𐌽 𐌰𐍂𐌴𐌹𐌰𐌽𐌹𐍃𐌺𐌰𐌹, 𐌸𐌰𐌽𐌴𐌹 𐌰𐌸𐌰𐌽𐌰𐍂𐌴𐌹𐌺𐍃 𐍅𐍂𐌹𐌺𐌰𐌹𐌳𐌰 𐌷𐌰𐍂𐌳𐌿𐌱𐌰, 𐍆𐌰𐌿𐍂𐌷𐍄𐌾𐌰𐌽𐌳𐍃 𐌸𐌰𐍄𐌴𐌹 𐍇𐍂𐌹𐍃𐍄𐌾𐌰𐌽𐌴𐌹 𐌷𐌰𐌹𐌳𐌿 𐌲𐌿𐍄𐌰𐌽𐌴 𐌲𐌰𐍄𐌴𐍂𐌹. 𐌰𐍆𐌰𐍂 𐍃𐍉𐌶𐌰𐌿𐌼𐌰𐌹𐌽𐌿, 𐌼𐌰𐌽𐌰𐌲𐌹𐌶𐌰𐌽𐍃 𐌸𐌰𐌿 ·𐌻· 𐍇𐍂𐌹𐍃𐍄𐌾𐌰𐌽𐌾𐌿𐍃 𐍅𐌴𐍃𐌿𐌽 𐌰𐍆𐌳𐌰𐌿𐌸𐌹𐌳𐌰𐌹 𐍆𐍂𐌰𐌼 𐍅𐍂𐌰𐌺𐌰𐌹 𐌰𐌸𐌰𐌽𐌰𐍂𐌴𐌹𐌺𐌹𐍃 𐌹̈𐌽 𐌾𐌴𐍂𐌰𐌼 ·𐍄𐌿· - ·𐍄𐌿𐌸·.
𐍆𐍂𐌹𐌸𐌿𐌲𐌰𐌹𐍂𐌽𐍃, 𐌷𐌰𐌹𐍆𐍃𐍄𐌾𐌰𐌽𐌳𐍃 𐌰𐌸𐌰𐌽𐌰𐍂𐌴𐌹𐌺𐌹𐍃, 𐌰𐍂𐌴𐌹𐌰𐌽𐌿𐍃 𐍅𐌰𐍃 𐌾𐌰𐌷 𐌰𐌽𐍃𐍄 𐌱𐌰𐌻𐌰𐌹𐌽𐌹𐍃 𐌷𐌰𐌱𐌰𐌹𐌳𐌰, 𐍃𐌰𐌴𐌹 𐌾𐌰𐌷 𐌰𐍂𐌴𐌹𐌰𐌽𐌿𐍃 𐍅𐌰𐍃. 𐌸𐌰𐌿𐌷𐌾𐌰𐌱𐌰𐌹 𐌲𐌰𐌾𐌹𐌿𐌺𐌰𐌹𐌳𐌰 𐍆𐍂𐌹𐌸𐌿𐌲𐌰𐌹𐍂𐌽, 𐍃𐍀𐌴𐌳𐌹𐍃 𐍃𐌹𐌲𐌹𐌶𐍉𐌸𐍃 𐍅𐌰𐍂𐌸 𐍆𐍂𐌰𐌼 𐌷𐌿𐌽𐌰𐌼 𐌼𐌹𐌸 𐌷𐌰𐍂𐌾𐌰𐍆𐌰𐌳𐌹𐌼 𐍃𐌴𐌹𐌽𐌰𐌹𐌼, 𐌼𐌿𐌽𐌳𐌰𐍂𐌴𐌹𐌺𐍃 𐌾𐌰𐌷 𐌻𐌰𐌲𐌰𐍂𐌹𐌼𐌰𐌽𐌿𐍃. 𐌸𐌻𐌹𐌿𐌷𐌰𐌽𐌳𐍃 𐌷𐌰𐌿𐌷𐌰𐌻𐌰𐌽𐌳𐌰 𐌹̈𐌽 𐌷𐌰𐍂𐌱𐌰𐌳𐌰𐌱𐌰𐌹𐍂𐌲𐌰𐌼, 𐌰𐌸𐌰𐌽𐌰𐍂𐌴𐌹𐌺𐍃 𐌹̈𐌽𐌽𐌹𐌼𐌰𐌽𐌳𐍃 𐍅𐌰𐍂𐌸 𐍆𐍂𐌰𐌼 𐌸𐌰𐌹𐌰𐌿𐌳𐌰𐌿𐍃𐌹𐌰𐌿 ·𐌰· 𐌹̈𐌽 𐌺𐌿𐍃𐍄𐌰𐌽𐍄𐌴𐌹𐌽𐌰𐌿𐍀𐌰𐌿𐌻𐌴𐌹𐌽 𐌹̈𐌽 ·𐍄𐌿𐌰·, 𐌸𐌰𐍂𐌴𐌹 𐌿𐍆𐌼𐌴𐌻𐌹𐌳𐌰 𐌰𐌹𐌸 𐍆𐍂𐌹𐌾𐍉𐌽𐌳𐌹𐌽𐌰𐍃𐍃𐌰𐌿𐍃 𐌼𐌹𐌸 𐍂𐌴𐌹𐌺𐌾𐌰 𐍂𐌿𐌼𐍉𐌽𐌴.