𐌹𐌴𐍃𐌿𐍃 𐍇𐍂𐌹𐍃𐍄𐌿𐍃

𐍆𐍂𐌰𐌼 Wikipedia
Jump to navigation Jump to search
𐍇𐍂𐌹𐍃𐍄𐌿𐍃 𐍀𐌰𐌽𐍄𐌰𐌿𐌺𐍂𐌰𐌹𐍄𐍉𐍂 (1130)

𐌹𐌴𐍃𐌿𐍃 𐍇𐍂𐌹𐍃𐍄𐌿𐍃 (𐌺𐍂𐌴𐌺𐌰𐍂𐌰𐌶𐌳𐌰: Ιησους Χριστος), 𐌰𐌹𐌸𐌸𐌰𐌿 𐌹𐌴𐍃𐌿𐍃 𐌽𐌰𐌶𐌰𐍂𐌰𐌹𐌸 (𐌺𐍂𐌴𐌺𐌰𐍂𐌰𐌶𐌳𐌰: Ιησούς από Ναζαρέτ) 𐍅𐌰𐍃 𐌹𐌿𐌳𐌰𐌹𐍅𐌹𐍃𐌺𐌰 𐌼𐌴𐍂𐌾𐌰𐌽𐌳𐍃 𐍆𐍂𐌿𐌼𐌹𐍃𐍄𐌹𐍃 𐌾𐌴𐍂𐌰𐌷𐌿𐌽𐌳𐌹𐍃. 𐌹𐌽 𐍇𐍂𐌹𐍃𐍄𐍅𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹 𐌹𐍃𐍄 𐌹𐌴𐍃𐌿𐍃 𐌲𐌿𐌸 𐍃𐌰 𐍃𐌿𐌽𐌿𐍃. 𐌹𐌴𐍃𐌿𐍃 𐍅𐌰𐍃 𐌹𐌿𐌳𐌰𐌹𐌿𐍃 𐌿𐍃 𐌲𐌰𐌻𐌴𐌹𐌻𐌰𐌹𐌰𐌿 𐌾𐌰𐌷 𐌳𐌰𐌿𐍀𐌹𐌸𐍃 𐍅𐌰𐍂𐌸 𐍆𐍂𐌰𐌼 𐌹𐍉𐌷𐌰𐌽𐌽𐌴. 𐌳𐌿𐌷𐌲𐌰𐌽𐌽 𐌸𐌰𐌽 𐍃𐍅𐌴𐌰 𐌻𐌰𐌹𐍃𐌴𐌹𐌽 𐌼𐌴𐍂𐌾𐌰𐌽. 𐌹𐌽𐌿𐌷 𐌸𐌹𐍃 𐌻𐌰𐍃 𐍃𐌹𐍀𐍉𐌽𐌾𐌰𐌽𐍃, 𐌸𐌰𐌽𐌶𐌴𐌹 𐌲𐌰𐌾𐌿𐌺𐍉𐌼 𐌻𐌰𐌹𐍃𐌹𐌳𐌰. 𐍆𐍂𐌰𐌷𐌿𐌽𐌸𐌰𐌽𐍃 𐍅𐌰𐍂𐌸 𐍆𐍂𐌰𐌼 𐌰𐌻𐌾𐌰𐌹𐌼 𐌹𐌿𐌳𐌰𐌹𐌹𐌼 𐌾𐌰𐌷 𐌿𐍃𐌷𐍂𐌰𐌼𐌹𐌸𐍃 𐍅𐌰𐍂𐌸 𐍆𐍂𐌰𐌼 𐍀𐌰𐌿𐌽𐍄𐌹𐌰𐌿 𐍀𐌴𐌹𐌻𐌰𐍄𐌰𐌿, 𐍂𐌿𐌼𐍉𐌽𐌹𐍃𐌺𐌰𐌼𐌼𐌰 𐌺𐌹𐌽𐌳𐌹𐌽𐌰. 𐌰𐍆𐌰𐍂 𐌳𐌰𐌿𐌸𐌰𐌿𐍃, 𐍃𐌹𐍀𐍉𐌽𐌾𐍉𐍃 𐍃𐌴𐌹𐌽𐌰𐌹 𐌲𐌰𐌻𐌰𐌿𐌱𐌹𐌳𐌴𐌳𐌿𐌽 𐌴𐌹 𐌹𐌴𐍃𐌿𐍃 𐌿𐍃 𐌳𐌰𐌿𐌸𐌰𐌿𐍃 𐌿𐍂𐍂𐌰𐌹𐍃𐌹𐌳𐌰.

𐌹𐌽 𐍇𐍂𐌹𐍃𐍄𐍅𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹 𐌹𐌴𐍃𐌿𐍃 𐌲𐌰𐌱𐌰𐌿𐍂𐌰𐌽𐍃 𐍅𐌰𐍂𐌸 𐍆𐍂𐌰𐌼 𐌸𐌹𐌶𐌰𐌹 𐌼𐌰𐌲𐌰𐌸𐌰𐌹 𐌼𐌰𐍂𐌹𐌰𐌼 𐌸𐌰𐌹𐍂𐌷 𐌰𐌷𐌼𐌰 𐌸𐌰𐌽𐌰 𐍅𐌴𐌹𐌷𐌽𐌰. 𐌰𐍄𐌲𐌰𐍆 𐍃𐌹𐌺 𐍃𐌹𐌻𐌱𐌰𐌽 𐌷𐌿𐌽𐍃𐌻 𐌾𐌰𐌷 𐍃𐌰𐌿𐌸 𐌲𐌿𐌳𐌰 𐌴𐌹 𐍆𐍂𐌰𐌿𐍅𐌰𐌿𐍂𐌷𐍄𐌰𐌽𐍃 𐌽𐌰𐍃𐌾𐌰𐌹. 𐌿𐍂𐍂𐌰𐌹𐍃𐌹𐌳𐌰 𐌿𐍃 𐌳𐌰𐌿𐌸𐌰𐌿𐍃, 𐌲𐌰𐌻𐌰𐌹𐌸 𐌹𐌽 𐌷𐌹𐌼𐌹𐌽, 𐌾𐌰𐌷 𐌰𐍄𐍅𐌰𐌽𐌳𐌴𐌹𐌸 𐍃𐌹𐌺. 𐌼𐌰𐌽𐌰𐌲𐌰𐌹 𐌱𐌻𐍉𐍄𐌾𐌰𐌽𐌳 𐌹𐌴𐍃𐌿 𐍃𐍅𐌴 𐌲𐌿𐌸, 𐍃𐌰𐌴𐌹 𐌻𐌴𐌹𐌺 𐍅𐌰𐍂𐌸; 𐌰𐌽𐌸𐌰𐍂 𐌸𐍂𐌹𐌾𐌴 𐍃𐌹𐌿𐌽𐌴 𐌲𐌿𐌳𐌹𐍃.

𐌹𐌽 𐌹𐍃𐌻𐌰𐌼𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹 𐌹𐌴𐍃𐌿𐍃 𐍀𐍂𐌰𐌿𐍆𐌴𐍄𐌿𐍃 𐌲𐌿𐌳𐌹𐍃 𐌹𐍃𐍄. 𐌲𐌰𐌷𐌻𐌰𐌿𐌱𐌾𐌰𐌳𐌰 𐌴𐌹 𐍅𐌰𐍂𐌸 𐌾𐌰𐌷 𐍆𐍂𐌰𐌼 𐌼𐌰𐌲𐌰𐌸𐌰𐌹 𐌲𐌰𐌱𐌰𐌿𐍂𐌰𐌽𐍃, 𐌹𐌸 𐌽𐌹 𐍅𐌰𐍃 𐍃𐌿𐌽𐌿𐍃 𐌲𐌿𐌳𐌹𐍃. 𐌺𐍉𐍂𐌰𐌿𐌽, 𐌸𐍉𐍃 𐌱𐍉𐌺𐍉𐍃 𐍅𐌴𐌹𐌷𐍉𐌽𐍃 𐌹𐍃𐌻𐌰𐌼𐌰𐌹𐌶𐍉𐍃 𐌲𐌰𐌻𐌰𐌿𐌱𐌴𐌹𐌽𐌰𐌹𐍃, 𐌹𐌽𐍃𐌰𐌺𐌹𐌸 𐌴𐌹 𐌹𐌴𐍃𐌿𐍃 𐍃𐌹𐌻𐌱𐌰 𐌽𐌹 𐌰𐌹𐍅 𐌵𐌰𐌸 𐌴𐌹 𐌲𐌿𐌸 𐍅𐌴𐍃𐌹. 𐌼𐌰𐌽𐌰𐌲𐌰𐌹 𐌲𐌰𐌻𐌰𐌿𐌱𐌾𐌰𐌽𐌳 𐌴𐌹 𐌹𐌴𐍃𐌿𐍃 𐌽𐌹 𐍅𐌰𐍂𐌸 𐌿𐍃𐌷𐍂𐌰𐌼𐌹𐌸𐍃. 𐌰𐌸𐌸𐌰𐌽 𐌽𐌰𐍃𐌹𐌸𐍃 𐍅𐌰𐍂𐌸 𐍆𐍂𐌰𐌼 𐌲𐌿𐌳𐌰 𐌾𐌰𐌷 𐌿𐍂𐍂𐌰𐌹𐍃𐌹𐌸𐍃 𐌹𐌽 𐌷𐌹𐌼𐌹𐌽.

𐌹𐌽 𐌹𐌿𐌳𐌰𐌹𐍅𐌹𐍃𐌺𐌰𐌹 𐌲𐌰𐌻𐌰𐌿𐌱𐌴𐌹𐌽𐌰𐌹 𐌹𐌴𐍃𐌿𐍃 𐌽𐌹𐍃𐍄 𐍇𐍂𐌹𐍃𐍄𐌿𐍃. 𐌲𐌰𐌻𐌰𐌿𐌱𐌾𐌰𐌳𐌰 𐌴𐌹 𐌽𐌹 𐍅𐌰𐍃 𐍀𐍂𐌰𐌿𐍆𐌴𐍄𐌿𐍃 𐌽𐌹𐌷 𐌿𐍂𐍂𐌰𐌹𐍃𐌹𐌸𐍃.

𐌻𐌹𐌱𐌰𐌹𐌽𐍃 𐌹𐌴𐍃𐌿𐌹𐍃 𐍇𐍂𐌹𐍃𐍄𐌰𐌿𐍃 𐌰𐍆𐌰𐍂 𐌰𐌹𐍅𐌰𐌲𐌲𐌴𐌻𐌾𐍉𐌽[𐌹𐌽𐌼𐌰𐌹𐌳𐌴𐌹]

𐌰𐍆𐌰𐍂 𐌰𐌹𐍅𐌰𐌲𐌲𐌴𐌻𐌾𐍉𐌽, 𐌹𐌴𐍃𐌿𐍃 𐍇𐍂𐌹𐍃𐍄𐌿𐍃 𐌲𐌰𐌱𐌰𐌿𐍂𐌰𐌽𐍃 𐍅𐌰𐍂𐌸 𐌹𐌽 𐌱𐌴𐌸𐌻𐌰𐌹𐌷𐌰𐌹𐌼. 𐌹𐍃 𐌰𐌹𐍅𐌰𐌲𐌲𐌴𐌻𐌹𐌳𐌰 𐌲𐌰𐌷 𐌲𐌰𐍄𐌰𐍅𐌹𐌳𐌰 𐍄𐌰𐌹𐌺𐌽𐌹𐌽𐍃. 𐌿𐍃𐌷𐍂𐌰𐌼𐌹𐌸𐍃 𐍅𐌰𐍂𐌸 𐌹𐌽 𐌹𐌰𐌹𐍂𐌿𐍃𐌰𐌿𐌻𐍅𐌼𐌰𐌹. 𐌸𐍉𐍃 𐍆𐌹𐌳𐍅𐍉𐍂 𐌰𐌹𐍅𐌰𐌲𐌲𐌴𐌻𐌾𐍉𐍃 (𐌸𐌰𐌹𐍂𐌷 𐌼𐌰𐍄𐌸𐌹𐌰𐌿, 𐌼𐌰𐍂𐌺𐌿, 𐌾𐌰𐌷 𐌹𐍉𐌷𐌰𐌽𐌽𐌴) 𐍃𐌹𐌽𐌳 𐌸𐌰𐌹 𐌷𐌰𐌿𐌱𐌹𐌳𐌰𐌱𐍂𐌿𐌽𐌽𐌰𐌽𐍃 𐌻𐌹𐌱𐌰𐌹𐌽𐌰𐌹𐍃 𐌾𐌰𐌷 𐌻𐌰𐌹𐍃𐌴𐌹𐌽𐌰𐌹𐍃 𐌹𐌴𐍃𐌿𐌹𐍃, 𐌹𐌸 𐌽𐌹 𐍈𐌰𐍂𐌾𐍉𐌷 𐌰𐌹𐍅𐌰𐌲𐌲𐌴𐌻𐌾𐍉𐌽𐍉 𐌹𐍃𐍄 𐍃𐌰𐌼𐍉. 𐌹𐌽 𐌰𐌽𐌰𐍃𐍄𐍉𐌳𐌴𐌹𐌽𐌰𐌹 𐌰𐌹𐍅𐌰𐌲𐌲𐌴𐌻𐌾𐍉𐌽𐍃 𐌸𐌰𐌹𐍂𐌷 𐌹𐍉𐌷𐌰𐌽𐌽𐌴 𐌷𐌰𐌹𐍄𐌰𐌳𐌰 𐌹𐌴𐍃𐌿𐍃 𐌸𐌰𐍄𐌰 𐍅𐌰𐌿𐍂𐌳 𐌻𐌴𐌹𐌺 𐍅𐌰𐌿𐍂𐌸𐌰𐌽𐍃, 𐌹𐌽𐌿𐌷 𐌸𐌹𐍃 𐍅𐌰𐍃 𐌹𐌴𐍃𐌿𐍃 𐍃𐌹𐌽𐍄𐌴𐌹𐌽𐍉 𐌼𐌹𐌸 𐌲𐌿𐌳𐌰 𐍆𐍂𐌰𐌼 𐌰𐌽𐌰𐍃𐍄𐍉𐌳𐌴𐌹𐌽𐌰𐌹. 𐌽𐌹 𐌸𐌰𐍄𐌰𐌹𐌽𐌴𐌹 𐍅𐌰𐍃 𐌼𐌰𐌹𐌶𐌰 𐌰𐌻𐌻𐌰𐌹𐌼 𐌼𐌰𐌽𐌽𐌹𐍃𐌺𐌰𐌼𐌼𐌰 𐍀𐍂𐌰𐌿𐍆𐌴𐍄𐌿𐌼, 𐌰𐌺 𐌾𐌰𐌷 𐌼𐌰𐌹𐌶𐌰 𐌰𐌽𐌰𐍅𐌰𐌹𐍂𐌸𐌰𐌼𐌼𐌰 𐍀𐍂𐌰𐌿𐍆𐌴𐍄𐌰𐌿. 𐌽𐌹 𐌸𐌰𐍄𐌰𐌹𐌽𐌴𐌹 𐍂𐍉𐌳𐌴𐌹𐌸 𐌲𐌿𐌳𐌹𐍃 𐍅𐌰𐌿𐍂𐌳𐌰; 𐌹𐍃 𐌹𐍃𐍄 𐌲𐌿𐌳𐌹𐍃 𐍅𐌰𐌿𐍂𐌳𐌰. 𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌹𐍉𐌷𐌰𐌽𐌽𐌴 𐌰𐌽𐌰𐌷𐌿𐌻𐌹𐌸 𐌹𐌴𐍃𐌿𐍃 𐌸𐌰𐍄𐌴𐌹 𐌲𐌿𐌳𐌹𐍃𐌺𐍃 𐌹𐍃𐍄; 𐌹𐍃𐍄 𐌷𐌻𐌰𐌹𐍆𐍃 𐌻𐌰𐌹𐌱𐌰𐌹𐌽𐌰𐌹𐍃, 𐌻𐌹𐌿𐌷𐌰𐌸 𐍆𐌰𐌹𐍂𐍈𐌰𐌿𐍃.

𐌲𐌰𐌱𐌰𐌿𐍂𐌸𐍃[𐌹𐌽𐌼𐌰𐌹𐌳𐌴𐌹]

𐌹𐌴𐍃𐌿𐍃 𐍅𐌰𐍃 𐌹𐌿𐌳𐌰𐌹𐌿𐍃, 𐌲𐌰𐌱𐌰𐌿𐍂𐌰𐌽𐍃 𐍆𐍂𐌰𐌼 𐌼𐌰𐍂𐌹𐌰𐌼, 𐌵𐌴𐌽𐍃 𐌹𐍉𐍃𐌴𐍆𐌹𐍃.

𐌱𐌰𐍂𐌽𐌹𐍃𐌺𐌹[𐌹𐌽𐌼𐌰𐌹𐌳𐌴𐌹]

𐌹𐌴𐍃𐌿𐌹𐍃 𐌲𐌰𐍂𐌳𐍃 𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌻𐌿𐌺𐌰𐌽 𐌾𐌰𐌷 𐌼𐌰𐍄𐌸𐌹𐌰𐌿 𐌹𐍃𐍄 𐌱𐌰𐌿𐍂𐌲𐍃 𐌽𐌰𐌶𐌰𐍂𐌰𐌹𐌸 𐌹𐌽 𐌲𐌰𐌻𐌴𐌹𐌻𐌹𐌰𐌿, 𐌸𐌰𐍂𐌴𐌹 𐌱𐌰𐌿𐌹𐌳𐌰 𐌼𐌹𐌸 𐍆𐌰𐌳𐍂𐌴𐌹𐌽𐌰𐌹 𐍃𐌴𐌹𐌽𐌰𐌹. 𐌷𐌰𐌱𐌰𐌹𐌳𐌰 𐍂𐌰𐌹𐌷𐍄𐌹𐍃 𐌰𐌻𐌾𐍉𐍃 𐍆𐌰𐌳𐍂𐌴𐌹𐌽𐌹𐌽𐍃 - 𐌱𐍂𐍉𐌸𐍂𐌿𐌽𐍃 𐌹𐌰𐌼𐍃, 𐌹𐍉𐍃𐌴𐍆, 𐌹𐌿𐌳𐌰𐌽 𐌾𐌰𐌷 𐍃𐌴𐌹𐌼𐍉𐌽 𐌾𐌰𐌷 𐌽𐌰𐌼𐍉𐌻𐌰𐌿𐍃𐍉𐍃 𐍃𐍅𐌹𐍃𐍄𐍂𐌿𐌽𐍃. 𐌹𐌴𐍃𐌿𐍃 𐌷𐌰𐌹𐍄𐌰𐌳𐌰 τέκτων, 𐌸𐌰𐍄𐌴𐌹 𐌹𐍃𐍄 𐍄𐌹𐌼𐍂𐌾𐌰. 𐌱𐌹𐌸𐌴 𐌹𐌴𐍃𐌿𐍃 𐌱𐌰𐍂𐌽𐌹𐌻𐍉 𐍅𐌰𐍃, 𐌼𐌰𐌽𐌽𐌰 𐌷𐌰𐌹𐍄𐌰𐌳𐌰 𐍃𐍅𐌼𐌰𐌹𐍉𐌽 𐌵𐌰𐌸 𐌳𐌿 𐌼𐌰𐍂𐌹𐌰𐌼 𐌾𐌰𐌷 𐌹𐍉𐍃𐌴𐌱𐌰 𐌴𐌹 𐌹𐌴𐍃𐌿𐍃 "𐌻𐌹𐌲𐌹𐌸 𐌳𐌿 𐌳𐍂𐌿𐍃𐌰 𐌾𐌰𐌷 𐌿𐍃𐍃𐍄𐌰𐍃𐍃𐌰𐌹 𐌼𐌰𐌽𐌰𐌲𐌰𐌹𐌶𐌴 𐌹𐌽 𐌹𐍃𐍂𐌰𐌴𐌻𐌰 𐌾𐌰𐌷 𐌳𐌿 𐍄𐌰𐌹𐌺𐌽𐌰𐌹 𐌰𐌽𐌳𐍃𐌰𐌺𐌰𐌽𐌰𐌹 𐌾𐌰𐌷 𐌸𐌰𐌽 𐌸𐌴𐌹𐌽𐌰 𐍃𐌹𐌻𐌱𐍉𐌽𐍃 𐍃𐌰𐌹𐍅𐌰𐌻𐌰 𐌸𐌰𐌹𐍂𐌷𐌲𐌰𐌲𐌲𐌹𐌸 𐌷𐌰𐌹𐍂𐌿𐍃, 𐌴𐌹 𐌰𐌽𐌳𐌷𐌿𐌻𐌾𐌰𐌹𐌽𐌳𐌰𐌿 𐌿𐍃 𐌼𐌰𐌽𐌰𐌲𐌰𐌹𐌼 𐌷𐌰𐌹𐍂𐍄𐌰𐌼 𐌼𐌹𐍄𐍉𐌽𐌴𐌹𐍃". 𐌰𐍆𐌰𐍂 𐌸𐌰𐍄𐌴𐌹 𐌸𐌰𐌽 𐌲𐌰𐍃𐍄𐍉𐌸 𐌹𐌴𐍃𐌿𐍃 𐌹𐌽 𐌹𐌰𐌹𐍂𐌿𐍃𐌰𐌻𐌴𐌼, 𐌾𐌰𐌷 𐌱𐌴𐍂𐌿𐍃𐌾𐍉𐍃 𐍃𐌴𐌹𐌽𐌰𐌹 𐌽𐌹 𐌱𐌹𐌲𐌹𐍄𐌰𐌽𐌳𐍉𐌽𐌰 𐌲𐌰𐍅𐌰𐌽𐌳𐌹𐌳𐌴𐌳𐌿𐌽 𐍃𐌹𐌺 𐌾𐌰𐌷 𐌱𐌹𐌲𐌴𐍄𐌿𐌽 𐌹𐌽𐌰 𐌰𐌻𐌷 𐍃𐌹𐍄𐌰𐌽𐌳𐌰𐌽 𐌹𐌽 𐌼𐌹𐌳𐌾𐌰𐌹𐌼 𐌻𐌰𐌹𐍃𐌰𐍂𐌾𐌰𐌼 𐌾𐌰𐌷 𐌷𐌰𐌿𐍃𐌾𐌰𐌽𐌳𐌰𐌽 𐌹𐌼 𐌾𐌰𐌷 𐍆𐍂𐌰𐌹𐌷𐌽𐌰𐌽𐌳𐌰𐌽 𐌹𐌽𐍃. 𐌰𐌹𐌸𐌴𐌹 𐍃𐌴𐌹𐌽 𐌰𐌽𐌰𐌷𐌰𐌹𐌷𐌰𐌹𐍄 𐌹𐌼𐌼𐌰, 𐌹𐌸 𐌹𐌴𐍃𐌿𐍃 𐌰𐌽𐌳𐌷𐍉𐍆 𐌵𐌹𐌸𐌰𐌽𐌳𐍃 𐌴𐌹 "𐌽𐌹𐌿 𐍅𐌹𐍃𐍃𐌴𐌳𐌿𐌸 𐌸𐌰𐍄𐌴𐌹 𐌹𐌽 𐌸𐌰𐌹𐌼 𐌰𐍄𐍄𐌹𐌽𐍃 𐌼𐌴𐌹𐌽𐌹𐍃 𐍃𐌺𐌿𐌻𐌰 𐍅𐌹𐍃𐌰𐌽?"

𐌳𐌰𐌿𐍀𐌴𐌹𐌽𐍃 𐌾𐌰𐌷 𐍆𐍂𐌰𐌹𐍃𐌴𐌹𐌽𐍃[𐌹𐌽𐌼𐌰𐌹𐌳𐌴𐌹]

𐍃𐍉 𐌳𐌰𐌿𐍀𐌴𐌹𐌽𐍃 𐍇𐍂𐌹𐍃𐍄𐌰𐌿𐍃

𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌼𐌰𐍂𐌺𐌿 𐌳𐌰𐌿𐍀𐌹𐌸𐍃 𐍅𐌰𐍃 𐌹𐌴𐍃𐌿𐍃 𐍆𐍂𐌰𐌼 𐌹𐍉𐌷𐌰𐌽𐌽𐌴 𐌾𐌰𐌷 𐌹𐍉𐌷𐌰𐌽𐌽𐌴𐍃 𐌲𐌰𐍃𐌰𐍈 𐌰𐌷𐌼𐌰𐌽 𐍃𐍅𐌴 𐌰𐌷𐌰𐌺 𐌰𐍄𐌲𐌰𐌲𐌲𐌰𐌽𐌳𐌰𐌽 𐌰𐌽𐌰 𐌹𐌴𐍃𐌿 𐌾𐌰𐌷 𐌲𐌰𐌷𐌰𐌿𐍃𐌹𐌳𐌰 𐍃𐍄𐌹𐌱𐌽𐌰 𐌵𐌹𐌼𐌰𐌽𐌳𐌰𐌽𐌰 𐌿𐍃 𐌷𐌹𐌼𐌹𐌽𐌰𐌼: "𐌸𐌿 𐌹𐍃 𐍃𐌿𐌽𐌿𐍃 𐌼𐌴𐌹𐌽𐍃 𐍃𐌰 𐌻𐌹𐌿𐌱𐌰 𐌹𐌽 𐌸𐌿𐌶𐌴𐌹 𐍅𐌰𐌹𐌻𐌰 𐌲𐌰𐌻𐌴𐌹𐌺𐌰𐌹𐌳𐌰. 𐌿𐍃𐌿𐌷𐍄𐌰𐌿𐌷 𐌸𐌰𐌽 𐌹𐌴𐍃𐌿 𐌹𐌽 𐌰𐌿𐌸𐌹𐌳𐌰 𐌸𐌰𐍂𐌴𐌹 𐍅𐌰𐍃 𐌳𐌰𐌲𐌴 𐍆𐌹𐌳𐍅𐍉𐍂 𐍄𐌿𐌲𐌿𐌽𐍃 𐍆𐍂𐌰𐌹𐍃𐌰𐌽𐍃 𐍆𐍂𐌰𐌼 𐍃𐌰𐍄𐌰𐌽𐌹𐌽. 𐌰𐍆𐌰𐍂 𐌸𐌰𐍄𐌴𐌹 𐌰𐍄𐌲𐌹𐌱𐌰𐌽𐍃 𐍅𐌰𐍂𐌸 𐌹𐍉𐌷𐌰𐌽𐌽𐌴𐍃 𐌾𐌰𐌷 𐌵𐌰𐌼 𐌹𐌴𐍃𐌿𐍃 𐌹𐌽 𐌲𐌰𐌻𐌴𐌹𐌻𐌰𐌹𐌰𐌿 𐌼𐌴𐍂𐌾𐌰𐌽𐌳𐍃 𐌰𐌹𐍅𐌰𐌲𐌲𐌴𐌻𐌾𐍉𐌽. 𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌼𐌰𐍄𐌸𐌹𐌰𐌿 𐌹𐍃𐍄 𐌳𐌰𐌿𐍀𐌴𐌹𐌽𐍃 𐌹𐌴𐍃𐌿𐌹𐍃 𐌲𐌰𐌻𐌴𐌹𐌺𐌰 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌼𐌰𐍂𐌺𐌿.

𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌻𐌿𐌺𐌰𐌽 𐌰𐍄𐌹𐌳𐌳𐌾𐌰 𐌳𐌰𐌻𐌰𐌸 𐌰𐌷𐌼𐌰 𐍃𐌰 𐍅𐌴𐌷𐌰 𐍃𐍅𐌴 𐌰𐌷𐌰𐌺 𐌱𐌹𐌸𐌴 𐌱𐌹𐌳𐌾𐌰𐌽𐌳𐍃 𐍅𐌰𐍃 𐌹𐌴𐍃𐌿𐍃.

𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌹𐍉𐌷𐌰𐌽𐌽𐌴 𐍅𐌴𐌹𐍄𐍅𐍉𐌳𐌴𐌹𐌸 𐌹𐍉𐌷𐌰𐌽𐌽𐌴𐍃 𐌴𐌹 𐌲𐌰𐍃𐌰𐍈 𐌰𐌷𐌼𐌰𐌽 𐌰𐍄𐌲𐌰𐌲𐌲𐌰𐌽𐌳𐌰𐌽 𐌰𐌽𐌰 𐌹𐌴𐍃𐌿, 𐌹𐌸 𐌽𐌹 𐌷𐌰𐌱𐌰𐌹𐌸 𐌳𐌰𐌿𐍀𐌴𐌹𐌽 𐌽𐌹𐌷 𐍆𐍂𐌰𐌹𐍃𐌴𐌹𐌽 𐌹𐌴𐍃𐌿𐌹𐍃.

𐍃𐌹𐍀𐍉𐌽𐌾𐍉𐍃[𐌹𐌽𐌼𐌰𐌹𐌳𐌴𐌹]

𐌹𐌴𐍃𐌿𐍃 𐌷𐌰𐌱𐌰𐌹𐌳𐌰 𐍄𐍅𐌰𐌻𐌹𐍆 𐌰𐍀𐌰𐌿𐍃𐍄𐌰𐌿𐌻𐌿𐌽𐍃. 𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌼𐌰𐍄𐌸𐌹𐌰𐌿 𐌾𐌰𐌷 𐌼𐌰𐍂𐌺𐌿 𐍅𐌴𐍃𐌿𐌽 𐌰𐍀𐌰𐌿𐍃𐍄𐌰𐌿𐌻𐌴𐌹𐍃 𐍆𐌹𐍃𐌺𐌾𐌰𐌽𐍃 𐌸𐌰𐌹𐌶𐌴𐌹 𐍃𐌿𐌽𐍃 𐌰𐍆𐌻𐌰𐌹𐌻𐍉𐍄𐌿𐌽 𐌸𐍉 𐌽𐌰𐍄𐌾𐌰 𐍃𐌴𐌹𐌽𐌰 𐌳𐌿 𐌻𐌰𐌹𐍃𐍄𐌾𐌰𐌽 𐌰𐍆𐌰𐍂 𐌹𐌴𐍃𐌿𐌰. 𐌹𐌽 𐌰𐌹𐍅𐌰𐌲𐌲𐌴𐌻𐌾𐍉𐌽 𐌸𐌰𐌹𐍂𐌷 𐌹𐍉𐌷𐌰𐌽𐌽𐌴 𐌰𐍀𐌰𐌿𐍃𐍄𐌰𐌿𐌻𐌴𐌹𐍃 𐍅𐌴𐍃𐌿𐌽 𐍆𐌰𐌿𐍂𐌸𐌹𐍃 𐍃𐌹𐍀𐍉𐌽𐌾𐍉𐍃 𐌹𐍉𐌷𐌰𐌽𐌽𐌹𐍃. 𐌹𐍉𐌷𐌰𐌽𐌽𐌴𐍃 𐌲𐌰𐍃𐌰𐌹𐍈𐌰𐌽𐌳𐍃 𐌹𐌴𐍃𐌿 𐌾𐌰𐌷 𐌷𐌰𐌹𐌷𐌰𐌹𐍄 𐌹𐌽𐌰 𐌸𐌰𐌽𐌰 𐍅𐌹𐌸𐍂𐌿 𐌲𐌿𐌳𐌹𐍃; 𐌸𐌰𐍄𐌰 𐌲𐌰𐌷𐌰𐌿𐍃𐌾𐌰𐌽𐌳𐌰𐌽𐍃 𐍃𐌹𐍀𐍉𐌽𐌾𐍉𐍃 𐌻𐌰𐌹𐍃𐍄𐌹𐌳𐌴𐌳𐌿𐌽 𐌰𐍆𐌰𐍂 𐌹𐌴𐍃𐌿𐌰.

𐌻𐌰𐌹𐍃𐌴𐌹𐌽𐍃[𐌹𐌽𐌼𐌰𐌹𐌳𐌴𐌹]

𐌹𐌴𐍃𐌿𐍃 𐌻𐌰𐌹𐍃𐌹𐌳𐌰 𐌲𐌰𐌾𐌿𐌺𐍉𐌼 𐌱𐌹 𐌸𐌹𐌿𐌳𐌰𐌽𐌲𐌰𐍂𐌳𐌰 𐌲𐌿𐌳𐌹𐍃. 𐌻𐌰𐌹𐍃𐌹𐌳𐌰 𐌾𐌰𐌷 𐍂𐌰𐌹𐌷𐍄𐌹𐍃 𐌸𐍉𐍃 𐌰𐌽𐌰𐌱𐌿𐍃𐌽𐌹𐌽𐍃: 𐌽𐌹 𐌷𐍉𐍂𐌹𐌽𐍉𐍃, 𐌽𐌹 𐌼𐌰𐌿𐍂𐌸𐍂𐌰𐌹𐍃, 𐌽𐌹 𐌷𐌻𐌹𐍆𐌰𐌹𐍃; 𐌽𐌹 𐍃𐌹𐌾𐌰𐌹𐍃 𐌲𐌰𐌻𐌹𐌿𐌲𐌰𐍅𐌴𐌹𐍄𐍉𐌳𐍃; 𐌽𐌹 𐌰𐌽𐌰𐌼𐌰𐌷𐍄𐌾𐌰𐌹𐍃; 𐍃𐍅𐌴𐍂𐌰𐌹 𐌰𐍄𐍄𐌰𐌽 𐌸𐌴𐌹𐌽𐌰𐌽𐌰 𐌾𐌰𐌷 𐌰𐌹𐌸𐌴𐌹𐌽 𐌸𐌴𐌹𐌽𐌰.

𐌿𐍃𐌷𐍂𐌰𐌼𐌴𐌹𐌽𐍃[𐌹𐌽𐌼𐌰𐌹𐌳𐌴𐌹]

𐌿𐍃𐌷𐍂𐌰𐌼𐌴𐌹𐌽𐍃 𐌹𐌴𐍃𐌿𐌹𐍃 (1482)

𐌿𐍃𐌷𐍂𐌰𐌼𐌴𐌹𐌽𐍃 𐌹𐌴𐍃𐌿𐌹𐍃 𐌹𐌽 𐌰𐌻𐌰𐌹𐌼 𐌰𐌹𐍅𐌰𐌲𐌲𐌴𐌻𐌾𐍉𐌼 𐌹𐍃𐍄. 𐌿𐍃𐌷𐍂𐌰𐌼𐌹𐌸𐍃 𐍅𐌰𐍂𐌸 𐍆𐍂𐌰𐌼 𐍂𐌿𐌼𐍉𐌽𐌹𐍃𐌺𐌰𐌹𐌼 𐌲𐌰𐌳𐍂𐌰𐌿𐌷𐍄𐌰𐌼. 𐍆𐌰𐌿𐍂𐌸𐌹𐌶𐌴 𐌿𐍃𐌷𐍂𐌰𐌼𐌹𐌸𐍃 𐍅𐌰𐌿𐍂𐌸𐌹, 𐍃𐍄𐍉𐌸 𐌹𐌴𐍃𐌿𐍃 𐍆𐌰𐌿𐍂𐌰 𐍀𐌰𐌿𐌽𐍄𐌹𐌰𐌿 𐍀𐌴𐌹𐌻𐌰𐍄𐌰𐌿, 𐍃𐌰𐌴𐌹 𐍆𐍂𐌰𐌷 𐌹𐌽𐌰 𐌵𐌹𐌸𐌰𐌽𐌳𐍃: "𐌸𐌿 𐌹𐍃 𐌸𐌹𐌿𐌳𐌰𐌽𐍃 𐌹𐌿𐌳𐌰𐌹𐌴?" 𐌹𐌴𐍃𐌿𐍃 𐌰𐌽𐌳𐌷𐍉𐍆 𐌵𐌹𐌸𐌰𐌽𐌳𐍃: 𐌸𐌿 𐌵𐌹𐌸𐌹𐍃". 𐌰𐍆𐌰𐍂 𐌸𐌰𐍄𐌴𐌹 𐌽𐌹 𐌰𐌽𐌳𐌷𐍉𐍆 𐌹𐌼𐌼𐌰 𐌹𐌴𐍃𐌿𐍃, 𐍃𐍅𐌰𐍃𐍅𐌴 𐍃𐌹𐌻𐌳𐌰𐌻𐌴𐌹𐌺𐌹𐌳𐌰 𐍃𐌰 𐌺𐌹𐌽𐌳𐌹𐌽𐍃 𐍆𐌹𐌻𐌿. 𐍅𐌰𐍃𐌿𐌷 𐌸𐌰𐌽 𐌾𐌰𐌷 𐍄𐍅𐌰𐌹 𐌱𐌰𐌽𐌳𐌾𐌰𐌽𐍃: 𐌹𐌴𐍃𐌿𐍃 𐍇𐍂𐌹𐍃𐍄𐌿𐍃 𐌾𐌰𐌷 𐌹𐌴𐍃𐌿𐍃 𐌱𐌰𐍂𐌰𐌱𐌱𐌰𐍃, 𐌸𐌰𐍄𐌴𐌹 𐌹𐍃𐍄 "𐌹𐌴𐍃𐌿𐍃 𐍃𐌿𐌽𐌿𐍃 𐌼𐌰𐌽𐍃". 𐍃𐌰 𐌺𐌹𐌽𐌳𐌹𐌽𐍃 𐌼𐌰𐌷𐍄𐌰 𐌰𐌹𐌽𐌰𐌽𐌰 𐌱𐌰𐌽𐌳𐌾𐌰𐌽 𐌸𐌹𐌶𐌰𐌹 𐌼𐌰𐌽𐌰𐌲𐌴𐌹𐌽 𐍆𐍂𐌰𐌻𐌴𐍄𐌰𐌽, 𐌸𐌰𐌽𐌴𐌹 𐍅𐌹𐌻𐌳𐌴𐌳𐌿𐌽. 𐌵𐌰𐌸 𐌸𐌰𐌽 𐌹𐌼 𐍀𐌴𐌹𐌻𐌰𐍄𐌿𐍃: "𐍈𐌰𐌽𐌰 𐍅𐌹𐌻𐌴𐌹𐌸 𐌴𐌹 𐍆𐍂𐌰𐌻𐌴𐍄𐌰𐌿 𐌹𐌶𐍅𐌹𐍃? 𐌱𐌰𐍂𐌰𐌱𐌱𐌰𐌽 𐌸𐌰𐌿 𐌹𐌴𐍃𐌿, 𐍃𐌰𐌴𐌹 𐌷𐌰𐌹𐍄𐌰𐌳𐌰 𐍇𐍂𐌹𐍃𐍄𐌿𐍃?" 𐍃𐍉 𐌼𐌰𐌽𐌰𐌲𐌴𐌹 𐌲𐌰𐍅𐌰𐌻𐌹𐌳𐌴𐌳𐌿𐌽 𐌱𐌰𐍂𐌰𐌱𐌱𐌰𐌽, 𐌹𐌽𐌿𐌷 𐌸𐌹𐍃 𐌹𐌴𐍃𐌿𐍃 𐍇𐍂𐌹𐍃𐍄𐌿𐍃 𐌿𐍃𐌷𐍂𐌰𐌼𐌹𐌸𐍃 𐌷𐌰𐌱𐌰𐌹𐌳𐌰 𐍅𐌰𐌹𐍂𐌸𐌰𐌽.

𐌸𐌰𐌹 𐌲𐌰𐌳𐍂𐌰𐌿𐌷𐍄𐍉𐍃 𐌸𐌰𐌽 𐌹𐌴𐍃𐌿 𐌿𐍃𐌷𐍂𐌰𐌼𐌹𐌳𐌴𐌳𐌿𐌽. 𐌿𐍆𐌰𐍂 𐌷𐌰𐌿𐌱𐌹𐌸 𐌹𐌴𐍃𐌿𐌹𐍃 𐍃𐍄𐍉𐌸 𐍀𐌴𐌹𐌻𐌰𐍄𐌰𐌿𐍃 𐌲𐌰𐌼𐌴𐌻𐌴𐌹𐌽𐍃 "𐌹𐌴𐍃𐌿𐍃 𐌽𐌰𐌶𐌰𐍂𐌰𐌹𐌸 𐌸𐌹𐌿𐌳𐌰𐌽𐍃 𐌹𐌿𐌳𐌰𐌹𐌴". 𐍅𐌰𐌿𐍂𐌸𐌿𐌽 𐌾𐌰𐌷 𐍄𐍅𐌰𐌹 𐌸𐌹𐌿𐌱𐍉𐍃 𐌿𐍃𐌷𐍂𐌰𐌼𐌹𐌳𐌰𐌹. 𐌲𐌰𐌳𐍂𐌰𐌿𐌷𐍄𐍉𐍃 𐌲𐌰𐌱𐍂𐌴𐌺𐌿𐌽 𐍆𐍉𐍄𐌿𐌽𐍃 𐌸𐌹𐌿𐌱𐌴 𐌳𐌿 𐍃𐌽𐌹𐌿𐌼𐌾𐌰𐌽 𐌳𐌰𐌿𐌸𐌿 𐌹𐌶𐌴, 𐌹𐌸 𐌽𐌹 𐍆𐍉𐍄𐌿𐌽𐍃 𐌹𐌴𐍃𐌿𐌹𐍃 𐌿𐌽𐍄𐌴 𐌾𐌿 𐌳𐌰𐌿𐌸𐍃 𐍅𐌰𐍃.