𐍃𐍅𐌽𐌰𐌲𐍉𐌲𐌴

Swnagoge in baúrg Oni, Gaiorgia

𐍃𐍅𐌽𐌰𐌲𐍉𐌲𐌴 𐌲𐌿𐌳𐌷𐌿𐍃 𐌹𐌿𐌳𐌰𐌹𐌴 𐌹𐍃𐍄. 𐍅𐌰𐌿𐍂𐌳 '𐍃𐍅𐌽𐌰𐌲𐍉𐌲𐌴' 𐍆𐍂𐌰𐌼 𐌺𐍂𐌴𐌺𐌹𐍃𐌺𐌰𐌹 𐍂𐌰𐌶𐌳𐌰𐌹 𐌵𐌹𐌼𐌹𐌸 𐌾𐌰𐌷 𐌲𐌰𐍃𐌺𐌴𐌹𐍂𐌹𐌸 𐌹𐍃𐍄 𐌲𐌰𐌵𐌿𐌼𐌸𐍃. 𐌹𐌽 𐌷𐌰𐌹𐌱𐍂𐌰𐌹𐍅𐌹𐍃𐌺𐌰𐍂𐌰𐌶𐌳𐌰𐌹 𐍅𐌰𐌿𐍂𐌳𐌹𐍃 בית כנסת (𐌱𐌰𐌴𐌹𐍄 𐌺𐌽𐌰𐌹𐍃𐌰𐌹𐍄), 𐌸𐌰𐍄𐌴𐌹 𐌲𐌰𐍃𐌺𐌴𐌹𐍂𐌴𐌹𐌸 𐌹𐍃𐍄 '𐌲𐌰𐍂𐌳𐍃 𐌲𐌰𐌵𐌿𐌼𐌸𐌰𐌹𐍃' 𐌱𐍂𐌿𐌺𐌾𐌰𐌳𐌰.

𐌹𐌿𐌳𐌰𐌹𐌴𐌹𐍃 𐌸𐍉𐌴𐌹 𐍃𐌹𐌽𐌳 𐌰𐌿𐍂𐍄𐍉𐌳𐌰𐌿𐌺𐍃𐌰 𐌾𐌰𐌷 𐍇𐌰𐍃𐌴𐌹𐌳𐌴𐌹𐌼 𐌱𐍂𐌿𐌺𐌾𐌰𐌽𐌳 𐍅𐌰ú𐍂𐌳𐌹𐍃 '𐍃𐌾𐌿𐌻', 𐌸𐌰𐍄𐌴𐌹 𐍅𐌰𐌿𐍂𐌳 𐍆𐍂𐌰𐌼 𐌾𐌹𐌳𐌹𐍃𐌺𐌰𐍂𐌰𐌶𐌳𐌰𐌹 𐌹𐍃𐍄. 𐍅𐌿𐌻𐌸𐍂𐌴𐌹𐌽𐍃 𐌰𐌻𐌷𐍃 𐌱𐌹 𐍄𐍂𐌰𐌳𐌴𐌹𐍄𐍃𐌾𐍉𐌽𐌰𐌻𐌰𐌹 𐌹𐌿𐌳𐌰𐌹𐌴𐌹𐍃 𐌹𐌽 𐌰𐌽𐌳𐍅𐌰𐌹𐍂𐌸𐌰𐌹𐌼 𐌲𐌿𐌳𐌷𐌿𐌶𐌰𐌼 𐌽𐌹𐍃𐍄, 𐌹𐌽 𐌸𐌹𐍃 𐌹𐌿𐌳𐌰𐌹𐌴𐌹𐍃 𐌸𐍉𐌴𐌹 𐌷𐌿𐌲𐌾𐌰𐌽𐌳 𐌸𐌰𐍄𐌴𐌹 𐍆𐌰𐌹𐍂𐌽𐌾𐍉𐍃 𐍅𐌰𐌹𐌷𐍄𐌹𐌽𐍃 𐍅𐌿𐌻𐌸𐍂𐍉𐍃 𐍃𐌹𐌽𐌳, 𐌽𐌹 𐍆𐍂𐌹𐌾𐍉𐌽𐌳 𐌸𐌰𐍄𐌰 𐍅𐌰𐌿𐍂𐌳 '𐌰𐌻𐌷𐍃'.

𐌱𐍂𐌿𐌺𐌴𐌹𐌽𐍉𐍃

𐍃𐍅𐌽𐌰𐌲𐍉𐌲𐌴 𐌲𐌿𐌳𐌷𐌿𐍃 𐌹𐍃𐍄 𐌸𐌰𐍂𐌴𐌹 𐌱𐌹𐌳𐌾𐌰𐌽 𐌼𐌰𐌷𐍄𐍃 𐌹𐍃𐍄. 𐍃𐌹𐌽𐍄𐌴𐌹𐌽𐍉 𐌱𐌹𐌳𐍉𐍃 𐌹𐌽 𐌰𐌻𐌻𐌰𐌹𐌼 𐍃𐍄𐌰𐌳𐌹𐌼 𐌼𐌰𐌷𐍄𐍃 𐌹𐍃𐍄, 𐌹𐌸 𐌱𐌹𐌳𐍉𐍃 𐍃𐌿𐌼𐍉𐍃 𐌸𐌰𐍄𐌰𐌹𐌽𐌴𐌹 𐌱𐌹 𐌼𐌹𐌹𐌰𐌽 (10 𐌼𐌰𐌽𐍃) 𐌼𐌰𐌷𐍄𐍃 𐌹𐍃𐍄.

𐌹𐌽 𐍃𐍅𐌽𐌰𐌲𐍉𐌲𐌴 𐌾𐌰𐌷 𐌲𐌰𐍂𐌳𐍃 𐌻𐌰𐌹𐍃𐌴𐌹𐌽𐌰𐌹𐍃 ï𐍃𐍄, 𐍃𐌰𐌴𐌹 𐌹𐌽 𐌷𐌰𐌹𐌱𐍂𐌰𐌹𐍅𐌹𐍃𐌺𐌰𐍂𐌰𐌶𐌳𐌰𐌹 (𐌱𐌰𐌴𐌹𐍄 𐌼𐌴𐌹𐌳𐍂𐌰𐍃𐌾) 𐌷𐌰𐌹𐍄𐌰𐌽𐍃. 𐌱𐍉𐌺𐍉𐍃 𐌹𐌽 𐍃𐍅𐌽𐌰𐌲𐍉𐌲𐌴 𐌻𐌰𐌹𐍃𐌽𐌰𐌽𐌳. 𐍃𐍅𐌽𐌰𐌲𐍉𐌲𐌴 𐌷𐌰𐌱𐌰𐌹𐌸 𐌱𐍉𐌺𐌰𐌷𐌿𐍃 𐌼𐌹𐌸 𐍆𐌹𐌻𐌿 𐌱𐍉𐌺𐍉𐌼, 𐌸𐌰𐌹𐌼𐌴𐌹 𐌲𐌰𐌳𐌰𐌹𐌻𐌰𐌽𐍃 𐌲𐌰𐌼𐌰𐌹𐌽𐌳𐌿𐌸𐌰𐌹𐍃 𐌼𐌰𐌲𐌿𐌽 𐌻𐌰𐌹𐍃𐌾𐌰𐌽. 𐍃𐍉 𐌾𐌰𐌷 𐍃𐍄𐌰𐌸𐍃 ï𐍃𐍄, 𐌸𐌰𐍂𐌴𐌹 𐌱𐌰𐍂𐌽𐌰 𐌲𐌰𐌽𐌹𐌼𐌰𐌽𐌳 𐌻𐌰𐌹𐍃𐌴𐌹𐌽 𐌹𐌽 𐌲𐌰𐌻𐌰𐌿𐌱𐌴𐌹𐌽𐌰𐌹.

𐌿𐍆𐌰𐍂 𐌰𐌻𐌻𐌰𐌹𐌼 𐌰𐌽𐌸𐌰𐍂𐌰𐌹𐌼 𐍅𐌰𐌹𐌷𐍄𐌹𐌼 𐍃𐍅𐌽𐌰𐌲𐍉𐌲𐌴 𐌼𐌹𐌸𐌼𐌰𐌽𐌽𐌹𐍃𐌺𐍃 𐍃𐍄𐌰𐌸𐍃 𐌹𐍃𐍄 𐍄𐌰𐌿𐌾𐌰𐌽 𐌾𐌰𐌷 𐌲𐌰𐌻𐌰𐌿𐌱𐌴𐌹𐌽𐌰𐌹 𐌾𐌰𐌷 𐌽𐌹 𐌲𐌰𐌻𐌰𐌿𐌱𐌴𐌹𐌽𐌰𐌹 𐍅𐌰𐌹𐌷𐍄𐌹𐌽𐍃. 𐍃𐍅𐌽𐌰𐌲𐍉𐌲𐌴 𐌲𐌰𐍂𐌳𐍃 𐌹𐍃𐍄, 𐌸𐌰𐍂𐌴𐌹 𐌲𐌰𐍅𐌰𐌿𐍂𐌳𐌾𐌰 𐌱𐌹 𐍅𐌰𐌹𐌷𐍄𐌹𐌽𐍃 𐌸𐍉𐌶𐌴𐌹 𐍅𐌿𐌻𐌸𐍂𐍉𐍃 𐌳𐌿 𐌲𐌰𐌼𐌰𐌹𐌽𐌳𐌿𐌸𐌰𐌹 𐍃𐌹𐌽𐌳 𐌼𐌰𐌷𐍄𐍃 𐍃𐌹𐌽𐌳.

𐌹𐌽 𐍃𐍅𐌽𐌰𐌲𐍉𐌲𐌴 𐌾𐌰𐌷 𐌷𐌿𐌶𐌳𐌾𐌰𐌽 𐍆𐌰𐌹𐌷𐌿 𐌲𐌰𐌷𐌹𐌻𐍀𐌰𐌽 𐌰𐌻𐌰𐌸𐌰𐍂𐌱𐍉𐍃 𐌼𐌹𐌸 𐍆𐌰𐌹𐌷𐌰𐌿.

𐌲𐌿𐌼𐌰𐌽𐍃 𐌾𐌰𐌷 𐌵𐌹𐌽𐍉𐌽𐍃

𐌹𐌽 𐌰𐌿𐍂𐍄𐍉𐌳𐌰𐌿𐌺𐍃𐌰𐌹𐌼 𐍃𐍅𐌽𐌰𐌲𐍉𐌲𐌴𐌹𐌽, 𐌲𐌿𐌼𐌰𐌽𐍃 𐌾𐌰𐌷 𐌵𐌹𐌽𐍉𐌽𐍃 𐌰𐌹𐌽𐌰 𐍃𐌹𐍄𐌰𐌽𐌳.