𐌰𐌹𐍃𐍀𐌰𐌹𐍂𐌰𐌽𐍄𐍉

𐌰𐌹𐍃𐍀𐌰𐌹𐍂𐌰𐌽𐍄𐍉
𐍃𐌺𐌰𐍀𐌾𐌰𐌽𐌳𐍃:	𐌻. 𐌻. 𐌶𐌰𐌼𐌰𐌹𐌽𐌷𐌰𐌿𐍆
𐍂𐌰𐌸𐌾𐍉 𐍂𐍉𐌳𐌾𐌰𐌽𐌳𐌴:	𐍃𐌿𐌼𐍉𐍃 𐌸𐌿𐍃𐌿𐌽𐌳𐌾𐍉𐍃 𐌼𐍉𐌳𐌰𐍂𐍂𐍉𐌳𐌾𐌰𐌽𐌳𐍃, 500.000 𐌿𐌽𐌳 2 𐌼𐌹𐌻𐌻𐌾𐍉𐌽𐍃 𐌰𐌽𐌸𐌰𐍂𐌰𐍂𐍉𐌳𐌾𐌰𐌽𐌳𐍃
𐍂𐌰𐌶𐌳𐌰𐌲𐌰𐍂𐌳𐍃:	{{{𐍂𐌰𐌶𐌳𐌰𐌲𐌰𐍂𐌳𐍃}}} 𐌰𐌹𐍃𐍀𐌰𐌹𐍂𐌰𐌽𐍄𐍉
𐍂𐌰𐌶𐌳𐌰𐌼𐌰𐌿𐍂𐌲𐍅𐌰𐍄𐌰𐌹𐌺𐌽𐍃
ISO 639-1:	eo
ISO 639-2:	epo
ISO 639-3:	epo

𐍄𐌰𐌹𐌺𐌽𐌰
𐌰𐌹𐍃𐍀𐌰𐌹𐍂𐌰𐌽𐍄𐍉 𐍆𐌰𐌽𐌰	𐌰𐌹𐍃𐍀𐌰𐌹𐍂𐌰𐌽𐍄𐍉 𐍄𐌰𐌹𐌺𐌽

𐌰𐌹𐍃𐍀𐌰𐌹𐍂𐌰𐌽𐍄𐍉 𐌹𐍃𐍄 𐍂𐌰𐌶𐌳𐌰 𐍃𐍉𐌴𐌹 𐍃𐌺𐌰𐍀𐌰𐌽𐌰 𐍅𐌰𐍃 𐍆𐍂𐌰𐌼 𐌻. 𐌻. 𐌶𐌰𐌼𐌰𐌹𐌽𐌷𐌰𐌿𐍆. 𐍃𐍉 𐌹𐍃𐍄 𐍃𐍉 𐌼𐌰𐌹𐍃𐍄𐍉 𐍂𐍉𐌳𐌹𐌳𐌰 𐍂𐌰𐌶𐌳𐌰 𐍂𐌰𐌶𐌳𐍉 𐌸𐍉𐌶𐌴𐌹 𐍃𐌺𐌰𐍀𐌰𐌽𐍉𐍃 𐍃𐌹𐌽𐌳 𐍆𐍂𐌰𐌼 𐌼𐌰𐌽𐌽𐌰𐌼. 𐌶𐌰𐌼𐌰𐌹𐌽𐌷𐌰𐌿𐍆 𐍃𐌺𐍉𐍀 𐌸𐍉 𐍂𐌰𐌶𐌳𐌰, 𐌿𐌽𐍄𐌴 𐍅𐌴𐍃𐌿𐌽 𐌼𐌰𐌽𐌰𐌲𐌰 𐌸𐍂𐌴𐌹𐌷𐍃𐌻𐌰 𐌼𐌹𐌸 𐌼𐌰𐌽𐌽𐌰𐌼, 𐌸𐌰𐌷𐍄𐌰 𐌴𐌹 𐍅𐌴𐍃𐌹 𐌹𐌽 𐌿𐌽𐍅𐌹𐍄𐌹𐌽𐍃 𐌼𐌹𐌸 𐌼𐌰𐌽𐌽𐌰𐌼 𐌹𐌽 𐌼𐌹𐍃𐍃𐌰𐌻𐌴𐌹𐌺𐌰𐌹𐌶𐍉 𐍂𐌰𐌶𐌳𐍉 𐌸𐍉𐌶𐌴𐌹 𐍂𐍉𐌳𐌹𐌳𐌴𐌳𐌿𐌽.

𐌰𐌽𐌰𐍃𐍄𐍉𐌳𐌴𐌹𐌽𐍃

𐌶𐌰𐌼𐌰𐌹𐌽𐌷𐌰𐌿𐍆 𐌱𐌰𐌿𐌰𐌹𐌳𐌰 𐌹𐌽 𐍂𐌿𐍃𐌰𐌻𐌰𐌽𐌳𐌰 𐌹𐌽 𐍃𐍄𐌰𐌳𐌰 𐌱𐌾𐌰𐌻𐌹𐍃𐍄𐌰𐌿𐌺, 𐌸𐌰𐍄𐌰 𐌹𐍃𐍄 𐌹𐌽 𐍀𐌰𐌿𐌻𐌰𐌻𐌰𐌽𐌳𐌰 𐌷𐌹𐌼𐌼𐌰 𐌳𐌰𐌲𐌰. 𐌹𐍃 𐍃𐌺𐍉𐍀 𐌰𐌹𐍃𐍀𐌰𐌹𐍂𐌰𐌽𐍄𐍉𐌽 𐌹𐌽 𐌾𐌴𐍂𐌰𐌼 1870-1880. 𐌲𐌰𐍃𐌺𐌴𐌹𐍂𐌹𐌳𐌰 𐌲𐌰𐌼𐌴𐌻𐌴𐌹𐌽𐌹𐌽𐍃 𐌹𐌽 𐌸𐌹𐌶𐌰𐌹 𐍂𐌰𐌶𐌳𐌰𐌹 𐌾𐌰𐌷 𐌼𐌴𐌻𐌹𐌳𐌿𐌷 𐍃𐌹𐌻𐌱𐌰 𐌲𐌰𐌼𐌴𐌻𐌴𐌹𐌽𐌹𐌽𐍃 𐌹𐌽 𐌸𐌹𐌶𐌰𐌹 𐍂𐌰𐌶𐌳𐌰𐌹. 𐌹𐌽 𐌹𐌿𐌻𐌹𐌰𐌹 1887 𐌿𐍃𐌼𐌴𐍂𐌹𐌳𐌰 𐍆𐍂𐌿𐌼𐌹𐍃𐍄𐍉𐍃 𐌱𐍉𐌺𐍉𐍃 𐌼𐌹𐌸 𐌼𐌰𐌸𐌻𐌰𐌺𐌿𐌽𐌸𐌾𐌰 (𐌲𐍂𐌰𐌼𐌰𐍄𐌹𐌺𐌰𐌹) 𐌰𐌹𐍃𐍀𐌰𐌹𐍂𐌰𐌽𐍄𐍉𐌽𐍃 𐌹𐌽 𐍅𐌰𐍂𐍃𐍉𐍅𐌰𐌹. 𐌶𐌰𐌼𐌰𐌹𐌽𐌷𐌰𐌿𐍆 𐌹𐌽 𐍆𐍂𐌿𐌼𐌹𐍃𐍄𐌰𐌹𐌼 𐌱𐍉𐌺𐍉𐌼 𐌰𐌽𐌰𐌽𐌰𐌼𐌽𐌹𐌳𐌰 "𐌳𐌰𐌿𐌺𐍄𐌰𐌿𐍂 𐌰𐌹𐍃𐍀𐌰𐌹𐍂𐌰𐌽𐍄𐍉". 𐌼𐌰𐌽𐍃 𐌸𐌰𐌹𐌴𐌹 𐌼𐌰𐌷𐍄𐌴𐌳𐌿𐌽 𐍂𐍉𐌳𐌾𐌰𐌽 𐌾𐌰𐌷 𐌼𐌴𐌻𐌾𐌰𐌽 𐌰𐌹𐍃𐍀𐌰𐌹𐍂𐌰𐌽𐍄𐍉𐌽 𐌰𐌹𐌰𐌿𐌺𐌽𐌿𐌽, 𐌱𐌹 𐍆𐍂𐌿𐌼𐌹𐍃𐍄𐌹𐌽 𐌹𐌽 𐍂𐌿𐍃𐌰𐌻𐌰𐌽𐌳𐌰 𐌾𐌰𐌷 𐌰𐌿𐍃𐍄𐍂𐌰-𐌰𐌹𐍅𐍂𐍉𐍀𐌰𐌹, 𐌱𐌹𐌸𐌴 𐌾𐌰𐌷 𐌹𐌽 𐍅𐌹𐍃𐍄𐍂𐌰-𐌰𐌹𐍅𐍂𐍉𐍀𐌰𐌹, 𐌰𐌼𐌰𐌹𐍂𐌹𐌺𐌰𐌹, 𐍃𐌹𐌽𐌰𐌹 𐌾𐌰𐌷 𐌾𐌰𐍀𐌰𐌽𐌰. 𐌹𐌽 𐍆𐍂𐌿𐌼𐌹𐍃𐍄𐌰𐌹𐌼 𐌾𐌴𐍂𐌰𐌼 𐌼𐌰𐌽𐍃 𐌱𐍂𐌿𐌷𐍄𐌴𐌳𐌿𐌽 𐌰𐌹𐍃𐍀𐌰𐌹𐍂𐌰𐌽𐍄𐍉𐌽𐍃 𐌸𐌰𐌹𐍂𐌷 𐌰𐌹𐍀𐌹𐍃𐍄𐌿𐌻𐌰𐌽𐍃 𐌾𐌰𐌷 𐍃𐍀𐌹𐌻𐌻𐌰𐌱𐍉𐌺𐍉𐍃, 𐌹𐌸 𐌹𐌽 𐌾𐌴𐍂𐌰 1905 𐍃𐍉 𐍆𐍂𐌿𐌼𐌹𐍃𐍄𐍉 𐌼𐌹𐌳𐌾𐌿𐌽𐌲𐌰𐍂𐌳𐌹𐌲𐌰𐌵𐌿𐌼𐌸𐍃 𐌰𐌹𐍃𐍀𐌰𐌹𐍂𐌰𐌽𐍄𐌰𐍂𐍉𐌳𐌾𐌰𐌽𐌳𐌰𐌽𐌴 𐍅𐌰𐍂𐌸 𐌹𐌽 𐌱𐌿𐌻𐌰𐌿𐌽𐌾𐌰𐌹-𐍃𐍅𐍂-𐌼𐌰𐌹𐍂, 𐍆𐍂𐌰𐌲𐌺𐌰𐌻𐌰𐌽𐌳𐌰. 𐍆𐍂𐌰𐌼 𐌸𐌰𐌼𐌼𐌰 𐌼𐌴𐌻𐌰 𐌼𐌹𐌳𐌾𐌿𐌽𐌲𐌰𐍂𐌳𐌹𐌲𐌰𐌵𐌿𐌼𐌸𐌴𐌹𐍃 𐍅𐌰𐌿𐍂𐌸𐌿𐌽 𐌹𐌽 𐍃𐍄𐌰𐌳𐌹𐌼 𐌼𐌹𐍃𐍃𐌰𐌻𐌴𐌹𐌺𐌰𐌹𐌼 𐌹𐌽 𐌼𐌹𐌳𐌾𐌿𐌽𐌲𐌰𐍂𐌳𐌰 𐍈𐌰𐍂𐌾𐌰𐍄𐍉𐌷 𐌾𐌴𐍂, 𐌰𐌻𐌾𐌰 𐌰𐌽𐌸𐌰𐍂𐌰𐌼𐌼𐌰 𐍆𐌰𐌹𐍂𐍈𐌿𐌳𐍂𐌰𐌿𐌷𐍄𐌹𐌽𐌰𐍃𐍃𐌰𐌿. 𐍆𐍂𐌰𐌼 𐌰𐌽𐌸𐌰𐍂𐌰𐌼𐌼𐌰 𐍆𐌰𐌹𐍂𐍈𐌿𐌳𐍂𐌰𐌿𐌷𐍄𐌹𐌽𐌰𐍃𐍃𐌰𐌿 2000 𐌿𐌽𐌳 6000 𐌼𐌰𐌽𐍃 𐍅𐌴𐍃𐌿𐌽 𐌹𐌽 𐌼𐌹𐌳𐌾𐌿𐌽𐌲𐌰𐍂𐌳𐌹𐌲𐌰𐌵𐌿𐌼𐌸𐌹𐌼.